Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඔබ රටම දන්නා නර්තන ශිල්පියෙක්. ඒ වගේම ශිෂ්‍ය ශිෂ්‍යාවන් දහස් ගණනකට ගුරුහරුකම් කියා දුන් ගුරුවරයෙක්. සතුට හා දුක යන වචන දෙක කෙටියෙන් විග්‍රහ කරන්න යැයි අපි ඔබට කීවොත් ඔබ කොහොමද එය කරන්නේ?
සතුට කියන්නේ පරම සැපයටයි. දුක කියන්නේ ආත්ම විශ්වාසය ඇති කරන්නට මග පාදන අතිශය සංවේදීම හැඟීමටයි.

කලා ජීවිතේදී ඔබ අත් විඳපු ලොකුම සතුට මොකක්ද?
මට වයස පනහ පිරෙන්නේ මේ මාසයේදී. අවුරුදු 5 දී නටන්න පටන් ගත්තේ. 20 දී මගේම නර්තන කණ්ඩායමක් පටන් ගත්තා. එදා මෙදාතුර සතුටු දායක අවස්ථා බොහෝමයි. ඒ හින්දා මම කලා ජීවිතේ විඳි ලොකුම සතුට ජනතාවගේ ආදරය දිනූ නර්තන ශිල්පියකු වීම තමයි.

එතකොට කලා ජීවිතේදී ඔබ විඳපු ලොකුම දුක?
නර්තන ක්‍ෂේත්‍රයේ රයිගමයයි
ගම්පළයයි දෙන්නගෙන් එදා සිට අද වනතුරුම තියෙන්නේ කැපිලි කෙටිලි තමයි. හැබැයි ඒ දුක, පරාජයට නම් හේතුවක් වෙලා නැහැ.

පෞද්ගලික ජීවිතේ ඔබ විඳපු ලොකුම සතුට?
පිය පදවිය හිමි වීම

පෞද්ගලික ජීවිතේ ඔබ විඳපු ලොකුම දුක ආයෙමත් මතක් කරන්න කීවොත්?
මගේ පාසල් ප්‍රේමවන්තියක් මෑත කාලයේ මිය ගියා. මිය යන විට ඇය හොඳ සැමියෙක් හා දරුවන් සමග සාර්ථක දිවියක් ගෙවමිනුයි හිටියේ. මමත් ඒ වෙද්දී සාර්ථක පවුල් ජීවිතයක් ගෙවනවා. ඒත් මට ඇගේ මරණය ආරංචි වුණාම දැනුණු කම්පනය වචනවලින් කියාගන්න බැහැ.

ඔබට ආදරය සතුටක්ද දුකක්ද?
සතුටක් දුකක් විතරක් නමෛයි වෙලාවකට මහ කරදරයක් විදිහටයි මට නම් දැනෙන්නේ.

ආදරය හින්දා ඔබ විඳපු ලොකුම දුක මතකද?
එකක් කියලා කියන්න බැහැ. හය වතාවක් ඒ දුක විඳලා තියෙනවා. මගේ ප්‍රේම සබඳතා 6ක්ම කැඩී බිඳී විසිරුණා. ඒ හැම අවස්ථාවකම මම අසීමිත ලෙස දුක් වුණා.

එතකොට ආදරය හින්දා විඳපු ලොකුම සතුට
විවාහය තමයි. හැබැයි මම විවාහ වුණේ ආදරය කරලා නමෛයි. ඒක යෝජිත විවාහයක්.

වඩාත්ම සතුට රැඳිලා තියෙන්නේ තනිකඩ ජීවිතය තුළද? විවාහ ජීවිතය තුළද?
මට නම් හිතෙන්නේ විවාහ දිවිය තුළ. එතනදී මම හරිම වාසනාවන්තයෙක්. හොඳ බිරිඳක්, දරු තුන්දෙනෙක් සමග ගෙවන හොඳ කුටුම්භයක් මට තියෙනවා. ඒ තුළ ගෙවන දිවිය හරිම සුන්දරයි.

වෙනත් කෙනෙකු නිසා චන්දන වඩාත් සතුටු වූ අවස්ථාවක් තියෙනවාද?
සොයිසාපුර නුගාශ්‍රමයේ මවිසින් ඉදිකළ ෙචෙත්‍ය රාජයාණන් වහන්සේ නැමදලා නිරාමිස සුව ලබන අයගේ සතුට දකිනකොට මටත් ගොඩක් සතුටුයි.

