Coss Ear2
lakbima.lk
COSS Ear 1

විරාජ් පෙරේරා කියන්නේ ‘හදවත ගැහෙනා’ ගීතයත් එක්ක බොහෝ තරුණ තරුණියන්ගේ හදවත් දිනාගත් ගායකයෙක්. 
මේ දවස්වල ඔහුගේ අලුත්ම ගීතය වන “තථාගතයාණනි” කියන ගීතයටත් හිතුවටත් වඩා ප්‍රතිචාර ලැබෙන්න පටන් අරන් කියලා අපට ආරංචි වුණා. ඒ ගැන දැනගන්නත් එක්ක ‘රිද්ම’ අපි විරාජ් පෙරේරාට කතා කළා. 
 
විරාජ් පෙරේරා කියන ගායකයාට “තථාගතයාණනි” කියන ගීතය නිසා වෙනස් ප්‍රතිරූපයක් ගොඩනැගුණා කිව්වොත් නිවැරදිද?
ගායකයෙක් විදිහට වෙනස් ප්‍රතිරූපයක් හැදෙනවට තමයි මමත් කැමති. දීර්ඝකාලීනව එකම රාමුවක කොටුවෙලා ඉන්න මම කැමති නැහැ. මගේ ගායන විලාශය වෙනස් ගීතත් එක්ක ගොඩනගන්න තමයි මම උත්සාහ කරන්නේ. ඉතින් ආදර ගීත කරලා ලැබුණ තැනට වඩා ‘තථාගතයාණනි’ කියන ගීතයත් එක්ක ගොඩනැගුණු අනන්‍යතාවයට මම ගරු කරනවා.
 
ඉස්සර නම් බෞද්ධ ගීතයක් කිව්වාම මොහොදින් බෙග්. ඒත් අද කා‍ලේ බෞද්ධ ගීතයක් කිව්වාම විරාජ් පෙරේරා තමයි ඉතින් කියලා මේ දිනවල සමාජ ජාලාවල හුවමාරු වෙන සටහන ඔබ විසින්ම ප්‍රචාරණය සඳහා යොදාගත් උපක්‍රමයක් කියලා සමහරු කියනවා?
සමාජ ජාලාවල විවිධ ‍පෝස්ට් හැදෙනවා. මට තියෙන හඬ විලාශයත් එක්ක වෙන්න ඇති මොහිදින් බෙග් කියන ප්‍රවීණ ගායන ශිල්පියාට මාව සමහරු සම කරනවා ඇත්තේ. මමත් ආසයි කවදාහරි බෙග් මාස්ටර්, අමරදේව මාස්ටර් වගේ අපේ සංගීත ක්‍ෂේත්‍රයට වටිනා කියන දේවල් එකතු කරන ගායකයෙක් වෙන්න. ඒ ඇරෙන්න මම ජනප්‍රිය වෙන්න කියලා හිතාගෙන ඔහොම සටහන් අන්තර්ජාලයට දමලා නැහැ. 
 
ඒ වුණත්  විරාජ් පෙරේරාගේ බලා‍පොරොත්තුව මොහිදින් බෙග් වගේ ගායකයෙක් වෙන එකද?
මම මොහිදින් බෙග් වගේ කියලා මම කවදාවත් කියන්නේ නැහැ. මොකද බෙග් මාස්ටර් මට වඩා ගොඩාක් ඉහළින් ඉන්නේ. නමුත් මම කැමතියි කවදාහරි ඒ වගේ ප්‍රවීණ ගායකයකු විදිහට යම් මතකයක් අපේ සංගීතයට එකතු කරන්න.
 
ඒ නිසාද බෞද්ධ ගීත වැඩිපුර නිර්මාණය කරන්න බලා‍පොරොත්තු වෙන්නේ?
මම හරිම ආසාවෙන් හිටියේ බෞද්ධ ගීතයක් ගායනා කරන්න. මට මුලින්ම ආරාධනා ලැබෙන්නේ ‘රිදී විහාරය’ කියන ගීතයට. නමුත් ඒ දවස්වල මම ටිකක් අසනීප තත්ත්වෙයි හිටියේ. ඒ නිසා ඒ ගීතය මට අහිමි වුණා. නමුත් තථාගතයාණනි කියන ගීතය මට ලැබුණාම මගේ බලා‍පොරොත්තුව ඉටුවුණා. තථාගතයාණනි ලියපු ලසිත ජයනෙත්තිට වගේම සංගීතවත් කරපු ඩිල්ෂාන් සහ අධ්‍යක්ෂණය කළ ප්‍රසාද්ට මම ස්තූති කරනවා. ඉදිරියේදී මගේ තවත් බොදු ගී එකතුවකුත් අහන්න ලැබේවි.
 
