Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පසුගිය දවසක ජනප්‍රිය යොවුන් ගායක ශිල්පියෙකු වන දුලාජ් ධනුෂ්ක තමන්ගේ මුහුණු ‍පොතේ තමන්ට වූ සිත් වේදනාවක් ගැන සඳහන් කර තිබුණා. දුලාජ් දැඩි සේ ප්‍රියකරන ප්‍රවීණ ගායකයකු වන නාමල් උඩුගම තමන්ට දුරකථනයෙන් හා මුහුණු ‍පොත හරහා බැණ වැදුණු බවයි එහි සඳහන්ව තිබුණේ. නාමල්ගේ “අප හමුවීම වෙන්වීම දෝ ආදරේ” කියන ගීතය දුලාජ් විසින් ගායනා කිරීම තමයි සිදුවීමට හේතු වෙලා තියෙන්නේ. මේ සිදුවීමේ වැඩි විස්තර දැනගන්න අපි දුලාජ්ට කතා කළා.

දුලාජ්.... මොකක්ද මේ සිදුවූ සිදුවීම...
මෙන්න මේකයි සම්පූර්ණ සිදුවීම. මම පහුගිය අවුරුද්දේ නොවැම්බර් මාසේ නාමල් අයියගේ අප හමුවීම වෙන්වීම දෝ ආදරේ සිංදුව cover එකක් කරලා මගේ FB එකට දැම්මා. ඒක ගොඩක් අය shear කරලා තිබුණා. නාමල් අයියා ඒක දැකලා මට කතා කරලා කිව්වා ඒ ගීතය ඉවත් කරන්න කියලා. මම ඒ මොහොතේම එය කළා. මීට දවස් කීපයකට කලින් නාමල් අයියා මට දුරකථනයෙන් කතා කරලා නොසෑහෙන විදියට බැණ වැදුණා. මම මගේ FB එකෙන් ඉවත් කළ ගීතය shear කරපු කෙනෙක් ඒක you tube වලට දාලා. ඒ හින්දා තමයි නාමල් අයියාට කේන්ති ගිහින් තිබුණේ.

ඊට පස්සේ...?
මම ඒ වෙලාවේ හිටියේ පල්ලියක. මගේ විවාහය සම්බන්ධව පූජකතුමන්ලා එක්ක කතා කරන්නැයි මම ගිහින් හිටියේ.මට ඒ පරිසරය තුළ නාමල් අයියට ඇත්ත තත්ත්වය පැහැදිලි කරන්න විදියක් තිබුණේ නැහැ. දුරකථනයේ එහා පැත්තේ ඉන්නේ ප්‍රවීණ ගායකයෙක් හින්දා දුරකථනය විසන්ධි කරන්නත් බැහැ. නාමල් අයියා එක දිගට මට බැණලා ෆෝන් එක කට් කළා. ඒ වෙලාවේ මම ගොඩක් අසරණ වුණා.

පසුව ඒ ගැන නාමල් එක්ක කතා  කරලා විසඳගන්න තිබුනණේ ...?
ඒ වෙලාවේ නාමල් අයියා අසභ්‍ය වචනයෙන් බැනල තර්ජනය කරපු විදියට මට නැවතත් එයාට කතා කරන්න පුළුවන් කමක් තිබුණේ නැහැ.

