Coss Ear2
lakbima.lk
COSS Ear 1

ඒ ගම්බද පරිසරයක්. උදෑසනම බුමුතුරුණු තොගයක් දෑතින්ම ඔසවාගත් අම්මා කෙනෙක් උදෑසනම තමන්ගේ නිවසින් එළියට බහින්නේ බසයක් එනවාදැයි මග බලමින්. ඇගේ අරමුණ ඉක්මනින්ම නගරය වෙත ගොස් බුමුතුරුණු අලෙවි කරගැනීම විය යුතුයි. බසයක් පසුපසින් දිවගියත් ඇයට ඒ බසයට නැගගන්නට හැකි වෙන්නේ නැහැ. මැලවෙන ඇගේ මුහුණෙහි එසැණින්ම සිනහවක් ඇඳෙන්නේ බසය මග හැරීම ගැන ඇයට උසුළු විසුළු කරමින් පෙරමගට එන ඇගේ කුඩා දරුවන් තිදෙනා දැකීමෙන්. ඇය දරුවන් තිදෙනා සමග මද වේලාවක් ගත කර ඊළඟ බසයට නගිනවා. සවස් යාමේ මේ අම්මා යළිත් නිවස බලා එන්නේ බුමුතුරුණු වෙනුවට බඩු මල්ලක්ද ඔසවාගෙනයි ඒ එද්දී ඇය ඈතදීම දකිනවා තමන් එනතුරු දරුවන් තිදෙනා මගබලාගෙන සිටින බව. දරුවන් තුරුළු කරගන්නා ඇය නැවතත් නිවෙස වෙත ඇදෙනවා. 
මෙම සිදුවීම් පෙළ ඇතුළත් වෙන්නේ සිනමා පටයක හෝ ටෙලි නාට්‍යයක නොවෙයි, රූපවාහිනී දැන්වීමක. හරියට කියනවා නම් මෙය ලිට්රෝ ගෑස් සමාගමේ ''ගරු අම්මාවරුන්'' දැන්වීම් පෙළට අයත් එක් වෙළඳ දැන්වීමක්. දිරිය අම්මා කෙනෙකුගේ දරු සෙනෙහස ගැන මිනිත්තුවක කාලයක් තුළ බොහෝ දෑ කියැවෙන, හදවතට දැනෙන විදිහේ රූපවාහිනි දැන්වීමක් විදියට මෙය හැඳින්වුවහොත් වඩාත් නිවැරදියි.
මේ අපූරු වෙළෙඳ දැන්වීම පසුගියදා පැවැති 22 වැනි සුමති සම්මාන උළෙ‍ලේදී වසරේ හොඳම රූපවාහිනී වෙළෙඳ දැන්වීම ලෙස සම්මානයෙන් පිදුම් ලැබුවා. එය නිමිති කරගෙනයි එම වෙළෙඳ දැන්වීම නිර්මාණය වූ ආකාරය පිළිබඳ තොරතුරු පාඨක ඔබ වෙත ගෙන එන්නට අපි තීරණය කළේ. 
මෙම වෙළෙඳ දැන්වීම නිර්මාණය වූ ආකාරය පිළිබඳව තොරතුරු කියන්නට අප සමග මුලින්ම කතා බහට එකතු වුණේ ලිට්රෝ ගෑස් සමාගමේ අධ්‍යක්ෂ (අලෙවි සහ ආයතනික සම්බන්ධතා) චමින්ද එදිරිවික්‍රම මහතායි. 
ලිට්රෝ ගෑස් සමාගම සමග වඩාත් සමීපව ගනුදෙනු කරන පාර්ශ්වය තමයි නිවෙසක ගෘහණිය. එම නිසා අප ආයතනයට අවශ්‍ය වුණා, ගෘහණියන් නොඑසේනම් මවුවරුන්ට ගෞරවය පුද කරන්න. පෙර සිටි මවුවරු දැනට සිටින මවුවරු මෙන්ම ඉදිරියේදී මවුවරුන් වීමට අපේක්ෂාවෙන් සිටින අයටත් මෙම ගරු අම්මාවරු රූපවාහිනී වෙළෙඳ දැන්වීම් තුළින් ගෞරව