Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

හැට හැත්තෑව දශකවල බිහි වූ චිත්‍රපටවලට ඇය නැතුවම බැරි නිළියක් වුණා. අසූව අනූව දශකවලදී ඇය නිළියක් වගේම නිෂ්පාදිකාවක් විදියටත් ආදායම් වාර්තා තැබූ චිත්‍රපට බිහි කරමින් “සිනමාව“ කර්මාන්තයක් විදියටත් රැක ගත්තා. ඒත් අද වන විට මේ කලාකාරිය තමන්ටම කියා නිවසක්වත් නැතිව හිතවතියකගේ නිවසේ ලැගුම් ගෙන සිටිනවා. 
ඒ සිටින අතරතුර ජීවිතෙත් පැද යා යුතු නිසා වසර 20කට පසුව ඈ යළිත් රංගනයට පිවිසීමටත් තීරණය කරලා. අපි අද ඔබට කියන්නේ “සෝනියා දිසා” නම් වූ ඈ පිළිබඳ හිතාගත නොහැකි එම කතාවයි. 
 
මේ වෙනකොට ඔබ නැවතී සිටින්නේ කොහෙද? 
මම දැන් ඉන්නේ පැපිලියානේ, ශ්‍යාමලී විජේසේන කියන හිතවතියකගේ නිවසේයි. මට නිවසක් නැතුව ඉන්න බව දැනගෙන නිල්ශාන් සෙනෙවිරත්න හා ජාතික රූපවාහිනියේ විනීතා තමයි මට ශ්‍යාමලීව හඳුන්වලා දුන්නේ. ඇයට පින් සිදුවෙන්න මම දැන් එහේ නැවතිලා ඉන්නවා. 
 
නිළියක්, නිෂ්පාදිකාවක් විදියට දශක ගණනක් වැජඹුණු සෝනියාට ඇයි මෙහෙම වුණේ? 
මගේ පුතා උදයයි, මගේ දුව බුහුටියි. දෙන්නම ඉන්නේ ඕස්ට්‍රේලියාවේ. කරුගේ මරණයෙන් පසුව මම දරුවෝ ළඟ තමයි හිටියේ. දරුවෝ කැමතියි මම දිගටම එහේ ඉන්නවට. ඒත් මට ඉඳහිට හෝ ලංකාවට එන්න ඕනෑ. ඒ ආවාම ඉන්න මට තැනක් නෑ. අද වෙද්දී මගේ නිවස මට අහිමි වෙලා. 
 
ඔබේ නිවස අහිමි වීම පිළිබඳ ප්‍රශ්නය මේ වන විට නීතිය හමුවට පවා ගොස් තිබෙනවා. ඇත්තටම මොකක්ද ඔතන වෙලා තියෙන්නේ? 
මම විවාහ වෙලා පදිංචියට ආවෙ කොම්පඤ්ඤවීදියේ පිහිටි කරුගේ මහ ගෙදරට. ඉන් පසුව අපි කළුබෝවිල අලුත් නිවසක් හදලා පදිංචියට ගියා. අපි හිටපු කොම්පඤ්ඤවීදියේ නිවස වහලා තියෙන නිසා කලා ලොවේ හිතවතකු වන යසපාලිත නානායක්කාරගේ ඉල්ලීම පිට එක්තරා වාමාංශික දේශපාලනඥයින් දෙදෙනකුගේ කාර්යාලය පවත්වාගෙන යන්න ඉඩ දුන්නා. පසු කාලයේ ඒ දෙදෙනා අතර විරසකයක් ඇතිවෙලා ඉන් එක දේශපාලනඥයකු දැන් මේ නිවසේ ඉන්නේ. මම ආයෙම නිවස ඉල්ලුවාට ඔහු එය මට දෙන්නේ නැහැ. සතයක්වත් අය නොකර මම ඔවුන්ට ඒ නිවස දුන්නේ අවශ්‍ය දවසක ආයෙම දෙයි කියන විශ්වාසයට. ඒත් අද මගේම නිවස ලබාගන්න මට නීතිය ඉදිරියට යන්න වෙලා. නඩු තීන්දුව ලැබිලා නිවස හිමි වන තුරු තමයි මට අද තැන තැන ඉන්න වෙලා තියෙන්නේ. 
 
