Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ශ‍්‍රී ලාංකේය රූපවාහිනී පේ‍්‍රක්ෂකයන් අතර අතිශය ජනප‍්‍රිය චරිතයක් ලෙස හැඳින්විිය හැකි ඉෂිතා පසුගිය දිනක සිය ජීවිතයේ කිසිවෙකුට නොකියූ කතා කීපයක් ‘බොලිවුඞ් සෙලිබි‍්‍රට්ස්’ සිනමා සගරාවට පවසා තිබිිණි. ඉෂිතා යනු ‘මේ හයි මොහොබතීන්’ නම්  ඉන්දියානු මාලා නාට්‍යයේ ප‍්‍රධාන චරිතය සඳහා රංගනයෙන් දායක වන දිව්‍යංකා ත‍්‍රිපති නම් තරුණ රංගන ශිල්පිනියයි.
දිව්‍යංකා රංගනයට පිවිස තිබෙන්නේ 2003 වසරෙදීය. ඒ රූපවාහිනී වෙළෙඳ ප‍්‍රචාරක දැන්වීමකිනි. 2003 වසරේදී Pantene Zee Teen Queen  තරගයට සහභාගි වූ ඇය ඉන් මිස් බියුටිෆුල් ස්කින් කිරුළ දිනා ගන්නට සමත් වූවාය. මෙම කිරුළත් සමග ඉන්දියානු සිනමා සහ ටෙලි නාට්‍ය අධ්‍යක්ෂවරුන්ගේත් නිෂ්පාදකවරුන්ගේත් ඇස ඇය වෙත යොමු වෙන්නට පටන් ගෙන තිබූ බවක් ඇය දැනගෙන සිටියේ නැත. නමුත් මෙම කිරුළත් සමග ඇයට විවිධ චරිත සඳහා රංගනයෙන් දායක වන්නට කැමතිදැයි ඇසූ දුරකතන ඇමතුම් දිනකට හත අටක් පමණ පැමිිණි බව නම් ඇයට මතකය. නමුත් දිව්‍යංකා රංගනය පිළිබඳ කිසිදු දැනුමක් නොතිබූ තරුණියක වූ බැවින් ඇය ඒ ඇමතම් සියල්ලටම පිළිතුරු දී තිබුණේ එකම ආකාරයකටය. ‘මම මිස් බියුටිෆුල් ස්කින් වුණා කියලා මට ර`ගපාන්න පුළුවන්ද කියලා මමවත් දන්නෙ නැහැ’ ඇගේ පිළිතුර වී තිබිිණි. 
කෙසේ වුවද රංගනයට ඇති හැකියාව නිසාම ඇය ර`ගපෑ පළමු ටෙලි නාට්‍යයේ සිටම නිෂ්පාදකවරුන්ගේ සහ අධ්‍යක්ෂවරුන්ගේ අවධානය ඇය වෙත තව තවත් යොමු වී තිබිණි. එහි ප‍්‍රතිඵලයක් ලෙස පසුගිය වසර 13 තුළ ඇය රංගනයෙන් දායක වී ඇති ටෙලි නාට්‍ය ගණන 23 ක් ලෙස ද වැඩ අවසන් කළ චිිත‍්‍රපට ගණන තුනක් ලෙසද මේ දක්වා රූගත කරමින් පවතින චිත‍්‍රපට ගණන දෙකක් ලෙස ද වාර්තා වී තිබේ.
‘බොලිවුඞ් සෙලිබි‍්‍රට්ස්’ සිනමා ස`ගරාව දිව්‍යංකාව හඳුන්වා දී තිබෙන්නේ හින්දි ටෙලි නාට්‍ය රංගන ශිල්පිනිියන් අතර සිටින බුද්ධිිමත්ම නිළිය ලෙසය. එයට හේතුව ඇය සිය වයසට වඩා පරිනත බුදධිියකින් යුතු වීම ලෙස ඔවුන් පවසා තිබේ. එමෙන්ම කියන්නට ඇති දේ ඍජුව කියන නිළියක් ලෙස ද ඇය ප‍්‍රසිද්ධියට පත්ව සිටී. මේ නිසාම ඇයට සිටින්නේ ඉතා සීමිත මිතුරු මිිතුරියන් පිරිසක් බව ඇය පවසයි. රංගනයට පිවිසි මුල් කාලයේ ඇය රූගත කිරීම් සඳහා පැමිණි ආකාරය පිළිබඳව දිව්‍යංකා විිසින් පවසන ලද හාස්‍ය පිරි කතාවක් ‘බොලිවුඞ් සෙලිබ‍්‍රිට්ස්’ ස`ගරාව පළ කර තිබුණේ මෙසේය.
‘‘මම ෆීල්ඞ්එකට ආපු මුල් කාලෙ ෂූටිං ගියේ අම්මා එක්ක. අන්තිමට අම්මට මේ වැඬේ එපා වුණා. මට අම්මගෙ කණු කුණුව එපා වුණා. මාත් එක්ක යන වැඬේ නෙවෙයි, ෂූටිං බලන් ඉන්න වැඬේ. ෂූටිං තියෙන දවසට මට වඩා මහන්සි අම්මට. ඒ එකම සීන් එක හත් අට වතාවක් රී ටේක් කරනවා බලන් ඉඳලා. සෙට් එකේදි මට වඩා දෙබස් කියන්නෙ අම්මා. හැබැයි ඒ එකම දෙබසයි. ඒ තමයි ‘‘තාම ඉවර නැද්ද..? තාම ඉවර නැද්ද...? තාම ඉවර නැද්ද..? කියනෙක. පස්සෙ අම්මට මගෙ ඩ‍්‍රාමා ටෙලිවිෂන් එකේ බලනෙකත් එපා වුණා. ඒවා යද්දී අම්මා හෝ ගාලා කියෝනවා. මේ සීන් එක හතර පාරක් රී ටේක් කළා, අර සීන් එක දහ පාරක් රී ටේක් කළා, ඔය සීන් එක ෂූට් කරද්දී මට නින්දත් ගියා කිය කියා කියෝනවා. ඒවා අහගෙන ඉන්න එක තාත්තට එපා වුණා. පස්සෙ තාත්තටයි අම්මටයි දෙන්නටම මගෙ ඩ‍්‍රාමා බලනෙක එපා වුණා. ඔය වගේ හේතු නිසා අන්තිමට ඉතිං මම තනියම ෂූටිං යන්න පටන් ගත්තා. දැන් මම සැනසිල්ලෙ ෂූටිං යනවා. අම්මා සැනසිල්ලෙ ගෙදරට වෙලා ඉන්නවා. මගෙ ඩ‍්‍රාමා ටෙලිවිෂන් එකේ යද්දී රී ටේක් නැතිවම අම්මා ඒවා බලනවා. අම්මගෙ කියවිල්ල නැති නිසා තාත්තත් සැනසිල්ලෙ මගෙ ඩ‍්‍රාමා බලනවා.’’
 
