Coss Ear2
lakbima.lk
COSS Ear 1

සිංහල සිනමාවේ බිහි වූ විශිෂ්ටතම නළුවන්ගේ නාම ‍ලේඛනය තුළ ඔහුගේ නමත් කියැවෙනවා. ඔහු අපි කවුරුත් හොඳින් දන්නා කියන මහේන්ද්‍ර පෙරේරා. විශිෂ්ට රංගනය නිසාම සම්මානයටත් පාත්‍ර වන මහේන්ද්‍ර සමහර වෙලාවට සරල විනෝදාත්මක චිත්‍රපටවලටත් එකතුවනවා. 
එය ඔහුගේ ප්‍රතිරූපයට හානියක්් බව ඇතැමුන් කීවත් අද “කෙළින් කතාවට” එක්වන ඔහු නම් කියන්නේ මේ වගේ කතාවක්. 
 
බොහෝ නළු නිළියෝ් රඟපෑමේදී චරිත තෝරා ගන්නා බව කියනවා. මහේන්ද්‍රත් චරිත තෝරා බේරා ගැනීමක් කරනවාද? 
මා රඟපෑ ඇතැම් ටෙලි නාට්‍ය සමහර හේතූන් මත දවස් 5 පුරා විකාශය වූ අවස්ථා තියෙනවා. ඒත් ප්‍රතිපත්තියක් විදියට මම දවස් 5ම විකාශය වන මෙගා ටෙලි නාට්‍යවල රඟපාන්නේ නැහැ.
 
සිනමාවේදී ඔබට තෝරා බේරා ගැනීමක් තියෙනවාද? 
අපේ රටේ සිනමාවේදී සිදුවන්නේ අපව තෝරා ගැනීමයි. ඒ හින්දා අපිට තෝරා ගැනීම් කරන්න බැහැ. කොටින්ම කිව්වොත් මේ තත්ත්වය නිසා අපට කේවල් කරන්න බැරි තත්ත්වයකුත් උදා වෙලා. 
 
ඒ කිව්වේ? 
අති සාර්ථක සිනමා කර්මාන්තයක් මේ රටේ තිබිලා, විශාල ප්‍රමාණයක චිත්‍රපට සංඛ්‍යාවක් වසරකදී බිහිවෙලා, ඒ අතරින් බොහෝ සිනමා පට සඳහා මට ආරාධනා ලැබෙනවා නම් මට ඔය තෝරා ගැනීම කරන්න තිබුණා. අවුරුද්දකට මේ රටේ චිත්‍රපට කීයද කෙරෙන්නේ. ඒ අතරින් කීයකට මට ආරාධනා ලැබෙනවාද? 
ඒ වගේ පසුබිමක ලැබෙන ආරාධනා ප්‍රතික්‍ෂේප කරන්න බැහැ. ඕක තමයි ඇත්ත කතාව. 
 
ඒ කියන්නේ මුදල් ලැබෙනවා නම් ඕනෑම කසිකබල් චිත්‍රපටයක රඟපාන්න මහේන්ද්‍ර සූදානම් 
ඔය චෝදනාව මට එල්ල කළ අය ඉන්නවානේ. ඒත් ඒ අය අපේ ප්‍රශ්න ගැන කතා කරන්නේ නැහැනේ. නිවාස ණය, වාහනවලට ගත්තු ණය, දරුවන්ගේ කටයුතු, ඔය කොයි තරම් නම් ප්‍රශ්න අපිට තියෙනවාද? අපි මාසේ අන්තිමට වැටුපක් ලබන අය නමෛයි. අපි අපේ පැවැත්ම සකසා ගත යුත්තේ රඟපාලා. ඒ ගැන කවුද කතා කරන්නේ. ඒ වගේ පසුබිමක තෝරා බේරාගෙන රඟපාන්න බැහැ. හැබැයි මට සල්ලි ලැබෙනවා නම් ඕනෑම කසිකබල් චිත්‍රපටයක රඟපානවා කියලා චෝදනා කරන එක වැරදියි. මම ප්‍රතික්‍ෂේප කළ චිත්‍රපට ඕනෑ තරම් තියෙනවා. 
අධ්‍යක්ෂවරයා ගැන විශ්වාසය, කතාව වගේ දේවල් බලලා තමයි මම රඟපාන්න භාරගන්නේ. 
 