ඔබේ ප්‍රශ්නයේදී සහෝදර කලාකරුවන්ගෙන් හිතවතුන්ගෙන් උපකාර ලැබුණාද? 
මාලනී, රවී, ජීවන්, ෂෙරින්, නදීකා, අනෝජා වගේ අය මගේ නඩුව වෙලාවේ ආවා. ඒත් ඉතින් මේ රටේ බලධාරීන් මේ ප්‍රශ්නයට මැදිහත් වෙනවා නම් මේකට විසඳුමක් ගන්න පුළුවන්. මම 1962 ඉඳන් රඟපානවා. සිනමාව කඩා වැටුණු යුගයක ආදායම් වාර්තා තියෙන චිත්‍රපට හදලා මම සිනමාව නගා සිටුවන්න උදව් කළා. මේ වෙද්දී චිත්‍රපට 150ක විතර රඟපාලා තියෙනවා. ‘ඔබට දිවුරා කියන්නම්’ ‘දෙව්දුව‘ චිත්‍රපටවලට හොඳම සහය නිළිය ලෙස සම්මාන පවා දිනා ගත්තා. දේශපාලන ක්‍ෂේත්‍රයෙත් දන්න හඳුනන අය ඉන්නවා. ඒත් මම අසරණ වුණු වෙලාවට ඊට මැදිහත් වෙලා මේ ගැටලුවට විසඳුමක් දෙන්න කෙනෙක් නැහැ. 
 
අවුරුදු 20කට පස්සේ මොකද ආයෙමත් රඟපාන්න ඕන කියලා හිතුණේ? 
මම අන්තිමටම රඟපෑවේ “පිස්සු පූසෝ” චිත්‍රපටයේ. ඊට පස්සේ කිසිම රඟපෑමක් කළේ නෑ. නිහඬව සිටි කාලය අවුරුදු 20ක්. දයාරත්න රටගෙදර මහතා තමයි මට මේ ආරාධනය කළේ. එතුමා අධ්‍යක්ෂණය කරන ‍පොහොය ටෙලි නාට්‍යයෙ මුඩුක්කු කාන්තාවකගේ චරිතයක් තමයි මම රඟපෑවේ. එය ලබන ‍පොහොය දින විකාශය වේවි. මම ආයිත් ලංකාවෙන් යන්නෙත් නැහැ. මගේ නිවසේ ප්‍රශ්නය විසඳාගෙන මම හදපු ගෙදරට යන්නයි හිතාගෙන ඉන්නේ. ඊට පස්සේ දිගටම රඟපෑමේ යෙදෙන්න තමයි කැමති. 
 
ආරියවංශ කුලතිලක

සංගීතය පැත්තට යොමු වෙන්න සහන්ට ආභාෂය ලැබෙන්නේ පියාගෙන් බව හැමෝම දන්නවා. හැබැයි කලා ක්‍ෂේත්‍රයට යොමු වීමේදී සහන්ට අයියගෙනුත් ලොකු තල්ලුවක් ලැබුණා නේද? 
මම ‍පොඩි කා‍ලේ ඉඳන්ම අයියා කරන දේවල් බලාගෙන ඉඳලා ඔහුව අනුගමනය කරපු කෙනෙක්. අයියා නිවේදකයෙක් විදිහට කටයුතු කරනවා දැකලා තමයි මටත් පාසල් කාලෙදී නිවේදකයෙක් වීමේ ආසාව ඇති වුණේ. අයියා පාසල් නාට්‍යවල රඟපානවා බලාගෙන  ඉඳලයි මමත් නළුවෙක් වෙන්න මුල් පියවර තැබුවේ.
 
තාත්තාගේ වියෝවෙන් පස්සේ ඔහුගේ තැන ගන්න ඉදිරිපත් වන්නේ සහන්. සහන්ට කලින් ක්‍ෂේත්‍රයට ආපු චිරන්තට ඒ තැන නොලැබුණේ ඇයි ? 
රන්වල බළකාය ගත්තොත්, එහි මූලිකත්වය අරගෙන නිතරම පෙනී ඉන්නේ මම බව ඇත්ත. හැබැයි අයියාගේ සහයෝගයත් නිතරම මට ලැබෙනවා. මොකද නිවේදන කටයුතු නිසා ඔහුට එහි පූර්ණ කාලීනව නියැලෙන්න බැරිවුණා. අයියා විතරක් නමෛයි රන්වල බලකායෙන් ගුරුහරුකම් ලබාගෙන අද රටේ ප්‍රකට කලාකරුවන් වී සිටින තවත් බොහෝ පිරිසක් ඉන්නවා. ඒ හැමෝම නොවැම්බර් 27 වැනි දාට යෙදෙන ලයනල් රන්වල ජන්ම දිනයට එක්කාසු වෙනවා.
 