දුලංජලී මුතුවාඩිගේ

ගයාන් - චතුරිකා ආදර කතාව කාලයක් මේ රටේ ලොකු ආන්දෝලනයක් ඇති කළා. ඊට හේතු වුණේ දෙදෙනාම කලින් විවාහ වී සිටීමයි. ඒ විතරක් නමෛයි ගයාන් දරු දෙදෙනෙකුගේ පියෙක් වීමත් ඒ ගැන විශාල අවධානයක් යොමු  වෙන්න හේතු වුණා. දෙදෙනාගේම මුල් විවාහයන් දෙදරා යාමත් මේ දෙදෙනා ආදරයෙන් අලුත් ජීවිතයක් ආරම්භ කිරීමත් අද වන විට කලා ලෝකයට රහසක් ‍නෙවෙයි. නමුත් පහුගියදාක ගයාන් - චතුරිකා දෙදෙනා බොහොම ලස්සන මංගල ඡායාරූප පෙළකට පෙනී සිටීමත් සමග අද වෙද්දී මේ දෙදෙනාගේ කතාව ආයෙමත් කරළියට ඇවිත්. ගයාන් - චතුරිකා දෙන්නා කාටත් හොරෙන් ඔවුන්ගේ මංගල උත්සවය අරගෙනද කියන කුතුහලය ඇති කළ මේ ඡායාරූප පෙළ ගැන ඇත්ත කතාව විමසන්න ගයාන් සහ චතුරිකාට අපි කතා කළා. 
 
