Coss Ear2
lakbima.lk
COSS Ear 1

අංගනා, කළු අරලිය, ධම්සාරි ආදී ටෙලි නාට්‍ය තුළින් ප්‍රේක්ෂකයන් අතරට ගිය නෙතූ ප්‍රියංගිකා මේ වන විට රිදී තිරයටත් ආගන්තුක චරිතයක් ‍නෙවෙයි. සතියේ දිනවල රාත්‍රී 8.30ට ජාතික රූපවාහිනිය හරහා විකාශය වන “විමංසා” ටෙලි නාට්‍යය හරහාත් ඇය මේ දිනවල ඔබේ නිවසට එනවා. 
 
“විමංසා” ටෙලි නාට්‍යය නෙතූගේ හැරවුම් ලක්ෂ්‍යය කියලා නෙතූ කියන්නේ ඇයි? 
මම කාලෙකට පස්සේ ප්‍රධාන චරිතයක් කරන ටෙලි නාට්‍ය තමයි“විමංසා” කියන්නේ. එහි මම නිරූපණය කරන්නේ පුවත්පත් කලාවේදිනියකගේ චරිතයක්. ටෙලි නාට්‍යයක ප්‍රධාන චරිතය කරන පළමු අවස්ථාව විදියටත් විමංසා හඳුන්වන්නට පුළුවන්. ඉතින් විමංසා මගේ හැරවුම් ලක්ෂ්‍යය තමයි. 
 
නෙතූව මාධ්‍යවේදිනියක් කළ “විමංසා” ටෙලි නාට්‍යයට ලැබෙන ප්‍රතිචාර ගැන මොකද හිතන්නේ? 
මම ගෙදරට ආව ගමන්ම අයියගේ ලොකු බබා මගෙන් අහන්නේ “ආ විමංසා ආලෝක නැද්ද කියලයි.” ආලෝක කියන්නේ විමංසාගේ පෙම්වතා. 
ඒ වගේම විමංසා නිසාම මට තවත් ටෙලි නාට්‍යයක ප්‍රධාන චරිතෙට ආරාධනා ලැබුණා.” ඒ වගේම හොඳම නිළිය කියන මගේ ඉලක්කය, එහෙමත් නැත්නම් සිහිනය වෙත යන්න දොරටුවත් විවර වුණා කියලා හිතෙනවා. 
 
හොඳම නිළිය වෙනවා කියන්නේ ඉතාම අසීරු කාර්යයක්. ඉතින් නෙතූ හිතනවද ඒ අභියෝගය ජයගන්න ඔබට පුළුවන් වේවි කියලා.
මම හිතනවා මට ඒ අභියෝගය ජයගන්න පුළුවන් වේවි කියලා. අනිත් අයට කොහොමද කියලා නම් මම දන්නේ නැහැ. නමුත් මගේ අරමුණ හොඳම නිළිය වීමයි. අපට නිවැරදි ඉලක්කයක් තිබුණොත් කොයි තරම් බාධා ආවත්, කැපවීම තියෙනවා නම් ඒ ඉලක්කයට යන්න පුළුවන්. මම එහෙමයි හිතන්නේ. මම රංගනය වෙනුවෙන් මම කලින් කරපු රැකියාවත් අතහැරියා. ඒ නිසා  වයසට ගිහින් හරි හොඳම නිළිය වෙනවාමයි. ඒ වගේම කවුරු කිවුවත් මම රඟපෑම නම් අතහරින්නේ නැහැ. 
 