පුදන්න අපට වුවමනා වුණා. එහෙයින් එතැනින් නොනැවතී දැයේ දිරිය අම්මාවරුන්ගේ ජීවන බර සැහැල්ලු කිරීමට අනුග්‍රහය දක්වමින් ඔවුන්ට කෘතගුණ දැක්වීමේ වැඩසටහන් පෙළක්ද අප සමාගම විසින් දියත් කරනු ලැබුවා. මෙම වෙළෙඳ දැන්වීම් තුළින් තමයි එම පණිවුඩය මුල් වරට සමාජගත කරන්නට අප පියවර තැබුවේ. 
ලිට්රෝ ගෑස් සමාගමේ එකී අරමුණු සඵල කරනු පිණිස නිර්මාණය වන ගරු අම්මාවරු රූපවාහිනී වෙළෙඳ දැන්වීම් පෙළට වෙළෙඳ දැන්වීම් තුනක් ඇතුළත් වෙනවා.  සමාජයේ විවිධ ස්ථර නියෝජනය කරන දිරිය මවුවරු කේන්ද්‍ර කරගෙනයි ඒවා නිර්මාණය වන්නේ. මෙවර සුමති සම්මානයෙන් පිදුම් ලද වෙළෙඳ දැන්වීමත් ඒ අතරින් එකක්. ඒවා නිර්මාණය කිරීමේ වගකීම් බාරගත් ස්කයි එන්ටටේනර්ස් ප්‍රචාරක ආයතනයේ නිර්මාණ අධ්‍යක්ෂ ප්‍රසන්න ජයකොඩියි ජයග්‍රාහී වෙළෙඳ දැන්වීම ගැන තොරතුරු කියන්නට මීළඟට කතා බහට එක් වුණේ බොහෝ වෙළෙඳ දැන්වීම්වල අම්මා කියන සැබෑම චරිතය නොවෙයි. අම්මා විදිහට මවාගත් චරිතයක් තමයි පෙනී සිටින්නේ. නමුත් මේ වෙළඳ දැන්වීමෙන් සමාජයේ හැමදාම දකින්නට ලැබෙන විදිහේ අම්මා කෙනෙක් තමයි ප්‍රේක්ෂකයන් ඉදිරියට අපි ගෙන ආවේ. වෙළෙඳ දැන්වීමකටත් වඩා මෙය හරියට කෙටි චිත්‍රපටයක් වගෙයි අපි නිර්මාණය කළේ. ඒ තුළින් යම් හැඟීමක් සමාජගත කිරීමට අපි උත්සාහ කළා. 
ප්‍රසන්න කියන විදියට ගලහ ප්‍රදේශය කේන්ද්‍ර කරගෙන තමයි මෙම වෙළෙඳ දැන්වීම රූගත කර තිබෙන්නේ. 40-50ක් පමණ පිරිසකගේ වෑයමක ප්‍රතිඵලයක් විදිහටයි එය මේ තරම් නිර්මාණශීලීව නිර්මාණය වෙලා තියෙන්නේ. 
අම්මාවරුන්ගේ තිබෙන දයාබර බව වෙළෙඳ දැන්වීමේ දර්ශන තුළින් පෙන්වීමට අපට වුවමනා වුණා. එහිදී අම්මාගේ චරිතය සඳහා වගේම දරුවන් සඳහාත් රඟපෑමේ යම් පළපුරුද්දක් තිබෙන අය තමයි තෝරාගත්තේ. මෙම වෙළෙඳ දැන්වීමෙන් දිරිය මවුවරුන් ගැන කතාබහ කරනවා වගේම ලිට්රෝ ගෑස් කියන සන්නාමය ජාතික එල්.පී. ගෑස් ආයතනය විදිහට ජනතාව අතරට ගෙනියන්නත් අප උත්සාහ ගත්තා. මම විශ්වාස කරනවා අපගේ ඒ වෑයම සාර්ථක වුණා කියලා.'' 
සුමති සම්මානයෙන් අභිමානයට පාත්‍ර වූ ලිට්රෝ ගෑස් වෙළෙඳ දැන්වීම ගැන ප්‍රසන්න කීවේ එවැනි කතාවක්. 
 