තමන්ගේම ගීත තියෙද්දී වෙනත් කෙනෙකුගේ ගීත ගැයීම වැරදියි නේද ?
මූල්‍යමය වාසි බලාගෙන වෙනත් අයකුගේ ගීත ගැයීම වැරදි බව මම දන්නවා. මෙතැන ඒ වගේ දෙයක් වුණේ නැහැ. මම පුංචි කා‍ලේ ඉඳන් ආස කළේ එච්.ආර්. ජෝතිපාල, මිල්ටන් මල්ලවආරච්චි, නාමල් උඩුගම කියන ගායකයන්ට. ඒ හින්දයි මේ ගීතය මගෙ FB එකට දැම්මේ. ඒක ශබ්දාගාරයක පටිගත කළ එකක් නොවෙයි. ජංගම දුරකථනයකින් පටිගත කළ ගීතයක්. අනික ගිය අවුරුද්දේ මේ ගීතය FB දැම්මම නාමල් අයියා ඒක ඉවත් කරන්න කිව්ව හැටියේ මම ඒ ගීතය ඉවත් කළා. හැබැයි ඔය ගීතයම තවත් අය පටිගත කරලා මේ වන විටත් දාලා තියෙනවා. ඒ වගේ covers 25ක් විතර මම දැක්කා. මම දන්නැහැ නාමල් අයියට මම ගැන විතරක් කේන්ති ගියේ ඇයි කියලා. නාමල් අයියා අසනීප වූ වෙලාවේ ඔහු වෙනුවෙන් ප්‍රසංගවල මම නොමි‍ලේ ගීත ගැයුවා. ඒ මම ඔහුගේ රසිකයෙක් හින්දා.

දුලාජ්ගේ සංගීත ජීවිතයෙ අලුත් තොරතුරු මොනවාද?
මගේ අලුත්ම ගීතය නිල් නුවන් මේ දවස්වල ලොකු ප්‍රතිචාරයක් ලැබෙනවා. අලුත් ගීත කිහිපයක් කරන්නත් හිතාගෙන ඉන්නේ.

ළඟදී විවාහ වෙන්න යනවා නම් ඇය පිළිබඳ තොරතුරු ටිකක් කියන්න?
මගේ පෙම්වතිය ඉරේෂා නිමන්ති. වෙඩින් එකකදී මුණ ගැහිලා තමයි අපේ ප්‍රේම කතාව පටන් ගත්තේ. කලාවට කිසිම සම්බන්ධයක් නැති වුණාට ඇයට කලාව ගැන හොඳ රසාස්වාදයක් තියෙන්නේ. මං ගැනත් හොඳ වැටහීමක් තියෙනවා. ළඟදී අපේ විවාහය සිදුවේවි.

දුලාජ් තමන්ගේ සමකාලීන ජනප්‍රිය ගායිකාවන් සමග ප්‍රේම සම්බන්ධයන් පැවැත්වූ බව රහසක් නමෛයි.
ඔව් ඒක ඇත්ත. නොගැළපීම් හින්දා අපි වෙන් වුණා. අතීතය අතීතයක් විතරයි.

ආරියවංශ කුලතිලක

මේ දවස්වල පුංචි තිරයේ ජනප්‍රිය නිළි කිරුළට තරග වදින අක්කා කෙනෙකුයි නංගි කෙනෙකුයි තමයි අද අපි ප්‍රශ්න පත්‍රයට එකතු කර ගත්තේ. ඒ තමයි දිනක්ෂි සහ ශනුද්‍රි. 
දිනක්ෂි රඟපාන “කවුරුන්ද නුඹ මගේ” ටෙලි නාට්‍යය හිරු ටී.වී. ඔස්සේ සතියේ දිනවල රෑ 8.30ට විකාශය වෙන අතරේ 
ශනුද්‍රි රඟපාන “දෙවැනි ඉනිම” දෙරණ ටී.වී.ඔස්සේත් ඒ වේලාවටම විකාශය වනවා. ඒ හින්දා මේ ටෙලිනාට්‍ය දෙක විතරක් නමෛයි. අක්කගෙයි නංගිගෙයි ජනප්‍රිය වීමේ තරගයත් ඔන්න දැන් දවසින් දවස වැඩි වෙලා. 
 
මේ දවස්වල ගෙදර ටී.වී. එකේ රිමෝට් එක බෙදා ගන්න අක්කයි නංගියි රණ්ඩු වෙනවා කියන්නේ ඇත්තද? 
දිනක්ෂි:- නංගි රණ්ඩු වුණත් මම රණ්ඩු වෙන්න යන්නේ නැහැ. නංගිගේ නාට්‍යය බලන්න එයාට ඉඩ දෙනවා. 
ශනුද්‍රි:- විහිළුවට පුංචි පුංචි රණ්ඩු නම් වෙනවා තමයි. ඒත් දෙන්නා කතාවෙලා මාරුවෙන් මාරුවට කතා දෙකම බලනවා. බැරි වුණොත් යූ.ටියුබ්වලින් බලනවා.
 