ජයසේකර අ‍පෝන්සුගෙන් විරාජ් පෙරේරාට විශේෂ ආරාධනාවක් ලැබුණා කියන්නේ ඇත්තද?
ඔව්, ජයසේකර අ‍පෝන්සු මට කතා කරලා පිටපතක් අතට දීලා කිව්වා විරාජ් මේ චිත්‍රපටය ඔයා කරන්න ඕනේ. ඒක මගේ හීනයක් කියලා. මම වගේම සංගීත ජීවිතයක් ගැන කියැවෙන, මම රඟපාන චිත්‍රපටයක් ඒ අනුව ඉදිරියේදී දැකගන්න පුළුවන් වේවි. රඟපෑමට අමතරව චිත්‍රපටය සඳහා ගීත නිර්මාණය කරන්නේත් මමයි. ඒ නිසා මේ දවස්වල ටිකක් කාර්යබහුල වෙලයි ඉන්නේ.
 
ඒ කියන්නේ විරාජ් පෙරේරා ඉදිරියේදී නළුවෙක් වෙන්න යනවා කියන එකද?
අනිවාර්යයෙන්ම ඒ චිත්‍රපටයේ මම රඟපානවා. චිත්‍රපටයේ පිටපත ජයසේකර අ‍පෝන්සුගේ. ඒ වගේම ඉදිරියේදී තවත් නිර්මාණ කිහිපයක රඟපාන්නත් අදහසක් තියෙනවා. 
 
රඟපෑමට යොමු වුණොත් විරාජ් පෙරේරා ගායනා ක්‍ෂේත්‍රයෙන් සමුගනීද?
කවදාවත් නැහැ. මොකද ගායකයකු වීම කියන්නේ මට තිබුණු ලොකුම හීනයයි. මට අවුරුදු 5දී මම ‘විරාජ් ගී දැහැන’ කියලා වැඩසටහනක් කළා. එහිදී ගුණදාස කපුගේ මහතාගේ ගීත රැසක් මම තනිවම ගායනා කළා. මම පාසලෙන් අයින් වෙලා ගීත හදන කෙනෙක් විදිහට බොහෝ දෙනා හඳුන ගත්තා. ඒත් එක්කම ගායකයකු වීමේ හීනයත් සැබෑ කරගන්න පුළුවන් වුණා. දැන් ඉතින් නළුවෙකු වීමේ හීනයටත් ළඟා වෙමින් ඉන්නවා.
 
විරාජ්ගේ පෞද්ගලික ජීවිතය මොන වගේද කියලා දැනගන්න කැමැති පිරිසකුත් ඉන්නවා?
මගේ පවු‍ලේ ඉන්නේ මමයි, අයියයි, නංගියි, අම්මයි තාත්තයි. මගේ අම්මයි තාත්තයි තමයි මගේ ලොකුම ශක්තිය. මම තාම අවිවාහකයි. 
 
සමන්මලී නැලිගම{jcomments on}

සිංහල සිනමාවේ ජනප්‍රිය රංගන ශිල්පියෙකු වන රොෂාන් රණවන පසුගිය දිනෙක සමාජ ජාල වබේ අඩවි වෙත ඔහුගේ වෙනස්ම විදිහේ ඡායාරූප පෙළක් මුදාහැර තිබුණා. බැලූ බැල්මට ටෙලි නාට්‍යයක හෝ චිත්‍රපටයක දර්ශන ලෙස පෙනෙන එම ඡායාරූපවල රොෂාන්ගේ පෙනුම ගැන බොහෝ දෙනා විවිධ ප්‍රතිචාර දක්වලා තිබුණා. මොකද වෙනදා දැක පුරුදු විදියට හාත්පසින්ම වෙනස් ආකාරයකටයි ඔහුගේ රුව එම ඡායාරූපවල සටහන් වෙලා තිබුණේ. රොෂාන්ට ඒ විදිහට තමන්ගේ පෙනුම වෙනස් කරගන්න සිදු වුණේ ඇයිද කියලා ආදරණීය පාඨකයන් වෙනුවෙන් අපි සොයා බැලුවා. 
 
ඔබ සමාජ ජාල වබේ අඩවි වෙත එක්කර තිබූ ඡායාරූප පෙළක් ගැන මේ දිනවල බොහෝ දෙනා කතා බහ කරනවා. කොණ්ඩෙයි රැවුලයි වවාගෙන රොෂාන් මේ කරන්න සූදානම් වෙන්නේ මොකක්ද කියන එක හුඟාක් අයට ගැටලුවක් වෙලා. ඇත්තටම මොකක්ද ඔබේ මේ වෙනසට හේතුව? 
කොහොමටත් ඉදිරි කාලයේදි ප්‍රේක්ෂකයන්ට මාව වෙනස්ම විදිහේ චරිතවලින් තමයි මුණගැහෙන්නේ. මගේ ඒ වෙනස ප්‍රේක්ෂකයන්ට අත්විඳින්නට ලැබෙන එක්තරා චරිතයක් සඳහායි මම ඒ විදිහට මගේ පෙනුම වෙනස් කරගත්තේ.
 