ඔය විදියට විශාල අභියෝගයක් පසුපස යන ඔබ රංගනය පිළිබඳ විධිමත් හැදෑරීමක් කරලා තියෙනවාද? 
මම රංගනය පාසලකින් හෝ අධ්‍යාපන ආයතනයකින් හදාරලා නැහැ. මම රංගනය ඉගෙන ගන්නේ මගේ ක්ෂේත්‍රයේ ප්‍රවීණයන් දිහා බලාගෙන ඉඳලා. ප්‍රවීණ කෙනෙක්ට මම දණ ගහලා වඳින්න වුණත් දෙපාරක් හිතන්නේ නැහැ. ඒ තරම් මම ඔවුන්ට ගරු කරනවා. මට හොඳ හැකියාවක් තිබෙනවා. ඒ වුණත්  ක්ෂේත්‍රයේ ප්‍රවීණයන්ගේ හැකියාවන් ගැනත්  මම රංගනයේ යෙදෙන විට අධ්‍යයනය කරනවා. ඉතින්  මට හිතෙනවා හොඳම නිළිය වෙත යන්න මට අපහසු වෙන එකක් නැහැ කියලා. 
 
නෙතූට මතකද මුලින්ම කැමරාවක් ඉදිරියට ගිය දවස? 
සිරස කුමරිය හරහා තමයි මම මුලින්ම කැමරාවක් ඉදිරියට ආවේ. පළමු අදියරේ අවසන් විසි දෙනා දක්වා මම තරග කළා. ඒ සමගම “සමනලී” කියන ටෙලි නාට්‍ය හරහා මට රංගනයට පිවිසෙන්න අවස්ථාවක් ලැබුණා. 
 
පුංචි තිරයේ රංගනයට පිවිසුණත් නෙතූ වැඩිපුරම කැමති සිනමාවට කියන්නේ ඇත්තද? 
සහතික ඇත්ත. මම මිනිස්සු අතර ගොඩක් සමීප වුණේ සිංහාවලෝකනය, ජීවිතය ලස්සනයි වගේ චිත්‍රපට හරහා. ඒ වගේම වැඩිපුරම ලස්සන පුංචි තිරයට වඩා පුළුල් තිරයට කියලයි මට නම් හිතෙන්නේ. 
 
සැබෑ ජීවිතයේ “නෙතූ” ඇත්තටම ආදරවන්තියක් නේද? 
අපි හැමෝම ඉතින් ආදරේ කරනවානේ. නෙතූ ආදරේ කරන කෙනාත් හැමදාමත් එයාගේ හිතේ ඉන්නවා කියලා කියන්න ඕනේ. හැමදාටමත් එහෙමයි. දැන් ඉතින් “නෙතූ” ආදරවන්තියක්ද නැද්ද කියලා හිතාගන්න පුළුවන් නේද? 
 
සමන්මලී නැලිගම

කලාව වෙනුවෙන් තමන්ගේ ජීවිතයෙන් වැඩිකාලයක් කැප කළත්, ජීවිතයේ සැදෑ සමයට ළඟා වෙද්දී මුදල් අඟහිඟකම නිසා බොහොම කටුක අත්දැකීම්වලට මුහුණ දීමට සිදුවන කලාකරුවන් සහ කලාකාරියන් අපේ රටේ හිඟ නැහැ. එවැනි කලාකරුවන්ට අන්තිමේ දී බොහෝ විට ඉතිරිවන්නේ තමන් උපයාගත් රසික ප්‍රසාදය සහ ආත්ම තෘප්තිය පමණයි. වේදිකාවෙන්, සිනමාවෙන්, පුංචි තිරයෙන් වගේම රූපවාහිනී වෙළෙඳ දැන්වීම් හරහාත් රසික රසිකාවියන්ගේ ආදරය දිනාගත් කලාකරුවකු වන සැනට් දික්කුඹුරත් ඒ කලාකරුවන්ගේ ගොඩට අයත් වන අයෙක්ද කියලා, ඔහු සමග කළ මේ සංවාදය කියවන ඔබටම තීරණය කළ හැකි වේවි. 
 
දශක ගණනාවක් තිස්සේ කලා ක්‍ෂේත්‍රයේ රැඳී සිටින ඔබට වෘත්තීය නළුවකු ගෙවන ජීවිතය මොන විදිහටද දැනෙන්නේ ?
වෘත්තීය නළුවෙක් විදිහට මම බොහොම දුෂ්කර ජීවිතයක් තමයි මේ වෙනකොට ගත කරන්නේ. සමහර වෙලාවට එදාවේල හරිහම්බ කරගැනීම පවා මට අද විශාල ගැටලුවක් වෙලා.
 