දෙන්න එකට පාරේ යද්දී කොහොමද ලැබෙන රසික ප්‍රතිචාර එහෙම? 
දිනක්ෂි:- නංගිට කැමති අය එයාට කතා කරනවා. මට කැමති අය මට කතා කරනවා. ඒ හැමෝම දෙන්නටම කතා කරනවා.
ශනුද්‍රි:- ඉස්සර අක්කියි මායි ගමනක් යද්දී අක්කිට ලොකු ප්‍රතිචාරයක් ලැබෙනවා. දැන් මගේ ටෙලි නාට්‍යයකුත් යන හින්දා මටත් ඒ විදියේම ප්‍රතිචාර ලැබෙනවා. හැබැයි මම හිතන්නේ නම් වැඩි ප්‍රතිචාර තියෙන්නේ අක්කිට කියලයි. 
 
දෙන්නගෙන් ගොඩක් ලස්සන කවුද? 
දිනක්ෂි:- නංගි.....
ශනුද්‍රි:- අක්කි..... 
 
දිනක්ෂිටයි ශේෂාද්‍රිටයි ශනුද්‍රිටයි ගෙදරදී සුරතල් නම් භාවිතා කරනවා ඇති? 
දිනක්ෂි:- ශේෂාද්‍රිට ‍පොඩී කියනවා. ශනුද්‍රිට ගෙදරට කියන්නේ 
“‍පොඩි නංගා” කියලා. 
ශනුද්‍රි:- අක්කිට කියන්නේ “ලොකූ” කියා 
 
ලොකූ තමන්ගේ නංගිලා දෙන්නා ගැන හොයා බලනවාද? 
දිනක්ෂි:- ඔව්. මම නංගිලා ගැන හොඳට හොයලා බලනවා. 
ශනුද්‍රි:- අනිවාර්යයෙන්ම 
 
පසුගිය කා‍ලේ ශනුද්‍රි නිදහස් දිනය ගැන කියන්න ගිහින් ප්‍රශ්නයක් ඇතිකර ගත්තාම දිනක්ෂි මොකද කිව්වේ? 
දිනක්ෂි:- නංගිට වැරදීමක් වුණා. ඕනෑම කෙනෙකුට සජීවී වැඩසටහනකදී ඔය විදියේ වැරදීම් වෙන්න පුළුවන්. නංගිගේ වැරැද්ද සමහර ඕපාදූප වබේ අඩවි මහා ලොකු දෙයක් බවට පත් කළා. මම නංගිට කිව්වේ. ඔය වගේ දේවල්වලට හිත රිදවගන්න එපා. මීට පස්සේ මාධ්‍යයේ කතා කරද්දී සැලකිලිමත් වෙන්න කියලා. 
ශනුද්‍රි:- මම ඒ සිද්ධිය මහ ලොකුවට ගණන් ගත්තේ නැහැ. ඒක මට වෙච්ච වැරදීමක්. අන්තර්ජාල වබේ අඩවි තමයි ඒක මහා ලොකුවට ගත්තේ. අක්කියි ගෙදර අයයි ඒක මහා වරදක් විදියට දැක්කෙ නෑ. 
 
පවු‍ලේ තුන් දෙනාගෙන් ගොඩක්ම සමීප ඔබ දෙන්නද? 
දිනක්ෂි:- මමයි ශේෂාද්‍රියි අතර වයස් පරතරය අඩුයි. ඒ හින්දා අපි දෙන්නා ටිකක් සමීපයි. ශනුද්‍රි මට වඩා ගොඩක් ‍පොඩියි. ඒ හින්දා එයා ගොඩක් සමීප ශේෂාද්‍රිට. 
ශනුද්‍රි:- චූටි කා‍ලේ ඒ දෙන්නා සෙල්ලම් කළත් ‍පොඩි හින්දා මාව ළඟට ගන්නේ නැහැ.  ඒ කා‍ලේ මම හිටියේ අම්මියි තාත්තියි එක්ක. ඊට පස්සේ මමයි ශේෂාද්‍රි අක්කියි ගොඩක් ළං වෙලා හිටියා. හැබැයි දැන් ඉස්සරට වඩා දිනක්ෂි අක්කියි මමයි සමීපයි. 
 