ගයානුයි - චතුරිකයි හොරෙන්ම මංගල ගමන ගිහින් වගේ...?
ගයාන් : අපි දෙන්නගේ මංගල ඡායාරූප දැක්කට පස්සේ හැමෝම ඔය ප්‍රශ්නය අහනවා.
චතුරිකා : ඒක වෙඩිං ෂූට් එකක් විතරයි. අපි දෙන්නා ඇත්තටම මංගල උත්සවයක් ගත්තේ නැහැ.
 
ඔය දෙන්නාට ඇයි හදිසියේම ඒ වගේ දෙයක් කරන්න හිතුණේ?
ගයාන් : ඒක... අපි සැලසුම්කරලා කරපු එකක් නමෛයි.
චතුරිකා : අපි කළේ ඒ ෆොටෝ ෂූට් එකට පෙනී හිටපු එක විතරයි.
 
කවදාද? කොහෙදීද ?
ගයාන් : පසුගිය ඔක්තෝබර් 28 වැනිදා 
චතුරිකා : නුවරදී තමයි මේ ෆොටෝ ෂූට් එක තිබුණේ.
 
ගයාන් - චතුරිකා ආදරයෙන් එක්වූ පසු මේ වගේ මංගල ඡායාරූප පෙළකට පෙනී සිටි පළමු අවස්ථාවද මේ ?
ගයාන් : නෑ මේ දෙවැනි අවස්ථාව.
චතුරිකා : මීට කලින් Magazine එකකටත් මේ වගේ වෙඩිං ෂූට් එකක් කළා?
 
සැබෑ ජීවිතේදී ගයානුයි - චතුරිකායි මංගල ඡායාරූපයකට පෙනී සිටීමේ අවස්ථාව දවසින් දවස දුර යනවා නේද?
ගයාන් : ඔව්. ඒකනම් ඇත්ත තමයි. මේ අවුරුද්දේ මැයි මාසේ තමයි ඒක හිතාගෙන හිටියේ. ඒත් ඒක කල් දාන්න වුණා.
චතුරිකා : හැබැයි ලබන අවුරුද්දේ අප්‍රේල් මාසෙන් පස්සේ ඒ දවස අනිවාර්යයෙන්ම උදා වේවි.
 
එදාට ඒ සතුට බෙදාගන්න කලා ලෝකේ හැමෝම එකතු කරගන්න බලා‍පොරොත්තුවක් තිබෙනවාද?
ගයාන් : ලොකු උත්සවයක් ගන්න නම් අපේ අදහසක් නැහැ.
චතුරිකා :  හැබැයි එදාට අපි සැරසෙන්නේ නම් උඩරට මනාල යුවළක් විදියට. මොකද මම හරිම කැමැතියි උඩරට මනාලියක් විදියට සැරසෙන්න. 
 
ආරියවංශ කුලතිලක

ස්වාධීන රූපවාහිනී සේවයෙන් විකාශය වන කූඹියෝ ටෙලිනාට්‍යය ප්‍රේක්ෂකයන් අතරේ ජනප්‍රියවීමත් සමග එහි ඇතුළත් චරිතවලටත් ඉහළ මට්ටමේ ප්‍රතිචාර ලැබෙන්න පටන් අරගෙන තියෙනවා. එවැනි එක් චරිතයක් තමයි අංජානි කියන්නේ. කූඹියෝ හි අංජානිගේ චරිතය නිරූපණය කරන්නේ සුජීවා ඩයස්. සුජීවා කියන්නේ පුංචි තිරයට ආගන්තුක නිළියක් ‍නෙවෙයි. නමුත් මෑතකදී වෙනත් ටෙලි නිර්මාණවලින් ඇයව වැඩිපුර දකින්නට ලැබුණේ නැහැ. ඇගේ ඒ නිහැඩියාවට බලපෑ හේතුව මොකක්ද කියන කාරණයක්. 'රිද්ම' සමග මෙම සංවාදයට එක්වෙමින් සුජීවා හෙළි කළා. 
 