කිෂාන් කනංකෙ

කඩවසම් රූපයෙන් හා රංගනයෙන් පුංචි තිරය වටා එක් රොක්ව සිටි සුවහසක් රසික පිරිස උන්මාදයට පත් කළ දසුන් නිශාන් කවුරුත් නොහිතපු මොහොතක ජීවිතයෙන් සමුගෙන ගියා. ඒත් තවමත් පැහැසරා ටෙලි නාට්‍යයේ කාංචන විදියට දසුන් ඔබේ ආලින්දයට එනවා. පැහැසරාහි ප්‍රධාන චරිතයක් රඟපෑ දසුන්ගේ අභාවය ටෙලි නාට්‍යයට ඉදිරියේදී මොන විදියේ බලපෑමක් ඇති කරයිද? පැහැසරා අධ්‍යක්ෂ සඳුන් රාජකරුණාට අපි කතා කළේ ඒ ගැන විමසන්නයි. 
 
සඳුන්ට දසුන් නිශාන්ව මුලින්ම හමුවුණේ කොහොමද? 
දසුන් ක්‍ෂේත්‍රයට ආ අලුත මගේ ටෙලි නාට්‍යවලට නවක නළුවන් තෝරන පරීක්ෂණවලට ඇවිත් තියෙනවා. ඒත් ඔහුට සුදුසු චරිතයක් තිබුණේ නැහැ. හැබැයි මම හිතා ගෙන හිටියේ කවදා හරි දසුන්ව මගේ ටෙලි නාට්‍යයකට ගන්නවා කියලා. ඔය කා‍ලේ මම කරපු එක්තරා ටෙලි නාට්‍යයකට වසරේ නැගී එන නළුවා විදියට සම්මාන ගත්තු නළුවෙක්ව තෝරගත්තා. ඒත් ෂුටිං ගියාම ඒ නළුවාට අර චරිතේ කරගන්න බැහැ. පස්සේ මම ඔහු ඉවත් කළා. එදා ෂුටිං තිබුණේ පන්නිපිටියේ. මට දසුන්ව මතක් වෙලා කෝල් කළා. අයියේ මමත් ඉන්නේ පන්නිපිටියේ. මම විනාඩි දහයෙන් ඔතැනට එන්නම් කියලා දසුන් කිව්වා. පස්සේ ඔහු ඒ නාට්‍යයේ චරිතය බොහොම හොඳට රඟපෑවා. ඉන්පසුව මම කළ දේදුනු ආකාසේ හා පැහැසරා නාට්‍ය වලත් දසුන් රඟපෑවා. 
 
දසුන්ගේ හදිසි අභාවය සඳුන්ට දැන ගන්න ලැබුණේ කොහොමද? 
එදා පැහැසරා ෂුටිං තිබුණේ නැති නිසා මම වෙනත් ගමනක් යමින් හිටියේ. ඔය වේලාවේ රුක්ෂානා දිසානායක තමයි මට කෝල් කරලා කිව්වේ දසුන් පැය කීපයකට කලින් මිය ගිහින් කියලා අන්තර්ජාලයේ පුවතක් පළ වෙලා තියෙන බව. අද කා‍ලේ Music video ජනප්‍රිය කරගන්න මේ වගේ පුවත් පළ කරන හින්දා මම හිතුවේ මේකත් ඒ වගේ දෙයක් වෙන්න ඇති කියලා. හොයලා බලද්දී ආරංචිය ඇත්තක් බව දැන ගන්න ලැබුණා. මම ඒ වේලාවෙම එතැනට ගියා. 
මම යද්දිත් කට්ටිය පිරිලා හිටියා. ඒ වන විටත් දසුන්ගේ මිනිය බෝඩිං කාමරයෙන් අරගෙන තිබුණේ නැහැ. 
 
