Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

හිරු TV ඔස්සේ විකාශය වන ‘ආටක නාටක” ටෙලි නාට්‍යය හරහා අපේ ආලින්දයට ගොඩ වදින “නන්දන හෙට්ටිආරච්චි” ප්‍රහසන රංගනය වගේම ඉන් එහාට ගිය විවිධාකාර චරිත තුළිනුත් තමන්ගේ දක්ෂතාව පෙන්වූ රංගන ශිල්පියෙක්. පසුගියදා නන්දන ගැන අහන්නට ලැබුණේ කනගාටුදායක ආරංචියක්. ඒ තමයි නන්දන දරුණු රිය අනතුරකට ලක්වුණාය කියන පුවත. අන්තර්ජාලයේ පැතිරී ගිය මේ ප්‍රවෘත්තියේ රිය අනතුරට මුහුණ දුන් නන්දන රෝහල්ගතව ප්‍රතිකාර ලබන බවක් සඳහන්ව තිබූ අතර අනතුරට පත්වූ නන්දනගේ ඡායාරූපය පවා එහි පළකොට තිබුණා. පුවත දුටු සැණින් අපි නන්දනගේ ජංගම දුරකථනයට කතා කළේ අනතුර ගැන විස්තර දැනගන්නයි. ඒ වෙලාවේ තමයි අපිට සිද්ධියේ ඇත්ත නැත්ත දැනගන්න ලැබුණේ.
“නාට්‍යයේ එන දර්ශනයක මම රිය අනතුරකට ලක් වෙනවා. ඒ සීන් එකේ ෆොටෝස් අපේ මිත්‍රයෝ ගොසිප් සයිට් එකට දාලා පුංචි විහිළුවක් කරලා...”
නන්දනගේ රිය අනතුරේ ඇත්ත තත්ත්වෙ තමයි ඒ. නන්දනට සැබෑවටම කිසිම අනතුරක් වෙලා නැහැ. ඔහු සුපුරුදු විදියට තමන්ගේ රඟපෑම් කටයුතුවල නිතර වෙලා ඉන්නවා. 
 
ආරියවංශ කුලතිලක

ඕනෑම කෙනෙකුව සුළු මොහොතකින් තමන්ගේ පාසල් කාලය කරා රැගෙන යන්න පුළුවන් විදිහේ ගීත අතරින් ඉදිරියෙන්ම තිබෙන ගීතයක් තමයි සුළඟේ ලෙලෙනා මල්සේ දඟපා කියන්නේ. ඒ ගීතය ගායනා කරන්නේ ශාලිත අබේවික්‍රමයි.
සුළඟේ ලෙලෙනා පමණක් ‍නෙවෙයි, ගීත ලෝලීන්ගේ හද බැඳගත් තවත් ගීත රැසක් ශාලිත ගායනා කළ ගීත අතරේ තිබෙනවා. නමුත් ශාලිතගේ අලුත් ගීත දැන් අසන්නට නොලැබෙන්නේ ඇයිද කියන කාරණය අද වෙනකොට බොහෝ දෙනාට මතුවී තිබෙන ප්‍රශ්නයක්. ඒ ගැන ශාලිතගෙන්ම දැනගැනීමේ අරමුණද ඇතිවයි අප ඔහුව මෙසේ සංවාදයට එකතුකර ගත්තේ. 
 
සුළඟේ ලෙලෙනා සහ පිපුණු මලක වැනි ගීත අදටත් ජනප්‍රියයි. හැබැයි ඒවා ගයපු ශාලිත අද පේන්න නැහැ. ඇයි ඒ?
මගේ අලුත් ගීත රසවිඳින්නට ලැබෙන්නේ නැති නිසා වෙන්න ඇති මම සංගීත ක්‍ෂේත්‍රයෙන් ඉවත්වෙලා කියලා සමහරු හිතනවා ඇත්තේ. හරිනම් මගෙන් ‍නෙවෙයි, අපේ රටේ විද්‍යුත් මාධ්‍ය නාලිකාවලිනුයි ඔය ප්‍රශ්නය අහන්න ඕනෑ.
 
ඇයි එහෙම කියන්නේ?
මම අලුත් ගීත නිර්මාණ එළිදක්වලා තියෙනවා. නමුත් ඒවා මාධ්‍ය නාලිකාවලින් ප්‍රචාරය කරන්නේ නැහැ. එහෙම තියෙද්දී මම කොහොමද මගේ අලුත් ගීත ජනතාව අතරට ගෙනියන්නේ.
 
ඕක ඔබට පමණක් බලපාන ගැටලුවක් ‍නෙවෙයි නේද?
ඔව්. මේ ප්‍රශ්නය අපට වඩා ප්‍රවීණ ගායක ගායිකාවන්ට පවා තියෙනවා. හදිසියේවත් අපේ ගීත ප්‍රචාරය කරන්න හිතුණත් ඒ ප්‍රචාරය කරන්නේ අපේ පැරණි ගීත පමණයි. මේ නිසා අද හුඟක් ගායක ගායිකාවෝ අධෛර්යමත් වෙලයි ඉන්නේ.
 