රඟපෑමට අවස්ථා යහමින් ලැබෙනවා නම් අතමිට සරු නොවී තියෙන්නේ නැහැනේ. රංගනයට ලැබෙන ආරාධනා අඩු නිසාද ජීවිතය එතරම් දුෂ්කර වෙලා තියෙන්නේ. 
මම කවදාවත් රඟපාන්න අවස්ථා ඉල්ලාගෙන යන කෙනෙක් නමෛයි. මා ගැන දන්නා අය අදටත් මාව නිර්මාණවලට සම්බන්ධ කර ගන්නවා. හැබැයි වැඩිපුර රඟපෑවා කියලා මට ගොඩක් සල්ලි හම්බ කරන්න බැහැ.
 
ඇයි ඒ ?
සමහර නිෂ්පාදකවරු මුදල් නොගෙවා ‍පොලු තියනවා. ඒ විදිහේ අත්දැකීම්වලට තමයි මට හුඟක්ම මුහුණ දෙන්න සිද්ධ වෙලා තියෙන්නේ. 
 
ඒ විදිහේ දුෂ්කරතා මැද කොහොමද ජීවිතේ ගැට ගහගන්නේ ?
මට ණයට කෑම බිම දෙන කඩවල් තියෙනවා. ඒවායේ පිහිටෙන් යන්තම් පණ ගැටගහගෙන ජීවත් වෙනවා. ඉඳහිට රඟපෑමෙන් කීයක් හරි ලැබුණාම ණය ගෙවලා දානවා. ඒ විදිහට තමයි මගේ ජීවිතය ගවෛන්නේ. 
 
සැනට් දික්කුඹුර කියන්නේ ගේ දොර ලස්සනට හදාගෙන සුවපහසු ජීවිතයක් ගත කරන්න ඕනෑ කියලා සිහින මවපු කෙනෙක් නමෛයිද?
ඒ වගේ හීන නැත්තේ කාටද? ඒත්, වෘත්තීය නළුවෙක් විදිහට මට ඒ හීන සැබෑ කරගන්න බැරි වුණා. අද මම ජීවත් වෙන ගෙදර කොයිවෙ‍ලේ කඩාගෙන වැටේවිද කියන්න බැහැ. ඒ ගෙදරත් මට විතරක් අයිති එකක් ‍නෙවෙයි.
 
තනි නොතනියට කවුද ළඟින්ම ඉන්නේ ? 
මගේ අක්කත් එක්කයි මම ඒ ගෙදර ජීවත් වෙන්නේ. මම විවාහ වෙලා නැහැ. අක්කත් තනිකඩයි, මාත් තනිකඩයි.
 
විවාහ වෙලා දරු මල්ලෝ හිටියා නම් මේ විදිහේ දුෂ්කර ජීවිතයක් ගෙවන්න වෙන එකක් නැහැ කියලා කවදාවත් හිතුනේ නැද්ද?
අ‍පොයි නැහැ, තනිකඩව ඉන්න ගත් තීරණය ගැන මට හරිම සතුටුයි. මොකද, විවාහ වුණා නම් මගේ බිරිඳටත් මම අද විඳින දුක විඳින්න වෙනවා. විවාහ නොවන්න ගත්තු තීරණය හොඳට දුරදිග බලලා ගත් එකක්. 
 