දසුන්ගේ අභාවයත් එක්ක පැහැසරා නාට්‍යයට මොකද වෙන්නේ? 
ඇත්තටම ලොකු ප්‍රශ්නයක් වෙලා තියෙන්නේ. 
කතාවේ හැටියට කාංචන (දසුන් නිශාන්) බිරිඳගේ වියෝවෙන් පස්සේ  ඔහුගේ දරුවාත් එක්ක තනි වුණාම පරණ පෙම්වතිය ලංවෙනවා. අවසානයේදී ඒ දෙදෙනා එකතු වෙන විදියට තමයි කතාව ගොඩ නගලා තිබ්බේ. මේ වෙද්දී එකසිය පනස් ගණන් තමයි විකාශය වෙන්නේ. තව කොටස් 25ක විතර දසුන්ගේ රඟපෑම් තියෙනවා. ඉන් පසුව තමයි ප්‍රශ්නේ මතුවෙන්නේ. කතාවටයි කාංචනගේ චරිතයටයි අසාධාරණයක් නොවන විදියට වෙනස්කම් කළ යුතුයි. මේ දවස්වල ඒ ගැන තමයි අපි හැම දෙනාම සාකච්ඡා කරන්නේ. 29 ෂුටිං පටන් ගන්න තිබුණත් ඒකත් දසුන්ගේ මරණින් පස්සේ වෙනස් වුණා. 
 
අන්තිමට ඔබට දසුන්ව හමුවුණේ කවදාද? 
මියයන්නට සතියකට විතර කලින් එදා දවසම වගේ තිබුණේ. දසුන් ‍පොඩි බබා  එක්ක රඟපාන චරිතයක්. 
 
පැහැසරා ටෙලිනාට්‍යයේ දසුන් අවසන් වරට රඟ පෑ දර්ශනය මොකක්ද? 
චුටි බබෙක් නළවන ජවනිකාවක්. 
 
ජීවිතේ නැති කරගන්න තරම් සිත් තැවුලකින් දසුන් පෙළෙන බව නිකමටවත් දැනී තිබුණේ නැද්ද? 
දසුන් හරිම මිත්‍රශීලීයි. නිතරම හැමෝම එක්ක ඉන්න කෙනෙක්. ඒත් පසුගිය මාස දෙක තුනේ ඒක වෙනස් වුණා. ඔහු ගුප්ත චරිතයක් වුණා. ගුප්ත විදියට හැසිරුනා.  දර්ශන තලයට ආවත් කාත් එක්කවත් කතා නොකර තමන්ගේ කොටස රඟපාලා පැත්තට වෙලා හිටියා. අන්තිමට මුණගැහුණු දවසෙත් ඒ හැසිරීම ඒ වගේම තිබුණා. 
ඒත් මට පෞද්ගලිකව ඒ ගැන හොයා බලන්න බැරි වුණා. 
 
දසුන්ගේ මරණයට සම්බන්ධ හේතුව ඔහු නිළියක් සමග ඇති කරගෙන තිබු ප්‍රේම සම්බන්ධයක් බවයි හැමෝම කියන්නේ? 
මම මෙහෙම කිව්වාම ඔයා වුණත් විශ්වාස කරයිද දන්නැහැ. ඔය කතාව මටත් දැන ගන්න ලැබුණේ දසුන්ගේ මරණයෙන් පස්සේ අන්තර්ජාලවල පළ වූ පුවත්වලින්. සමහර නළුවෝ ඉන්නවා දර්ශන තලයට ඇවිල්ලත් නිළියන්ට ඹ්ධමඥ කරන අය. ඒත් දසුන් එහෙම නැහැ. ස්ත්‍රී ලෝලී චරිත ලක්ෂණ කවදාවත් මම දසුන්ගෙන් දැකලා නැහැ. තැනකට ගියත් හරිම වැදගත් විදියට හැසිරෙන කෙනෙක් දසුන්. 
 
