Coss Ear2
lakbima.lk
COSS Ear 1

ඇය අපේ රටේ සංගීත ක්ෂේත්‍රයේ කැපී පෙනෙන සලකුණක් සනිටුහන් කළ සංගීතවේදියෙකුගේ බිරිඳක්. නමුත් ඇය සුවිශේෂීි වන්නේ ඒ නිසාම පමණක් නොවෙයි. ඇය ප්‍රතිභාපූර්ණ ගී පද රචිකාවක බවත් ඇය ගැන සඳහන් කරද්දී නිතැතින්ම සිහියට එන කාරණයක්. ඇගේ නම මාලිනී ජයරත්න. ප්‍රවීණ සංගීතඥ ටී.එම්. ජයරත්නගේ ආදරණීය බිරිඳ වන ඇය තමන් විසින් 
මතෛක් රචනා කරන ලද ගීත සියල්ල එක්කාසු කරගෙන විශේෂ කටයුත්තක් සඳහා මේ දිනවල සූදානම් වෙනවා.
ඒ ගැන තොරතුරු ඇය මුලින්ම පැවැසුවේ “රිද්ම” සමගයි. 
 
ඔබ මීට දශක කිහිපයකට පෙර රචනා කළ ගීත පවා අදටත් ජනතාව රස විඳිනවා. නමුත්, එම ගීතවල ජනප්‍රියත්වයට සාපේක්ෂව ගීත රචිකාවක ලෙස ඔබේ නම ජනතාව අතරට ගොස් තිබෙන්නේ අඩුවෙන් කීවොත් ඊට ඔබ දෙන පිළිතුර මොකක්ද? 
මට ඒ කතාව පිළිගන්න බැහැ. මගේ මුල්ම ගීිතය ප්‍රචාරය වූ දා සිටම මා වටා රසික පිරිසක් නිර්මාණය වුණා. ඔවුන්ගේ ප්‍රතිචාර අද වෙද්දී වැඩි වෙලා තියෙනවා මිස අඩුවෙලා නැහැ. හැබැයි ගී පද රචිකාවියක විදිහට නමක් හදාගෙන ජනප්‍රිය වෙන්න වුවමනාවක් මට තිබුණේ නැහැ. 
 
ඇයි ඔබ ජනප්‍රියත්වය පසුපස හඹා නොගියේ? 
මම ජීවත් වෙන්නේ අපේ රටේ සංගීත ක්ෂේත්‍රයේ මහා පහන් කන්දක් සමග. ඒ තමයි මගේ සැමියා. මේ නිසා ගීත රචනා කරලා ඒවා ගායනා කරන්න කියලා මම කවදාවත් කාගෙවත් පසුපස ගියේ නැහැ. 
 
ඔබේ කලා දිවියට ලොකුම පන්නරය ලබා දුන්නේ ඔබේ සැමියා බවයි ඔබේ කතාවෙන් හැඟෙන්නේ? 
ඔව්. ගී පද රචනා කිරීමේ හැකියාව මා තුළ තිබුණේ කුඩා කල සිටමයි. නමුත් විවාහයෙන් පසුවයි ඊට හොඳම වටිනාකම ලැබුණේ. 
 
සැමියා ගැයූ ඔබේ ගීත අතරේ රසික හදවත්වලින් කිසිදා ඈත් නොවන විදිහේ ගීතත් තිබෙනවා? 
මගේ සැමියා මා ලියූ ගීත වරින් වර ගුවන් විදුලියේ සරල ගී වැඩසටහන් සඳහා ගායනා කළා. ඒ ගීත අතරිනුත් “අම්මා සඳකි සහ සොඳුරු  අතීතය’’ යන ගීත තමයි ඉහළම ජනප්‍රියත්වයක් හිමිකරගත්තේ. 
 
ඇතැම් ගී පද රචකයන් තම අත්දැකීම් තමයි ගීත බවට පෙරළන්නේ. ඔබ සම්බන්ධයෙන් ඒ කාරණය මොන වගේද? 
මම බොහෝ විට අත්දැකීම්වලට අනුව තමයි ගීත ලියන්නේ. ඇතැම් විට අනුන්ගේ අත්දැකීමක් වුණත් තමන්ගේ කරගෙන ලියන අවස්ථාත් තිබෙනවා. 
 