රජයෙන්වත් මේ වෙද්දී කිසිම ආධාර උපකාරයක් ලැබිලා නැද්ද?
අවුරුදු 55 පැන්නාට පස්සේ ඉල්ලුම් කළා කියලා, සංස්කෘතික අමාත්‍යාංශයෙන් කලාකරුවන්ට දෙන රුපියල් 3000 දීමනාව ගෙවීමත් ප්‍රතික්‍ෂේප කළා. සමහර ජනප්‍රිය නළු නිළියෝ ඉන්නවා, දේශපාලකයන් පස්සේ ගිහින් විවිධ වරප්‍රසාද ලබා ගන්නා. එහෙම නොකරන අපි වගේ අයට වෙන්නේ හිඟා කන්න තමයි.
 
අද වෙද්දී මේ වගේ දුෂ්කර ජීවිතයක් ගත කළාට ඔබ කලාව වෙනුවෙන් ජීවිතයේ වැඩි හරියක් කැප කරපු කලාකරුවෙක් කීවොත් නිවැරදියි නේද?
ඔව්, 1967 දී පාසල් වේදිකාවෙන් තමයි මම නාට්‍ය කලාවට පිවිසුණේ. නාට්‍යකරුවෙක් විදිහට කලා ජීවිතය ආරම්භ කරලා පසුකාලීනව මම චිත්‍රපට සහ ටෙලි නාට්‍යවලත් රඟපෑවා. ධර්මසේන පතිරාජ මහතාගේ 'අහස්ගව්ව' තමයි මම රඟපෑ චිත්‍රපට අතරින් මුලින්ම ප්‍රදර්ශනය කෙරුනේ.
 
වැඩිපුර ප්‍රසිද්ධ වුණේ නළුවෙක් විදිහට වුණත් ඔබ වේෂ නිරූපණ ශිල්පියෙක් විදිහටත් විශාල වැඩකොටසක් කරලා තියෙනවා.
ඔව්, මම වේෂ නිරූපණයෙන් දායක වුණු මුල්ම වේදිකා නාට්‍ය වුණේ ජයන්ත චන්ද්‍රසිරි වෙනුවෙන් මෝරා . මෝරා වේදිකා නාට්‍යයේ වේෂ නිරූපණය වෙනුවෙන් මට ඒ වසරේ හොඳම වේෂ නිරූපණ ශිල්පියාට හිමි රාජ්‍ය නාට්‍ය සම්මානය පවා ලැබුණා. 
වේෂ නිරූපන ශිල්පියෙක් විදිහටත් මම ලැබෙන හැම අවස්ථාවකින්ම ප්‍රයෝජන ගත්තා. මාලිනී ෆොන්සේකා, ලතා වල්‍පොල, මිල්ටන් මල්ලවආරච්චි, ශ්‍රියානි අමරසේන වගේ ජනප්‍රිය චරිතත් මම වෙස් ගන්වලා තියෙනවා. 
 
රජයෙන් යමක් නොලැබුණාට, ඔබ ගැන දන්නා ඔබේ රසික රසිකාවියන්ගෙන් නම් ඔබට ආධාර උපකාර ලැබෙනවා ඇති නේද?
මම සිටින තත්ත්වය දැකලා උදව් උපකාර කරන අයත් ඉන්නවා. මේ ළඟදී තරු දිරි සරණ සංවිධානයේ නායක හාමුදුරුවෝ ඇතුළු පිරිසක් ආධාර වගයක් ගෙනැවිත් දුන්නා. මම කිව්වා 'මටත් වඩා අසරණ වෙච්ච කලාකරුවන් ඉන්නවානේ මේවා ඒ අයට දෙන්න කියලා. එතකොට ඔබතුමා ජීවත් වෙන හැටි දැක්කාම ඕනෑම කෙනෙකුට උදව් කරන්න හිතෙනවා කියලා මට ඒ දේවල් දීලා ගියා. කොයි තරම් අසරණ වුණත් ඔය සමහර කලාකරුවෝ වගේ දේශපාලකයන්ට ළං වෙලා මහජනතාවගේ මුදල් අයථා විදිහට ලබා ගන්න නම් මම කැමති නැහැ.
 
කිෂාන් කනංකෙ

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 695

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1270

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1103

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 849

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5538

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3654

Please publish modules in offcanvas position.