දසුන් විවාහකයෙක් බවට මාධ්‍යයෙන් වසන් කළා. ඔහු ඒ බව යාළු මිත්‍රයන්ටයි අර කියන නිළියටයි වසන් කළ බවත් සමහරු කියනවා. 
විවාහක නළු නිළියෝ මාධ්‍යයට එය වසන් කරන අවස්ථා මා දැක තිබෙනවා. දසුන් විවාහකයෙකු බව අර නිළියට වසන් කළා කියන එක නම් මම දන්නේ නැහැ. හැබැයි ඔහු මිත්‍රයින්ට ඒක වසන් කළා කියන කතාව නම් බොරුවක්. දසුන් විවාහක බව හැමෝම දන්නවා. මමත් ඒක දැන ගත්තේ දසුන් විවාහ වූ අලුතමයි. අනික මා දන්නා තරමින් දසුන් ඇය සමග විවාහ වුණේ ප්‍රේම සම්බන්ධයකින්. ඔහු තමන්ගේ බිරිඳට ගොඩක් ආදරේ කරන කෙනෙක් විදියටයි මම නම් දැනගෙන හිටියේ. 
 
ඔබට දැනුණු විදියට දසුන් කෙබඳු චරිතයක්ද? ප්‍රශ්නයකට මුහුණ දෙන්න තරම් ශක්තිමත් හිතක් ඔහුට තිබුණේ නැද්ද? 
දසුන් බොහොම දුක් මහන්සියෙන් රංගන දිවිය ගොඩ නගා ගත් කෙනෙක්. කාලෙකට ඉස්සර ඔහුට එතරම් වැඩ තිබුණේ නැහැ. ඒ කා‍ලේ දවසක් ඔහු මට කතා කරලා කිවාමට එපා වෙලා අයියේ ටෙලි නාට්‍ය ලැබෙන්නේ නැහැනේ. කියලා ඒ වේලාවේ මම කිව්වා ඉවසගෙන ඉන්න හොඳ කාලයක් එයි කියලා. ආයේ දවසක කතා කරලා බලන්නකෝ අයියේ දිග ටෙලිනාට්‍යවලට මම ගියාම චැනල් එකෙන් ඒක කොටස් 50ට අඩු කරනවා. මගේ අවාසනාවට වෙනවාද 
දන්නෑ කියලා මම කිව්වා. ඕනෑම දෙයක් ගැන ඕනෑවට වඩා හින්නෙපා. ගණන් ගන්නේ නැතුව ඉන්න කියලා. දසුන් හරි අහිංසක චරිතයක්. ප්‍රශ්නයක් වුණාම ගැඹුරට හිතනවා. ඒත් ඔහු ශක්තිමත්. අර වගේ කාල වකවානුවලට මුහුණ දුන්නේ ඒ හින්දා. දැන් තමයි දසුන්ගේ හොඳම කා‍ලේ ආවේ. අසීරු කාලෙදි ජීවිතේට මුහුණ දුන්නු දසුන්ට හොඳම කාලෙදි වුණේ මොක්ද කියලා මට තවමත් හිතාගන්න බැහැ. අනියම් සබඳතා සහ සියදිවි හානි කරගැනීම මම කොහෙත්ම අනුමත කරන්නේ නැහැ. ඒත් ප්‍රශ්න හිතේ තද කරගෙන දුක් විඳින්නේ නැතුව කතා කරලා හිතේ දුක තුනී කරගත්තා නම් හොඳයි. දසුන්ගේ හිත හදන්න පුළුවන් කෙනෙක් ළඟ හිටියා නම් ඔය විනාශය වෙන්නේ නැහැ. 
 
ආරියවංශ කුලතිලක

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1233

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 705

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4099

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2353

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4385

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5543

Please publish modules in offcanvas position.