මේ දිනවල දෙවැනි ඉනිම ටෙලි නාට්‍යයේ විදුහල්පතිතුමාගේ චරිතයෙන් ප්‍රේක්ෂකයන් අතරේ නමක් දිනාගන්න චිරන්ත සමත් වෙලා තියෙනවා. හැබැයි සහන් කියන්නේ සැබෑ ජීවිතයේදීත් රන්වල පදනම හරහා සංගීතය ගැන දැනුම බෙදාදෙන ගුරුවරයෙක්. කොහොමද ඒ වගකීම අද වෙද්දී ඔබට දැනෙන්නේ?
ලංකාවේ පළමු ජන ගී පාඨමාලාව පැවැත්වූයේ අපේ තාත්තා. ඒ 2000 වසරේදී. ඒ කටයුත්ත ඉදිරියට ගෙන යමින් 1 වසරේ සිට වයස 28 දක්වා වන අයට, විවිධ වයස් කාණ්ඩ යටතේ ජන සංගීතය පිළිබඳ දැනුම මම බෙදා දෙනවා. අපට අතීතයෙන් උරුම වූ හොඳ සහ නරක දේවල් අතරින් හොඳ දේවල් තෝරා බේරාගෙන ඒ පිළිබඳ දැනුම බෙදාදෙන එක ලොකු වගකීමක් සහ භාරදූර කටයුත්තක් විදිහටයි මම දකින්නේ.
 
අයියාගේ රඟපෑම් පුංචි තිරයෙන් නරඹන්න ඔබට අවස්ථාවක් ලැබෙනවාද? 
අ‍පොයි ඔව්, ඉඩ ලැබෙන හැම අවස්ථාවකදීම මම 'දෙවැනි ඉනිම' නරඹනවා. රූපවාහිනියෙන් නරඹන්න බැරිවුණොත් යූ ටියුබ් එකෙන් හරි මග හැරුණු කොටස් නරඹන්න මම අමතක කරන්නේ නැහැ.
 
මොනවාද හිතෙන්නෙන් අයියාගේ රඟපෑම් දැක්කාම? 
දෙවැනි ඉනිමේ රඟපාන්න කලින් අයියා මගෙන් ඇහුවා රඟපාන්න ගියොත් මගේ නිවේදන කටයුතුවලට බාධාවක් වේවි නේද? කියලා. එතකොට මම කිව්වා ඒ ගැන හිතන්න එපා රඟපෑමේ දක්ෂතාව පෙන්වන්න ලැබුණු අවස්ථාවෙන් ප්‍රයෝජන ගන්න කියලා. ඒ කිව්වා වගේම ඔහු ඒ කටයුත්ත හරියට කරනා බව ලැබෙන ප්‍රතිචාරවලින් පේනවා. 
 
ඔබත් රංගන ශිල්පියෙකු විදිහට රටේ ප්‍රසිද්ධයි. රන්වල බළකායේ වැඩකටයුතු නිසා රංගනයට තිබෙන අවධානය අඩු වෙලාද?
අ‍පොයි නැහැ. අයියා වගේම මමත් ඉඩ ලැබෙන විදිහට රඟපෑමේ කටයුතුවලත් නියැලෙනවා. මේ දිනවල විකාශය වන 'දෙව්ලියේ' සහ 'මිල්ලෑව වලව්ව' යන ටෙලි නාට්‍යවලට මම රංගනයෙන් දායක වෙනවා. තව 'මන්දාරම් වැහි' නමින් ටෙලි නාට්‍යයකුත් ඉදිරි කාලයේදී විකාශය වීමට නියමිතයි. 
 
රන්වල බළකායේ ඉදිරි වැඩකටයුතු මොන විදිහටද පෙළ ගැහිලා තියෙන්නේ ? 
මේ මාසේ 23වැනිදා සවස 6.00ට කොළඹ, නිදහස් චතුරස්‍රයේදී රන්වල බළකාය 'ගයමු' නමින් ප්‍රසංගයක් පවත්වනවා. නොමි‍ලේ පවත්වන මේ ප්‍රසංගය සමාජයේ රසවින්දනය පිරිහී යාමට පිළියමක් විදිහටයි සංවිධානය කරන්නේ. ඒ හැරුණාම ඉදිරි මාසය තුළ තවත් දේශීය සහ විදේශීය ප්‍රසංග සහ වැඩමුළු රැසක්ම පවත්වන්න සූදානමිනුයි රන්වල බළකාය මේ දිනවල මග බලාගෙන ඉන්නේ.
 
කිෂාන් කනංකෙ
 
එක්වන්න අපගේ Facebook පිටුවට - www.facebook.com/lakbima.lk
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3969

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3713

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6785

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4192

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2615

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3421

Please publish modules in offcanvas position.

Web Analytics