ඔබ රඟපෑ “අප්පට සිරි” චිත්‍රපටය මේ දිනවල තිරගත වෙනවා. ඒ චිත්‍රපටය ගැන මොනවාද කියන්න තියෙන්නේ? 
එය ලාල් ප්‍රියදේවගේ සරල විනෝදාත්මක චිත්‍රපටයක්. මම මීට කලිනුත් ඔය වගේ සරල විනෝදාත්මක චිත්‍රපටවල රඟපාලා තියෙනවා. 28 බලලා “ෂා මාරයි මහේන්ද්‍ර විශිෂ්ට රංගනයක යෙදෙනවා...” කියලා කෙනෙකුට කියන්න පුළුවන්. “අප්පට සිරි”, කොස්තාපල් පුඥ්ඥසෝම බලලා “අයියෝ ඇයි මහේන්ද්‍ර මේ වගේ චිත්‍රපටවල රඟපාන්නේ කියලා” කෙනෙකුට බණින්නත් පුළුවන්. ඒත් අපේ සිනමාවේ මේ අර්බුද විසඳෙන තුරු සිනමාව ඔතැනම තියෙයි. අපිට පවතින්න ඔය හැම නිර්මාණයකටම එකතුවෙන්න වෙයි.
 
ආරියවංශ කුලතිලක{jcomments on}

හැට හැත්තෑව දශකවල බිහි වූ චිත්‍රපටවලට ඇය නැතුවම බැරි නිළියක් වුණා. අසූව අනූව දශකවලදී ඇය නිළියක් වගේම නිෂ්පාදිකාවක් විදියටත් ආදායම් වාර්තා තැබූ චිත්‍රපට බිහි කරමින් “සිනමාව“ කර්මාන්තයක් විදියටත් රැක ගත්තා. ඒත් අද වන විට මේ කලාකාරිය තමන්ටම කියා නිවසක්වත් නැතිව හිතවතියකගේ නිවසේ ලැගුම් ගෙන සිටිනවා. 
ඒ සිටින අතරතුර ජීවිතෙත් පැද යා යුතු නිසා වසර 20කට පසුව ඈ යළිත් රංගනයට පිවිසීමටත් තීරණය කරලා. අපි අද ඔබට කියන්නේ “සෝනියා දිසා” නම් වූ ඈ පිළිබඳ හිතාගත නොහැකි එම කතාවයි. 
 
මේ වෙනකොට ඔබ නැවතී සිටින්නේ කොහෙද? 
මම දැන් ඉන්නේ පැපිලියානේ, ශ්‍යාමලී විජේසේන කියන හිතවතියකගේ නිවසේයි. මට නිවසක් නැතුව ඉන්න බව දැනගෙන නිල්ශාන් සෙනෙවිරත්න හා ජාතික රූපවාහිනියේ විනීතා තමයි මට ශ්‍යාමලීව හඳුන්වලා දුන්නේ. ඇයට පින් සිදුවෙන්න මම දැන් එහේ නැවතිලා ඉන්නවා. 
 
නිළියක්, නිෂ්පාදිකාවක් විදියට දශක ගණනක් වැජඹුණු සෝනියාට ඇයි මෙහෙම වුණේ? 
මගේ පුතා උදයයි, මගේ දුව බුහුටියි. දෙන්නම ඉන්නේ ඕස්ට්‍රේලියාවේ. කරුගේ මරණයෙන් පසුව මම දරුවෝ ළඟ තමයි හිටියේ. දරුවෝ කැමතියි මම දිගටම එහේ ඉන්නවට. ඒත් මට ඉඳහිට හෝ ලංකාවට එන්න ඕනෑ. ඒ ආවාම ඉන්න මට තැනක් නෑ. අද වෙද්දී මගේ නිවස මට අහිමි වෙලා. 
 