ඔබේ අලුත් චිත්‍රපටය වෙනුවෙන්ද ඒ විදිහට ඔබට වෙනස් වෙන්න සිද්ධ වුණේ? 
නැහැ. ඒක ටෙලි නාට්‍යයක්. එහි නම තමයි සුනේත්‍රා. එය අධ්‍යක්ෂණය කරන්නේ සමන් කුමාර ලියනගේ. 1900 මුල් ගණන්වල කතාවකුයි දිග හැරෙන්නේ. ඒ කතාවේ හැටියට අලුදෙනිය වලව්වේ මහනිලමේගේ පුතා වන මල්රාළ විදිහටයි මම රඟපාන්නේ. 
 
මේ චරිතය වෙනුවෙන් ඔබට සටන් ක්‍රම පවා පුරුදු පුහුණු වෙන්න සිදුවුණා කියන්නේ ඇත්තද? 
ඔව්. සුනේත්‍රා කියන්නේ පාරම්පරික වළව් අතරේ පවතින තරහ මරහ ආදිය ගැනත් කතා බහ කෙරෙන ටෙලි නාට්‍යයක්. ටෙලි නාට්‍යයට අංගම්‍පොර සටන් දර්ශනත් ඇතුළත් වෙන නිසා මට ඒ වෙනුවෙන් අංගම්‍පොර සටන් කලාවත් ප්‍රගුණ කරන්න සිද්ධ වුණා. 
 
ඔබ වඩාත් ප්‍රකට චිත්‍රපට නළුවෙක් විදිහටයි. ඇයි කාලෙකට පස්සේ ටෙලි නාට්‍යයක රඟපාන්න ඕනෑ කියලා හිතුණේ? 
මම අවුරුදු 3-4කට පස්සේ තමයි ටෙලි නාට්‍යයකට රංගනයෙන් දායක වෙන්නේ. මගේ රංගන ජීවිතයේ යම් වෙනසක් අවශ්‍යයි කියල හිතුණු නිසයි මම මේ ආරාධනාව බාරගත්තේ. මොකද මට මේ ටෙලි නාට්‍යයේදි ලැබිලා තියෙන්නේ මම මීට කලින් රඟපෑ ආකාරයේ චරිතවලට වඩා හාත්පසින්ම වෙනස් චරිතයක්. 
 
ඔබ කලින් සඳහන් කළ වෙනස ඔබේ චිත්‍රපටවලිනුත් දැකගන්නට ලැබේවිද? 
ඇත්තෙන්ම ඔව්. මීළඟට එන ෆේස් ටු ෆේස් චිත්‍රපටයේ මම ද්විත්ව චරිත රඟපෑමක යෙදෙනවා. ඒ වගේම මුල් වරට මම දුෂ්ට චරිතයකින්  ප්‍රේක්ෂකයන් ඉදිරියට එනවා. 
 
කාලයක් රිදී තිරයේ ජනප්‍රියම පෙම්වතා බවට පත්ව සිටි ඔබට දැන් හේමාල් රණසිංහ වැනි රංගන ශිල්පීන් අභියෝගයක් බවට පත්වෙලා මොනවාද හිතෙන්නේ ඒ ගැන? 
සිනමාවට අලුත් මුහුණු එකතු විය යුතුයි. මම විතරක් තනිවම රේස් එක දුවලා රිදී තිරයේ පෙම්වතාගේ කිරුළ දිනා ගත්තා කියලා වැඩක් නැහැනේ. අලුත් අයගෙන් අභියෝග එල්ල වුණාම තමයි මට වුණත් මගේ අඩුපාඩු හදාගන්න අවස්ථාව ලැබෙන්නේ. අනික ජනප්‍රියත්වය කියන දේ කාලයෙන් කාලයට වෙනස් වෙනවා කියන කාරණයත් මම හොඳට වටහාගෙනයි ඉන්නේ.
 
විවාහ වෙලත් දැන් වසර කිහිපයක් ගතවෙලානේ, ළඟදි දරු සුරතල් බලන්න එහෙම අදහසක් නැද්ද? 
මොකද නැත්තේ? රංගන ජීවිතයේ වෙනසකට මුල පිරුවා වගේ ඒ වෙනසත් අපේ ජීවිතවලට සමීප කරගන්න මමත් බිරිඳත් මග බලාගෙන ඉන්නවා. 
 
කිෂාන් කනංකේ

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1219

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 695

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4073

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2341

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4375

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5523

Please publish modules in offcanvas position.