විද්‍යුත් මාධ්‍යවලින් ප්‍රවීණ ගායක ගායිකාවන් අමතක කරලා කියලද ඔබ කියන්නේ?
බොහෝ විද්‍යුත් නාලිකාවලින් වැඩි තැනක් දෙන්නේ රියැලිටි තරගවලින් බිහිවෙන ස්ටාර්ස්ලාටනේ. අද හුඟක් වෙලාවට මාධ්‍ය නාලිකා වාණිජ අරමුණු මූලික කරගෙනයි කටයුතු කරන්නේ. සමහර අලුත් ගායක ගායිකාවෝ නම් පැකේජ් ක්‍රමයට මුදල් ගෙවලා තමන්ගේ ගීත ප්‍රචාරය කරවා ගන්නවා.
 
මාධ්‍ය නාලිකා ගැන කලකිරීමෙන්ද ඔය කතාකරන්නේ?
සමහර දේවල් නිසා කලකිරීමක් තියෙනවා. විද්‍යුත් නාලිකාවල වැඩසටහන්වලට සම්බන්ධ වුණාට ඒවායින් අපට සතයක්වත් ගෙවන්නේ නැහැ. යන්න කලින් ගාස්තුව කතාකරන කලාකරුවොත් ඇති. ඒකනේ සමහරු ඔය වැඩසටහන්වල පේන්න නැත්තේ. හැබැයි ඔය නාලිකාම තමයි ඒ අයගේ වැඩසටහන් අහනවාට, බලනවාට මිනිස්සුන්ට සල්ලි බෙදන්නෙත්. ඒක නම් හරිම කැත වැඩක්.
 
ඔය කියන හැලහැප්පිලි මැද්දේ ඔබ කාලෙකින් අලුත් ගීත එකතුවක් එළිදැක්වූයේත් නැහැ නේද?
මගේ පැරණි ගීත කිහිපයක් නව සංගීතයට අනුව ගායනා කරලා එළිදක්වන්නයි මේ දවස්වල සූදානමින් ඉන්නේ. තව සතියකින් දෙකකින් ඒ සී.ඩී. තැටිය වෙළෙඳ‍පොළට ඒවි.
 
අද වෙනකොට ඔබ වෘත්තීය ගායකයෙක් ‍නෙවෙයි නේද?
වෘත්තීය ගායකයෝ කියලා පිරිසක් ලංකාවේ නැහැ. ඇමෙරිකාව, ප්‍රංශය වගේ රටවල නම් වෘත්තීය ගායක ගායිකාවෝ ඉන්නවා. අපේ ගායක ගායිකාවෝ අනියම් කම්කරුවන්ගේ තත්ත්වයට වැටිලයි තියෙන්නේ. ඔවුන් බොහෝ දෙනා අද තමන්ට ඉල්ලුම තිබුණොත් ප්‍රසංගයකට සහභාගිවෙලා මුදලක් හොයාගන්නවා. හැබැයි හෙට දවසේ මොනවා වේවිද කියලා විශ්වාසයක් නෑ.
 
ශාලිතට තිබුණු ඉල්ලුමත් අද වෙද්දි අඩුවෙලාද? 
1983 අවුරුද්දේදි 'දූ පුතුනේ රට අපේය' ගීතය ගායනා කරමින් තමයි මම සංගීත ක්‍ෂේත්‍රයට පා තැබුවේ. ඒ ගීතය අතිශය ජනප්‍රිය වුණා. 'පිපුණු මලක', 'සුළඟේ ලෙලෙනා' වගේ ගීතත් ජනප්‍රිය වුණාට පස්සේ කාලයක් මට ලොකු ඉල්ලුමක් තිබුණා. අලුත් ගායක ගායිකාවෝ ඇවිත් ඉල්ලුම අඩුවෙද්දි මම හිතුවා වෙනත් වෘත්තියක් වෙත යොමුවෙන්න. එහෙම හිතලයි හරිහම්බ කරගත් මුදල් ආයෝජනය කරලා ‍පොඩියට ජාත්‍යන්තර පාසලක් ආරම්භ කළේ. අදටත් මම ඒක සාර්ථකව කරගෙන යනවා.
 
ඔහොම ගිහින් ඔබ ගායක භුමිකාව අමතක කරලාම දමාවිද?
අ‍පොයි නැහැ. අදටත් මම මට කාලවේලාව තිබෙන හැටියට ප්‍රසංගවලට සහභාගි වෙනවා. මේ මාසේ මුලදිත් මම ඕස්ට්‍රේලියාවේ ප්‍රසංගයකට එක්වුණා. කලාව කියන්නේ අපේ ඇඟේම තියෙන දෙයක් වගෙයිනේ. ඒ නිසා වෙන මොනදේ කළත් ඒක අත්හරින්න අමාරුයි.
 
කිෂාන් කනංකෙ 
 
ඡායාරූප:- ප්‍රසංග පෙරේරා
IMAGE

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 2981

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 1812

නීල හරිත ෆුල් සූට් එක පෙන්වා අමුඩ කෙටිය ගලවා ගන්න එපා

IMAGE 2017 Nov 19 11:35
මෙවර අයවැය ලෝකයේ දියුණුම ආර්ථික සංකල්පයක් වන නීල-හරිත ආර්ථිකයට රට යොමු කරවන්නක් බව මුදල්...
Views - 1394

ඔහු නොවන්නට ලෝක ක්‍රිකට් මේ තරම් දියුණු නොවනු ඇත

IMAGE 2017 Nov 18 00:19
අද මට ඉතාමත් සතුටු දවසක්. ඉන්දියාවේ ජාතික ක්‍රිකට් කණ්ඩායමේ විරාත් කෝලි සහ ඔහුගේ කණ්ඩායමත්...
Views - 3542

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 5984

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 5249

Please publish modules in offcanvas position.