කූඹියෝ නාට්‍යය නිසා ඔබට ලැබිලා තියෙන ජනප්‍රියත්වය ගැන මොකද හිතෙන්නේ? 
ඒ ගැන ගොඩක් සතුටුයි. වසර ගණනාවක් ක්‍ෂේත්‍රයේ හිටියත් මට මේ වගේ ඉහළම ජනප්‍රියත්වයක් ලැබුණේ කූඹියෝ නාට්‍යයෙන් තමයි. 
 
කූඹියෝ ටෙලි නාට්‍යයේ අංජානිට ඉදිරියේදී මොනවා වෙයිද?
එෆ්.බි. එක හරහාත් මේ දවස්වල මගෙන් වැඩිපුරම අහන ප්‍රශ්නය තමයි ඕක. මම හිතන්නේ මම ඔය ප්‍රශ්නයට උත්තර දෙනවාට වඩා හොඳයි ප්‍රේක්ෂකයින්ට ටෙලි නාට්‍ය නරඹලාම ඒකට උත්තරයක් හොයාගන්න ඉඩ දෙන එක. 
 
සුජීවා නිළියක් වුණේ කොහොමද කියලා මතක් කළොත්? 
මම පාසල් කාලෙදිම වගේ පැජන්ට් එකකට සහභාගි වුණා. ඒ විතරක් ‍නෙවෙයි. මම ඒකේ අන්තිම දහදෙනා අතරටත් තේරී පත් වුණා. ඒ ලැබුණ ජනප්‍රියත්වයත් එක්ක පස්සේ වෙළෙඳ දැන්වීම් කීපයකටත් සහභාගි වෙන්න අවස්ථාව ලැබුණා. ටිකිරි රත්නායකගේ දූ කුමරියෝ නාට්‍යයෙන් තමයි මම ටෙලි නාට්‍ය රංගනයට අවතීර්ණ වුණේ ඒ  2008 වසරේදී. 
 
මේ වෙද්දී ටෙලි නාට්‍ය කීයකට විතර රංගනයෙන් දායක වෙලා තියෙනවාද? 
ටෙලි නාට්‍ය 15ක විතර මම රඟපාලා තියෙනවා. 
 
හැබැයි සෑහෙන කාලෙකට පස්සෙයි සුජීවාගේ රංගනයක් පුංචි තිරයෙන් දකින්නට ලැබෙන්නේ? 
ඔව්. මගේ පදිංචිය නුවර. නුවර ඉඳන් කොළඹ ඇවිත් ටෙලි නාට්‍යවලට දායක වෙන එක මට හුඟක් අසීරු වුණා. ඒ නිසා මම රඟපෑමෙන් ඉවත් වෙන්න තීරණය කරලයි තිබුණේ. 
 
නමුත් ඔබට රඟපෑමෙන් සදහටම ඉවත් වෙන්න සිදුවුණේ නැහැ? 
ඔව්. මගේ නිහඬතාව අලුත් ගමනක ආරම්භයක් වුණා. 
 
ඒ කිව්වේ?
මම අන්තිමට රඟපෑවේ කූඹියෝ ටෙලි නාට්‍යයේ කූඹියෝ රූගත කළේ මීට වසර කිහිපයකට කලින්. ඒත් එක්කම මමත් රඟපෑම නතර කළා. වසර ගණනකට පසුව දැන් කූඹියෝ විකාශය වනවා. ඒත් එක්ක මමවත් හිතපු නැති තරම් ජනප්‍රියත්වයක් මට ලැබිලා තියෙනවා. කූඹියෝ නිසා මට දැන් එක දිගට  ටෙලි නාට්‍යවලට ආරාධනා ලැබෙනවා. ඉතින් ඒ ජනප්‍රියත්වයත් එක්ක මම ඉබේම වගේ ආයෙමත් රංගනයට යොමු වුණා. 
 
ඒ කියන්නේ සුජීවා දැන් රංගන කටයුතු නිසා කාර්ය බහුල වෙලා ඇති? 
ඔව්. මේ දිනවල මම මේ මල් වසන්තයයි ටෙලි නාට්‍යයේ රඟපානවා. තවත් නිර්මාණ කිහිපයකටම ඉදිරියේදී එක්වෙන්නත් හිතාගෙන ඉන්නවා. 
 