ඔබේ නිවස අහිමි වීම පිළිබඳ ප්‍රශ්නය මේ වන විට නීතිය හමුවට පවා ගොස් තිබෙනවා. ඇත්තටම මොකක්ද ඔතන වෙලා තියෙන්නේ? 
මම විවාහ වෙලා පදිංචියට ආවෙ කොම්පඤ්ඤවීදියේ පිහිටි කරුගේ මහ ගෙදරට. ඉන් පසුව අපි කළුබෝවිල අලුත් නිවසක් හදලා පදිංචියට ගියා. අපි හිටපු කොම්පඤ්ඤවීදියේ නිවස වහලා තියෙන නිසා කලා ලොවේ හිතවතකු වන යසපාලිත නානායක්කාරගේ ඉල්ලීම පිට එක්තරා වාමාංශික දේශපාලනඥයින් දෙදෙනකුගේ කාර්යාලය පවත්වාගෙන යන්න ඉඩ දුන්නා. පසු කාලයේ ඒ දෙදෙනා අතර විරසකයක් ඇතිවෙලා ඉන් එක දේශපාලනඥයකු දැන් මේ නිවසේ ඉන්නේ. මම ආයෙම නිවස ඉල්ලුවාට ඔහු එය මට දෙන්නේ නැහැ. සතයක්වත් අය නොකර මම ඔවුන්ට ඒ නිවස දුන්නේ අවශ්‍ය දවසක ආයෙම දෙයි කියන විශ්වාසයට. ඒත් අද මගේම නිවස ලබාගන්න මට නීතිය ඉදිරියට යන්න වෙලා. නඩු තීන්දුව ලැබිලා නිවස හිමි වන තුරු තමයි මට අද තැන තැන ඉන්න වෙලා තියෙන්නේ. 
 
ඔබේ ප්‍රශ්නයේදී සහෝදර කලාකරුවන්ගෙන් හිතවතුන්ගෙන් උපකාර ලැබුණාද? 
මාලනී, රවී, ජීවන්, ෂෙරින්, නදීකා, අනෝජා වගේ අය මගේ නඩුව වෙලාවේ ආවා. ඒත් ඉතින් මේ රටේ බලධාරීන් මේ ප්‍රශ්නයට මැදිහත් වෙනවා නම් මේකට විසඳුමක් ගන්න පුළුවන්. මම 1962 ඉඳන් රඟපානවා. සිනමාව කඩා වැටුණු යුගයක ආදායම් වාර්තා තියෙන චිත්‍රපට හදලා මම සිනමාව නගා සිටුවන්න උදව් කළා. මේ වෙද්දී චිත්‍රපට 150ක විතර රඟපාලා තියෙනවා. ‘ඔබට දිවුරා කියන්නම්’ ‘දෙව්දුව‘ චිත්‍රපටවලට හොඳම සහය නිළිය ලෙස සම්මාන පවා දිනා ගත්තා. දේශපාලන ක්‍ෂේත්‍රයෙත් දන්න හඳුනන අය ඉන්නවා. ඒත් මම අසරණ වුණු වෙලාවට ඊට මැදිහත් වෙලා මේ ගැටලුවට විසඳුමක් දෙන්න කෙනෙක් නැහැ. 
 
අවුරුදු 20කට පස්සේ මොකද ආයෙමත් රඟපාන්න ඕන කියලා හිතුණේ? 
මම අන්තිමටම රඟපෑවේ “පිස්සු පූසෝ” චිත්‍රපටයේ. ඊට පස්සේ කිසිම රඟපෑමක් කළේ නෑ. නිහඬව සිටි කාලය අවුරුදු 20ක්. දයාරත්න රටගෙදර මහතා තමයි මට මේ ආරාධනය කළේ. එතුමා අධ්‍යක්ෂණය කරන ‍පොහොය ටෙලි නාට්‍යයෙ මුඩුක්කු කාන්තාවකගේ චරිතයක් තමයි මම රඟපෑවේ. එය ලබන ‍පොහොය දින විකාශය වේවි. මම ආයිත් ලංකාවෙන් යන්නෙත් නැහැ. මගේ නිවසේ ප්‍රශ්නය විසඳාගෙන මම හදපු ගෙදරට යන්නයි හිතාගෙන ඉන්නේ. ඊට පස්සේ දිගටම රඟපෑමේ යෙදෙන්න තමයි කැමති. 
 
ආරියවංශ කුලතිලක{jcomments on}

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 635

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1159

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1014

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 784

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5442

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3596

Please publish modules in offcanvas position.