Coss Ear2
lakbima.lk
COSS Ear 1

පසුගිය 17 වැනිදා මීගමු ඊගල්ස් ලැගුන්වීව් හිදී අපූරු විවාහ මංගලෝත්සවයක් පැවැත්වුණා. එම පවු‍ලේ එකම අක්කාගෙයි නංගිගෙයි විවාහයන් එකම මොහොතේ එකම තැනකදී සිදුවීම තමයි එහි දකින්නට ලැබුණු විශේෂත්වය. එම විශේෂ මංගල්‍ය උත්සවය සුවිශේෂී එකක් වුණේ මේ මනාලියන් දෙදෙනාගෙන් කෙනෙක් රටේම ජනප්‍රිය යොවුන් ගායිකාවක වීම නිසයි. ඇය තමයි උපේඛා නිර්මාණි
 
එකම දවසේ අක්කගෙයි නංගිගෙයි දෙන්නාගේම විවාහයන් සිදු වුණා නේද? 
ඔව්. 18 වැනිදා අපේ මංගල්‍යය පැවැත්වුණා. 19 වැනිදා නයිනමඩම කුමුදුවැලි එකේ මගේ දෙවැනි ගමනේ උත්සවය පැවැත්වුණා. අක්කගේ (චමත්කා) දෙවැනි ගමන පැවැත්වුණේ 21වැනිදා අනුරාධපුර රන් ලිය හෝටලයේදී අක්කගේ  මනාලයා (ඉමල්ක) පදිංචි අනුරාධපුරේ. 
 
පවු‍ලේ හිටපු දරුවෝ දෙන්නම ගෙදරින් ගියාට පස්සේ අම්මයි තාත්තයි තනි වෙනවා නේද? 
මමයි තිළිණයි හදපු අලුත් නිවස තියෙන්නේ අපේ ගෙදරට ටිකක් ආසන්නයේ. ඒ හින්දා අම්මයි තාත්තයි තනි වෙන්නේ නැහැ. 
 
අක්කගේ තොරතුරු ගැනත් 'රිද්ම' හිතවතුන්ට කීවොත්? 
අක්කයි අයියයි දෙන්නම ගෘහ නිර්මාණ ශිල්පීන්. 
 
උපේඛාගේ හිත ගත්තු තිළිණගේ විස්තර අපි තිළිණගෙන්ම අහමු?
අපි එහෙම කිව්වම තිළිණත් හිනාවෙලා අපේ කතා බහට එකතු වුණා. මම වෘත්තියෙන් පරිගණක මෘදුකාංග ඉංජිනේරුවෙක්. මමත් මීගමුවේ. මම නම් කලාවට දක්ෂ නැහැ. හැබැයි සංගීතයට කැමතියි. 
 
ඒ හින්දද ගායිකාවක් සහකාරිය විදියට තෝරාගත්තේ? 
(හිනැහි) උපේ්ඛා ඩී්‍රම් ස්ටාර් තරගයට ඉදිරිපත්වූ කා‍ලේ ඉඳන් මම ඇයව රූපවාහිනියෙන් දැකලා තිබුණා. ඇයත් මීගමුවේ හින්දා අපිට උපේඛා ගැන විශේෂ අවධානයක් තිබුණා. අපේ ගෙදර අයත් ඒ කා‍ලේ එස්.එම්.එස්. යැව්වේ උපේඛා වෙනුවෙන්. ඒත් මම උපේඛාට කැමති වුණේ නම් එයා ගායිකාවක් හින්දා ‍නෙවෙයි. අපි දෙන්නා අතර ලොකු ගැළපීමක් තියෙනවා. කනබොන දේ පවා ගැළපෙනවා. ඒ හින්දයි මට හිතුනේ උපේඛාව අනාගත සහකාරිය විදියට තෝරාගන්න. 
 
උපේඛා කියන්න බලන්න තිළිණට කැමති වෙන්න බලපෑ හේතු? 
මමත් ඒ හේතු නිසාම තමයි ඔහුට කැමති වුණේ.  අනික තිළිණ හරි හොඳ කෙනෙක්. මම එයාව හඳුනගත්තේ මගේ හොඳම මිතුරිය ගයාෂානි හරහා. තිළිණ ගයාෂානිගෙත් හොඳම මිතුරෙක්. ගයාෂානි මට තිළිණ ගැන කියලා තිබුණා. ඒ කියලා තිබුණෙත් එයාගේ හොඳම තමයි. මුණ ගැහිලා ඇසුරු කරද්දී මට ඒ හොඳ තවත් වැඩිවෙලා පෙනුනා. 
 
දෙදෙනාගේ හමුව, ආදරවන්තයින් වීම ලස්සන කතාවක් වෙන්න ඇති. ඒ කතාව දැනගන්න අපේ 'රිද්ම' පාඨක පිරිස කැමති වේවි? 
ගයාෂානිගේ ප්‍රශ්නයකදී එයාගේ හිත හදන්න තමයි අපි දෙන්න එකතු වුණේ. හා හා පුරා කියලා අපි මුණගැහුණේ 2017 මාර්තු 18 වැනිදා. එදා අපි තුන් දෙනා දවල් කෑමකට ගියා. එදා පළමු මුණගැහීමේදීම  මට තිළිණ ගැන ලොකු පැහැදීමක් ඇති වුණා. ඉන් පස්සේ දිගටම හමුවන විට අපි හොඳ යාළුවෝ වුණා. 
යාළුවෝ විදියට මාස දෙකක් විතර ආශ්‍රය කරද්දී දෙන්නාගේම හිත්වල ආදරයක් ඇති වුණා. දවසක් මීගමු වෙරළේදී කතා කර කර ඉන්න වෙලාවේ එක පාරටම තිළිණ මට ආදරෙයි කිවුවා. ඒ වෙද්දී මමත් යටි හිතින් එයාට කැමති වෙලා හිටියේ. අපේ පවුල්වලිනුත් අපේ සම්බන්ධයට කැමැත්ත ලැබුණා. ඊට පස්සේ අපි විවාහ වුණා. 
 