සුජීවාගේ පෞද්ගලික තොරතුරු ටිකකුත් කතා කරමුද?
මගේ සැමියා ගීතාන් ඩයස්. මගේ කලා කටයුතුවලට උපරිම සහයක් ඔහුගෙන් ලැබෙනවා. මට ලොකු පුතෙක් ඉන්නවා. පුතාගේ නම කෙවින්. පුතා මේ වෙන කොට මහනුවර ත්‍රිත්ව විදුහ‍ලේ 10 වසරේ ඉගෙන ගන්නවා. 
 
ආරියවංශ කුලතිලක 
 
ඡායාරූප - මංජුල පෙරේරා

යුරේනි නොෂිකා අන්තර්ජාලයේ පුවත් මවන්නියන් අතරින් කෙනෙක්. සතියකට දෙකකට වතාවක් යුරේනි ගැන කුමක් හෝ උණුසුම් පුවතක් පළ වෙනවා. මේ දවස්වලත් ඔන්න යුරේනි ගැන උණුසුම් පුවත් දෙකක්ම අන්තර්ජාලයේ සැරිසරනවා. අපි යුරේනිට කතා කළේ මෙවැනි පුවත් මැවෙන එක ගැනයි, ඇගේ පෞද්ගලික තොරතුරු ගැනයි විමසන්නයි. 
 
මේ දවස්වල යුරේනි ගැන උණුසුම් පුවත් දෙකක්ම අන්තර්ජාලයේ පළවනවා
ඉස්සර නම්, මං ගොසිප්කාරයන්ගේ වැඩ හින්දා හරියට හිත් රිදවාගත්තා. දැන් නම් ඒ වගේ වබේ සයිට් බලන්නෙවත් නැහැ. මගෙ යාළුවෝ ඕවා දැකලා මට කෝල් කළාම තමයි මමත් ඒවා දැනගන්නේ.
 
සජීවි වැඩසටහනකදී යුරේනි එහි නිවේදකයාට කරන විහිළුවක් තමයි යුරේනි ගැන පළවන අලුත්ම ප්‍රවෘත්තිය.
අයියෝ.... ඒක බොහොම පුංචි විහිළුවක්. වැඩසටහනට ආපු මමයි පැතුම්, රුක්ෂාන් ඇතුළු කට්ටියයි එකතු වෙලා වැඩසටහන කරපු නිවේදකයව බයිට් කළා එච්චරයි.
 
ඒත් අන්තර්ජාලයේ පළවන Video Clip එකෙන් පෙනෙන්නේ යුරේනි කළ දේ විතරයි 
මමයි පැතුමුයි වැඩසටහනට ගියේ ඩෙනිම් කලිසම් ඇඳගෙන. අපේ ඇඳුම්වල දණහිස ඉරිලා තිබුණා. ඒ විලාසිතාවට ඒත් ‍ප්‍රෝග්‍රෑම් එක කරපු කෙනාගේ විලාසිතාව වුණේ දණහිසින් ඉහළ කොටස්. අපි ඒකට විහිළු කළා. ඒත් මම විහිළු කරපු ටික විතරයි ඔය අන්තර්ජාලයේ පළ වෙන්නේ.
 
සජීවි වැඩසටහනකදී කැමරාවක් ඉදිරියේ කරන කියන දේවල් ගැන සැලකිලිමත් වෙන්න ඕන නේද?
අයියෝ මම කැමරාවක් ළඟදී බොරු ප්‍රතිරූපයක් මවාගන්න උත්සාහ කරන කෙනෙක් නමෛයි. සාමාන්‍ය ජීවිතයේදී කරන කියන දේ හැසිරෙන විදිය කැමරාවක් ළඟදී වෙනස් කරන්නේ නැහැ.
 
අනේ මම නම් කවදාවත් පතිවත රකින්නේ නැහැ කියලා යුරේනි ප්‍රකාශ කළෙත් ඒ හින්දද?
ඔය ප්‍රවෘත්තියත් මේ දවස්වල අන්තර්ජාලයේ පළවනවා. එතැනදී වුණේත් වෙන දෙයක්.
 