වෙනත් කෙනෙකු නිසා චන්දන විඳි ලොකුම දුක මතකද?
මගේ පවු‍ලේ අය හැර කිසි කෙනෙක් එක්ක මගේ සමීප සබඳතා නැහැ. ඒ හින්දා වෙන අයගේ පෞද්ගලික ප්‍රශ්න මට අදාළ නැහැ. රටේ ජනතාව යම් යම් ව්‍යසනකාරී අවස්ථාවන්ට මුහුණ දෙනවා දකින කොට නම් මට ලොකු දුකක් ඇති වෙනවා.

ඔබ නිසා වෙනත් අයෙකු සතුටු වූ අවස්ථා තිබෙනවාද?
මගේ පවු‍ලේ අය මගේ ජයග්‍රහණයන් දැකලා ලබන සතුට තමයි ඒ.

ඔබ නිසා වෙනත් අයකු දුකට පත්වූ අවස්ථා තියෙනවාද?
මම හින්දා තමන්ගේ ආධිපත්‍ය නැතිවෙලා කියලා හිත හිතා විඳවන දෙන්නෙකුගේ දුක තමයි ඔය ප්‍රශ්නෙදී මට මතක් වෙන්නේ

ඔබට අනාගතය සතුටක්ද දුකක්ද?
නර්තනය තුළ වගේම පෞද්ගලික ජීවිතය තුළත් මම සාර්ථකයි. ඒ හින්දා අනාගතය ගැන කිසි දුකක් නැහැ.

ආරියවංශ කුලතිලක

විරාජ් පෙරේරා කියන්නේ ‘හදවත ගැහෙනා’ ගීතයත් එක්ක බොහෝ තරුණ තරුණියන්ගේ හදවත් දිනාගත් ගායකයෙක්. 
මේ දවස්වල ඔහුගේ අලුත්ම ගීතය වන “තථාගතයාණනි” කියන ගීතයටත් හිතුවටත් වඩා ප්‍රතිචාර ලැබෙන්න පටන් අරන් කියලා අපට ආරංචි වුණා. ඒ ගැන දැනගන්නත් එක්ක ‘රිද්ම’ අපි විරාජ් පෙරේරාට කතා කළා. 
 
විරාජ් පෙරේරා කියන ගායකයාට “තථාගතයාණනි” කියන ගීතය නිසා වෙනස් ප්‍රතිරූපයක් ගොඩනැගුණා කිව්වොත් නිවැරදිද?
ගායකයෙක් විදිහට වෙනස් ප්‍රතිරූපයක් හැදෙනවට තමයි මමත් කැමති. දීර්ඝකාලීනව එකම රාමුවක කොටුවෙලා ඉන්න මම කැමති නැහැ. මගේ ගායන විලාශය වෙනස් ගීතත් එක්ක ගොඩනගන්න තමයි මම උත්සාහ කරන්නේ. ඉතින් ආදර ගීත කරලා ලැබුණ තැනට වඩා ‘තථාගතයාණනි’ කියන ගීතයත් එක්ක ගොඩනැගුණු අනන්‍යතාවයට මම ගරු කරනවා.
 
ඉස්සර නම් බෞද්ධ ගීතයක් කිව්වාම මොහොදින් බෙග්. ඒත් අද කා‍ලේ බෞද්ධ ගීතයක් කිව්වාම විරාජ් පෙරේරා තමයි ඉතින් කියලා මේ දිනවල සමාජ ජාලාවල හුවමාරු වෙන සටහන ඔබ විසින්ම ප්‍රචාරණය සඳහා යොදාගත් උපක්‍රමයක් කියලා සමහරු කියනවා?
සමාජ ජාලාවල විවිධ ‍පෝස්ට් හැදෙනවා. මට තියෙන හඬ විලාශයත් එක්ක වෙන්න ඇති මොහිදින් බෙග් කියන ප්‍රවීණ ගායන ශිල්පියාට මාව සමහරු සම කරනවා ඇත්තේ. මමත් ආසයි කවදාහරි බෙග් මාස්ටර්, අමරදේව මාස්ටර් වගේ අපේ සංගීත ක්‍ෂේත්‍රයට වටිනා කියන දේවල් එකතු කරන ගායකයෙක් වෙන්න. ඒ ඇරෙන්න මම ජනප්‍රිය වෙන්න කියලා හිතාගෙන ඔහොම සටහන් අන්තර්ජාලයට දමලා නැහැ. 
 