සොඳුරු අතීතය ගීතය ලියැවෙන්නේ ඔබේ අත්දැකීමකට අනුව නේද? 
ඔව්. ඒකත් මගේ අත්දැකීමක් තමයි. විවාහක යුවළකගේ ප්‍රේමය ගැනයි මේ ගීතයෙන් කියැවෙන්නේ. විවාහ ජීවිතය කියන්නේ නිසලව එක දිගට ගලා යන විදිහේ දෙයක් ‍නෙවෙයි. එහිදී මතුවන බාධක ජයගෙන ජීවිතයේ ඉදිරියට ගෙන යා හැකි වන්නේ අවංක ආදරයකට විතරයි. එවැනි තේමාවකින් තමයි එම ගීතය මා අතින් රචනා වුණේ. 
 
ඔබේ ගී පදවලට තවත් වටිනාකමක් ලබාදීමට ඔබ මේ දිනවල සූදානම් වෙනවා. අපි ඒ ගැනත් කතා කරමුද? 
මා ලියූ ගී පද මාලා ලබන නොවැම්බර් 22 වැනිදා පදනම් ආයතනයේදී කෘතියක් ලෙස එළි දක්වනවා. ඊට අමතරව මගේ ගීත අතරින් වැඩිපුර නෑසෙන ගීත සහ අලුත් ගීත හතරක එකතුවකින් නිර්මාණය වූ ගී තැටියකුත් එදිනට ජනගත වෙනවා. 
 
ඔබ දෙපළගේ පුතා වන ඉසුරුත් අද සංගීත ක්ෂේත්‍රයට පිවිසිලයි ඉන්නේ? 
පුතාව සංගීත ක්ෂේත්‍රයට ගෙනාවේ මමයි. පුතා ගායකයෙකු විදිහට තමන්ගේම අනන්‍යතාවයක් ගොඩනගා ගන්නවා දැකීමයි මගේත්, සැමියාගේත්, බලා‍පොරොත්තුව වුණේ. නමුත් ඔහු අද යන ගමන ගැන නම් අපට තිබෙන්නේ පසුතැවීමක් විතරයි. 
 
කිෂාන් කනංකෙ

සජිත් මිනිසුන්ව පුදුම කරවලා ලෝක වර්තාවක් තියන්නද හදන්නේ?
(හිනැහී) ඒක නම් ඇත්ත තමයි. මම 2006 ඉඳන් අද දක්වාම දවසට මිනිස්සු 3 දෙනෙක්වත් පුදුම කරනවා.
 
සජිත් නිවේදකයකු වීමත් පුදුම සහගත අත්දැකීමක් නේද? 
ඔව්, මම කොළඹ ආනන්ද විදුහ‍ලේ උසස් පෙළ පන්තියේ ඉන්න කා‍ලේ පාස‍ලේ ප්‍රසංගයට ප්‍රධාන ආරාධිත අමුත්තිය විදියට සහභාගි වුණේ එවකට හිරු ගුවන් විදුලියේ කළමනාකරණ අධ්‍යක්ෂිකා තමාලි පීරිස්. ඒ ප්‍රසංගයට මම, සහන් රන්වල, උමේෂ් විෂ්වනාත, තුන්දෙනා අභිරූපණ රංගනයක් කළා. ඒ අභිරූපණ රංගනය දැකලා තමාලි පීරිස් මහත්මිය ගුවන් විදුලියට නවක නිවේදකයන් තෝරන පරීක්ෂණයකට එන්න කිව්වා. වචනයක්වත් කතා නොකර කරපු අභිරූපණ රංගනය දැකලා ඒ අවස්ථාව ලැබිමත් පුදුමයක් තමයි. 
 
ඒ ආරම්භ කරපු ගමන තුළ අද ඔබ දිගු ගමනක් පැමිණ තිබෙනවා. ඒ ගැන අද  ඔබට මොකද හිතෙන්නේ?
 1998 ජූලි මාසේ මම ගුවන් විදුලි නිවේදකයකු වුණේ පාසල් ශිෂ්‍යයෙකු විදියට ඉන්න විටයි. 1998 අගෝස්තු මාසේ උසස් පෙළ කළා. මම මාධ්‍යයට එකතු වුණේ මාධ්‍යය හදාරලා නමෛයි. මම ජනසන්නිවේදන උපාධිය හැදෑරුවේ මාධ්‍යයේ ඉන්න අතරේ. පසුව මම සිරස ගුවන් විදුලියට එකතු වුණා. දැනට Y FM නාලිකාවේ නාලිකා ප්‍රධානී විදියට කටයුතු කරනවා.
 