මොකක්ද?
කිසිම සත්වයෙක්, එකම යුවළක් හැමදාම එකට ඉන්නේ නැහැ. එහෙම ඉන්න එකම සතා මනුෂ්‍යයා. ඒත් මනුෂ්‍යයා කියන්නෙත් සත්වයෙක්. ඒ හින්දයි එකම යුවළක් ජීවිත කාලෙම එකට ඉන්න කොට ගැටලු මතුවන්නේ. අනියම් සබඳතා ඇතිවන්නේ. දෙවැනි තුන්වැනි විවාහවලට යන්නේ. ඔන්න ඔය කාරණය මම දීර්ඝව කතාකරපු සාකච්ඡාවක් ඔය. ඒත් එතැනින් වෙන වෙනම මම කියපු වාක්‍ය දෙකක් අරගෙන සංස්කරණය කරලා මට නම් පතිවත රකින්න බැහැ කියලා හදලා තමයි ඔය අන්තර්ජාලයට දාලා තියෙන්නේ.
 
තමන් ගැන වැරදි පුවත් මාධ්‍යවල පළවුණාම ඊට ප්‍රතිචාර දක්වන්නේ නැත්තේ ඇයි ?
එක වතාවක් එක්තරා පුවත්පතකට ගත්ත ඡායාරූප පෙළක එන පින්තූරයක මගෙ ගවුම ටිකක් මෑත් වෙලා තිබිලා තියෙනවා. එදා ඡායාරූප සිය ගණනක් ගත්තා. ඒත් අර ඡායරූප අරගෙන පත්තරේ පළකරලා තිබුණා. එදා නම් මම ඒ පත්තරේට කතාකරලා බැන්නා. ඒත් දැන් එහෙම මොකුත් කියන්න යන්නේ නැහැ. මම කර්මය විශ්වාස කරනවා. මේ ආත්මේ මම කිසි කෙනෙකුට හිත් රිදීම් කරලා නැහැ. ඒත් පෙර ආත්මවල කරපු පව් හා පින් පළදෙන එක වලක්වන්න බැහැ. එහෙම හිතලා මම හිත හදාගන්නවා. අනෙක දැන් කවුරු මොනව කලත් මගෙ හිත රිදෙන්නේ නෑ. ඔය වගෙ සිදුවීම්වලට මුහුණ දීලම දැන් මගෙ හිත ගලක් වෙලා.
 
හැබැයි ඉතින් අන්තර්ජාලයේ පුවත් මවාගෙන ජනප්‍රිය වන අය ඉන්නවා කියලත් මතයක් තියෙනවා.
ඇත්ත. එහෙම අය ඉන්නවා. ඒක ඒ අයගේ උගත්කම පිළිබඳ ප්‍රශ්නයක්. ඒ අය පව්. හැබැයි මම එතන නැහැ. අන්තර්ජාලයේ පුවත් මවාගෙන ලබන ජනප්‍රියත්වය මට නම් එපා.
 
විවාහ වෙලා තැන්පත් වුණා නම් මේ කතා හැදෙන එක අඩුවෙයි.
මම විවාහ වෙයිද, සදාකාලිකව තනිව ඉඳියිද මම දන්නේ නැහැ. සුදුසුම කෙනා හමු නොවුණොත් තනිකඩව ඉන්න එක හොඳයි.
 
යුරේනි දැන් ප්‍රේමවන්තියක්ද? 
නැහැ.
 
කී වතාවක් ආදරේ කරලා තියෙනවාද?
හතර වතාවයි.
 
ඒ ආදර සබඳතාවලට මොකද වුණේ ? 
මම ඒ හැම අවස්ථාවකම අවංකව ආදරේ කළා. ඒත් ඒ එක්කෙනෙක්වත් මට ඇත්තටම ආදරේ කරලා නැහැ කියලා දැන ගත්තේ පස්සේ. 
 