ශේෂාද්‍රි දැන් රඟපෑමෙන් ඈත්වෙලා. පහුගිය කා‍ලේ ඇය පෙම් අර්බුදයකටත් මුහුණ දුන්නා නේද? 
දිනක්ෂි:- ඒ හැම ප්‍රශ්නෙදිම අපි එයා එක්ක හිටියා. ඒ හින්දා එයා තනි වුණේ නැහැ. 
ශනුද්‍රි:- දැන් එයා අපිත් එක්කම ඉන්න නිසා සතුටුයි. සමහර විට ඉදිරියේදී රඟපාන්නත් එයි.
 
දිනක්ෂිට පෙම්වතෙක් ඉන්නවාද?  
දිනක්ෂි:- නැහැ 
ශනුද්‍රි:- නැහැ 
 
ශනුද්‍රියි පෙම්වතයි ඉන්න ඡායාරූපයක් පහුගිය කා‍ලේ අන්තර්ජාලයේ පළ වුණා. 
දිනක්ෂි:- එයාට පිරිමි ළමයෙක් ඒ වගේ යෝජනාවක් ගෙනාවත් මට කියනවා. 
ශනුද්‍රි:- මම ඔය ඡායාරූප දැක්කෙත් නැහැ. යාළුවෙක් එක්ක ගත්තු ෆොටෝ එකක් හරි එඩිට් කරපු එකක් හරි කවුරු හෝ කෙනෙක් අන්තර්ජාලයට දාන්න ඇති. මට කවදාවත් බෝයිෆේ‍රන්ඩ් කෙනෙක් ඉඳලාම නැහැ. 
 
ඔය දෙදෙනාගෙන් මුලින්ම රඟපෑමට ආවේ කවුද? 
දිනක්ෂි:- මමයි ශේෂාද්‍රියි අවුරුදු 2-3 වයසෙදි තාත්තා කරපු “අපායේ තත්පර 84,000 රඟපෑවා. මම ඊට පස්සේ රඟපෑවේ ඕ ලෙවල් ඉවර වෙලා. හැබැයි ඒ අතර කා‍ලේ ශනුද්‍රි රඟපෑවා. 
ශනුද්‍රි:- මම අවුරුදු 3  1/2 දී තාත්තාගේ ඔන්න බබෝ චිත්‍රපටයේ ප්‍රධාන චරිතය රඟපෑවා. ඕ ලෙවල් ළං වෙලා නතර කළා. ඒ වෙද්දී අක්කිලා රඟපාලා ජනප්‍රිය වුණා. මම කාලෙකට පස්සේ ආයෙම දිගටම රඟපාලා “දෙවැනි ඉනිම”තුළින් තමයි ප්‍රේක්ෂකයන් හමුවට ආවේ. 
 
ආරියවංශ කුලතිලක
IMAGE

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 2980

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 1811

නීල හරිත ෆුල් සූට් එක පෙන්වා අමුඩ කෙටිය ගලවා ගන්න එපා

IMAGE 2017 Nov 19 11:35
මෙවර අයවැය ලෝකයේ දියුණුම ආර්ථික සංකල්පයක් වන නීල-හරිත ආර්ථිකයට රට යොමු කරවන්නක් බව මුදල්...
Views - 1393

ඔහු නොවන්නට ලෝක ක්‍රිකට් මේ තරම් දියුණු නොවනු ඇත

IMAGE 2017 Nov 18 00:19
අද මට ඉතාමත් සතුටු දවසක්. ඉන්දියාවේ ජාතික ක්‍රිකට් කණ්ඩායමේ විරාත් කෝලි සහ ඔහුගේ කණ්ඩායමත්...
Views - 3540

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 5983

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 5248

Please publish modules in offcanvas position.