ලොකු පුටුවක වාඩිවෙලා හිටියත් එදා වගේම ඔබ තවමත් මිනිස්සු පුදුම කරවනවා?
ඔව්, මුලින්ම සිරස නාලිකාවේ දහසක් මල් වැඩසටහන තුළින් බර්ත්ඩේ බයිට් රැගෙන ආවා. දැන් සූරිය සිරස තුළින් ඒ වැඩසටහන කරනවා. යම් යම් අයගේ උපන් දින සඳහන් කරලා ඒ අයගේ හිතවතුන් අපිට කතා කරලා දුරකථන අංක ලබා දෙනවා. ඒ අතරින් දවසට දෙතුන් දෙනෙකුවවත් බයිට් කරනවා. 
 
ඔය විදියට මිනිසුන් බයිට් කරන්න ගියාම අමතක නොවන අත්දැකීම්වලට මුහුණ දෙනවා ඇති නේද? 
ඒ වගේ අනන්ත අප්‍රමාණ අත්දැකීම් තියෙනවා. බයිට් කරන්න ගිහින් බැණුම් අහපු අවස්ථා ගොඩයි. සාමාන්‍යයෙන් ඉතින් බණින වෙලාවට යොදා ගන්නා භාෂාව වෙනස්නේ. ඒ භාෂාවට හැරිලා පළමු වචනේ පළවෙනි අකුර කියද්දී තාක්ෂණයේ බල මහිමයෙන් ඒ වචන ගුවනට මුදා හරින එක නවත්තනවා. ඒත් ඔය අතරේ ටිකක් බරපතළ සිදුවීමකුත් වුණා. 
 
මොකක්ද ඒ? 
එක පුද්ගලයකුගේ උපන්දිනයක් හා ඔහුට සුබ පතන අයගේ නම් ටික මට ලැබුණේ එයාගෙම හිතවතෙකුගෙන්. එයාට විශේෂයෙන් සුබ පතන කෙනෙකුගේ නමකුත් ඒ අතර තිබුණා. මමත් අර පුද්ගලයා බයිට් කරලා ඊට පස්සේ උපන් දිනයට සුබ පැතුවා. සුබ පතන්නට එකතු වන අයගේ නම් ටිකයි විශේෂ නමයි සඳහන් කළා. ඒ එයාගේ අනියම් පෙම්වතියගේ නම. වැඩසටහන මේ මනුස්සයාගේ බිරිඳ අහගෙන ඉඳලා. පස්සේ පවුලත් කැඩෙන්න ගිහින් ලොකු අවුලක් වෙලා තියෙනවා.
 
රටක් හිනස්සන ඔබගේ පෞද්ගලික තොරතුරු දැනගන්නත් රිද්ම පාඨකයන් කැමති වෙයි.
මගේ ගම කොට්ටාව, මහල්වරාව. කොට්ටාව ධර්මපාල විදුහලෙන් මූලික අධ්‍යාපනය ලබලා පහේ ශිෂ්‍යත්වය සමත්වෙලා ආනන්ද විදුහලින් වැඩිදුර අධ්‍යාපනය ලැබුවා. මගේ බිරිඳ පාරමී රණසිංහ. මගේ පුතා අර්ථ රත්නායක. දැන් කොළඹ ආනන්ද විදුහ‍ලේ 4 වසරේ ඉගෙන ගන්නවා. 
 
සඳහටම ඔබ මගේ නාට්‍යයේ ඉෂානිගේ හඬ කැවීම් තුළින් වගේම රූපවාහිනී නිවේදිකාවක් ලෙසත් පාරමී ජනප්‍රියයි.
ඔව්, පාරමීට ලොකු ප්‍රේක්ෂක ප්‍රතිචාරයක් තියෙනවා. ඒත් මට එයාගේ වැඩසටහන් බලන්න විදියක් නැත්තේ මගේ කාර්යබහුලකම නිසා. සඳහටම ඔබ මගේ එකම එක කොටසක් විතරයි මම බලල තියෙන්නේ. ඒකත් පුදුම අත්දැකීමක්.
 
මොකක්ද ඒ? 
දවසක් මම හොඳටම උණ හැදිලා ගෙදර හිටියා. මම වෙව්ල වෙව්ලා නිදි. ගෙදර සාලෙන් පාරමී මහ හයියෙන් කෑ ගහල අඬනවා ඇහුනා. මම නැගිටලා දුවලා ගියා. බලනකොට මෙයා අඬන්නේ ටී.වී.එකේ. ඒ වෙලාවේ 'සඳහටම ඔබ මගේ' නාට්‍යයේ ඉෂානි තමයි ඒ අඬලා තියෙන්නේ. 

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1953

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1056

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5015

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2883

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4966

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6185

Please publish modules in offcanvas position.