සමහර ජනප්‍රිය නිළියන් සහ ගායිකාවන් විවාහ වූ පසු ඔවුන්ගේ සැමියන් ඒ අයගේ කලා ජීවිතවලට තහංචි පනවනවා. උපේඛාගේ ඉදිරි සංගීත දිවිය ගැන තිළිණගේ තීරණය මොන වගේද? 
උපේඛා දිගටම සංගීත ක්ෂේත්‍රය තුළ රැඳෙන්න කැමතියි. මමත් කැමතියි ඇගේ සංගීත ජීවිතය දියුණු වනවාට. පහුගිය ඔක්තෝබර් 24 වැනිදා උපේඛාගේ උපන් දිනයට මම උපේඛා නිර්මාණි .තඬ නමින් වබේ අඩවියක් ඇයට තෑගි කළා. ඉදිරියේදීත් ක්‍ෂේත්‍රය පැත්තෙන් උපේඛාගේ සංගීත දිවියට මම උදව් උපකාර කරනවා. 
 
ආරියවංශ කුලතිලක

දුෂේනිට ‘උපේක්ෂා’ කියන චරිතය හරහා රංගන ශිල්පිනියක් වීමේ හීනය සැබෑ කරගන්නට පුළුවන් වුණේ 2015 ස්වාධීන රූපවාහිනී අවුරුදු කුමාරි තරගාවලියට ඇය සහභාගි වූ නිසයි. 
2015 ස්වාධීන රූපවාහිනී අවුරුදු කුමාරි තරගයට ඉල්ලුම් පත්‍රය යැවුවේ මගේ තාත්තා. මුලින්ම තාත්තා මට ඉල්ලුම් කරන්න කිව්වා 2015 අවුරුදු කුමාරි තරගයට. ඒත් මම කිව්වා මම 2016 අවුරුද්දේ අයදුම් කරන්නම් කියලා. බලනකොට මටත් නොකියා තාත්තා 2015 ඊව් අවුරුදු කුමාරි තරගයට මගේ නම යොමු කරලා තිබුණා. මොකද මගේ තාත්තාට ආශාවක් තිබුණා මාව අවුරුදු කුමාරියක් විදිහට දකින්න. ඒ තරගයෙන් මම අවසාන දොළොස් දෙනා අතරට තේරුණා. ඇත්තටම දුෂේනි මියුරංගි කියන තරුණියව ක්ෂේත්‍රයට ගෙන ආවේ ඒ අවුරුදු කුමාරි තරගය. මට එදා කිරුළ දිනාගන්න බැරි වුණා. සමහර විට දිනපු කෙනාට ක්ෂේත්‍රයට එන්න බැරි වෙන්න පුළුවන්. එතනදී තමයි වාසනාව කියන දේ බලපාන්නේ. වාසනාව වගේම තමන්ට ලැබෙන අවස්ථාව වැදගත්. මේ අවුරුදු කුමාරි තරගාවලිය තමයි මාව 'ආදරය ගින්දරක්' කියන ටෙලි නාට්‍යයේ උපේක්ෂා දක්වා අරගෙන ආවේ. මේ වසරේත් අවුරුදු කුමාරි තරගාවලි බොහෝමයක් පැවැත්වේවි. තමන්ට මොකක් හෝ ඉලක්කයක් තියෙනවා නම්, සමහර වෙලාවට ගෙදරින් බලපෑම් කරනවා වෙන්න පුළුවන් ඉගෙන ගන්න කියලා. ඒ වුණාට ඒ ළමයාගේ ආශාව තියෙන්නේ නිළියක් වෙන්න, එහෙම නැත්නම් රූ රැජිනියක් වෙන්න පුළුවන්. එහෙම තමන්ට ආශාව තියෙන ඉලක්කය දක්වා ගමන් කරන එක තමයි ජීවිතේ සතුට වෙන්නේ. නමුත් ඒ ගමන අතරතුර අධ්‍යාපනය කියන එක ඉතා වැදගත්. අද මෙවැනි තරගාවලිවලට ඉදිරිපත් වෙන බොහෝ දෙනා අධ්‍යාපනය ලැබිම අමතක කරනවා. එහෙම කරන්න හොඳ නැහැ. මොකද අධ්‍යාපනය තමයි අපිට හොඳ දේවල් තෝරා බේරා ගන්න මග පෙන්වන්නේ. මම නම් කියන්නේ ඕනෑම හොඳ තරගාවලියකට අයදුම් කරන්න. ඒක තමන්ට අනිවාර්යයෙන්ම වාසියක් වේවි. 
 
සමන්මලී නැලිගම

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1946

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1052

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5007

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2879

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4958

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6178

Please publish modules in offcanvas position.