ඒ වුණත්  විරාජ් පෙරේරාගේ බලා‍පොරොත්තුව මොහිදින් බෙග් වගේ ගායකයෙක් වෙන එකද?
මම මොහිදින් බෙග් වගේ කියලා මම කවදාවත් කියන්නේ නැහැ. මොකද බෙග් මාස්ටර් මට වඩා ගොඩාක් ඉහළින් ඉන්නේ. නමුත් මම කැමතියි කවදාහරි ඒ වගේ ප්‍රවීණ ගායකයකු විදිහට යම් මතකයක් අපේ සංගීතයට එකතු කරන්න.
 
ඒ නිසාද බෞද්ධ ගීත වැඩිපුර නිර්මාණය කරන්න බලා‍පොරොත්තු වෙන්නේ?
මම හරිම ආසාවෙන් හිටියේ බෞද්ධ ගීතයක් ගායනා කරන්න. මට මුලින්ම ආරාධනා ලැබෙන්නේ ‘රිදී විහාරය’ කියන ගීතයට. නමුත් ඒ දවස්වල මම ටිකක් අසනීප තත්ත්වෙයි හිටියේ. ඒ නිසා ඒ ගීතය මට අහිමි වුණා. නමුත් තථාගතයාණනි කියන ගීතය මට ලැබුණාම මගේ බලා‍පොරොත්තුව ඉටුවුණා. තථාගතයාණනි ලියපු ලසිත ජයනෙත්තිට වගේම සංගීතවත් කරපු ඩිල්ෂාන් සහ අධ්‍යක්ෂණය කළ ප්‍රසාද්ට මම ස්තූති කරනවා. ඉදිරියේදී මගේ තවත් බොදු ගී එකතුවකුත් අහන්න ලැබේවි.
 
ජයසේකර අ‍පෝන්සුගෙන් විරාජ් පෙරේරාට විශේෂ ආරාධනාවක් ලැබුණා කියන්නේ ඇත්තද?
ඔව්, ජයසේකර අ‍පෝන්සු මට කතා කරලා පිටපතක් අතට දීලා කිව්වා විරාජ් මේ චිත්‍රපටය ඔයා කරන්න ඕනේ. ඒක මගේ හීනයක් කියලා. මම වගේම සංගීත ජීවිතයක් ගැන කියැවෙන, මම රඟපාන චිත්‍රපටයක් ඒ අනුව ඉදිරියේදී දැකගන්න පුළුවන් වේවි. රඟපෑමට අමතරව චිත්‍රපටය සඳහා ගීත නිර්මාණය කරන්නේත් මමයි. ඒ නිසා මේ දවස්වල ටිකක් කාර්යබහුල වෙලයි ඉන්නේ.
 
ඒ කියන්නේ විරාජ් පෙරේරා ඉදිරියේදී නළුවෙක් වෙන්න යනවා කියන එකද?
අනිවාර්යයෙන්ම ඒ චිත්‍රපටයේ මම රඟපානවා. චිත්‍රපටයේ පිටපත ජයසේකර අ‍පෝන්සුගේ. ඒ වගේම ඉදිරියේදී තවත් නිර්මාණ කිහිපයක රඟපාන්නත් අදහසක් තියෙනවා. 
 
රඟපෑමට යොමු වුණොත් විරාජ් පෙරේරා ගායනා ක්‍ෂේත්‍රයෙන් සමුගනීද?
කවදාවත් නැහැ. මොකද ගායකයකු වීම කියන්නේ මට තිබුණු ලොකුම හීනයයි. මට අවුරුදු 5දී මම ‘විරාජ් ගී දැහැන’ කියලා වැඩසටහනක් කළා. එහිදී ගුණදාස කපුගේ මහතාගේ ගීත රැසක් මම තනිවම ගායනා කළා. මම පාසලෙන් අයින් වෙලා ගීත හදන කෙනෙක් විදිහට බොහෝ දෙනා හඳුන ගත්තා. ඒත් එක්කම ගායකයකු වීමේ හීනයත් සැබෑ කරගන්න පුළුවන් වුණා. දැන් ඉතින් නළුවෙකු වීමේ හීනයටත් ළඟා වෙමින් ඉන්නවා.
 
විරාජ්ගේ පෞද්ගලික ජීවිතය මොන වගේද කියලා දැනගන්න කැමැති පිරිසකුත් ඉන්නවා?
මගේ පවු‍ලේ ඉන්නේ මමයි, අයියයි, නංගියි, අම්මයි තාත්තයි. මගේ අම්මයි තාත්තයි තමයි මගේ ලොකුම ශක්තිය. මම තාම අවිවාහකයි. 
 
සමන්මලී නැලිගම
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3133

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2974

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6030

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 3598

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2191

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3004

Please publish modules in offcanvas position.

Web Analytics