ආරියවංශ කුලතිලක

“සිරස ටි.වී” ඔස්සේ විකාශය වන “මේ ආදරයයි” ටෙලි නාට්‍යයේ ඒ තේමා ගීතය අද වන විට ඉමහත් ජනප්‍රියත්වයක්
අත්පත් කරගෙන තිබෙනවා. ආදරය ගැන ඒ ගීතය ගැයූ ඒ ආදරණීය හඩේ හිමිකාරිය මීනා ප්‍රසාදිනී පසුගියදා තමන්ගේ ආදරයත් ජයගත්තා. වසර 8ක පෙම් කතාවක් ජයගෙන පසුගිය සැප්තැම්බර් 28 වැනිදා යුග දිවියට පිවිසුනු මීනා පහුගිය ඔක්තෝබර් 17 වැනිදා ලංකාව අතහැරලා තමන්ගේ ආදරණීය සැමියා සමග ඕස්ට්‍රේලියාව බලා පිටත් වුණා. 
 
මෙච්චර කාලයක් මීනා තමන්ගේ ආදරවන්තයා ගැන මාධ්‍යයට වසන් කළා. දැන්වත් කියන්නකෝ ඔහු ගැන තොරතුරු ටිකක්? 
ඔහු ඉරේෂ් පෙරේරා. එයාගේ ගම වෙන්නප්පුව. දැනට ඔස්ට්‍රේලියාවේ පදිංචි වෙලා පෞද්ගලික ආයතනයක රැකියාව කරනවා. 
 
ඉරේෂ් මීනා හමුවීම දිගු කතාවක් කියලයි අපිට නම් අහන්න ලැබුණේ? 
මම මීගමුවේ. ඉරේෂ් වෙන්ප්පුවේ. උසස් පෙළ නිමාවෙලා වැඩිපුර ඉගෙන ගන්න පෞද්ගලික පන්තියකට ගියාමයි එයාව මට මුණ ගැසුණේ. මුලදී අපි ඇසුරු කළේ යාළුවෝ විදියටයි. සැප්තැම්බර් 28 වැනිදා දවසක තමයි මුලින්ම ඉරේෂ් එයාගේ ආදරය මා වෙත ප්‍රකාශ කළේ. ඒ හින්දා තමයි සැප්තැම්බර් 28 වැනිදා දවසක  විවාහය සිදු කළේත්. පවුල් දෙකේම අය කතෝලික. ඒ හින්දා විවාහය සිදුවුණේ කතෝලික චාරිත්‍රවලට අනුවයි. 
 
මීනා ගායනයට පිවිසිලා රටේ ජනප්‍රිය චරිතයක් වුණේ ඉරේෂ් හමු වූ පසු නේද? 
ඔව්. අපි දෙන්නා මුණ ගැසුණේ 2008දී. මම සුපර් ස්ටාර් තරගයට ආවේ 2009දී. 
 
රියැලිටි තරග හරහා කරළිියට ආ බොහෝ අය අද සොයා ගන්නත් නැහැ. ඒත් ඔබගේ කටහඬ තවමත් අපට අසන්නට ලැබෙනවා. මීනාට මොනවාද ඒ ගැන කියන්න තියෙන්නේ? 
මට ඒ ගැන ගොඩක් සතුටුයි. මම බින්දුවටත් එහා සෘණාත්මක තැනකින් ඇරඹිලා මේ ගමන ආවේ. ඒ එන අතරතුර හොඳ නිර්මාණ කිහිපයක් මට ලැබුණා. මම පසුබිම් ගීත ගැයූ එකයි “කලර්”, “කොස්තාපල් පුඥ්ඥසෝම” “උලත් එකයි පිලත් එකයි“ චිත්‍රපට  තිරගත වුණා. තව චිත්‍රපට 7ක් විතර තිරගත වෙන්නත් තිබෙනවා. මේ දවස්වල මම ගී ගැයු “ධර්ම යුද්ධය” තිරගත වෙනවා. “ශ්‍රී වික්‍රම රජ” චිත්‍රපටයේ මම දමිළ ගීතයක් ගැයුවා. ඒ වගේම සෝමරත්න දිසානායක  මහතාගේ  “සරිගම” චිත්‍රපටය මේ වන විට දමිළ බසින් තිරගත කරන්නත් කටයුතු සූදානම් කර තිබෙනවා. සිංහල චිත්‍රපටයට උරේෂා රවිහාරි ගැයූ ගීත දමිළ බසින් ගායනා කරන්නේ මමයි. 
 
කෙටි කලකින් මේ තරම් අවස්ථා ලැබිලා ඒ හැමදේම අතැරලා විදෙස් ගතවෙන්න ඔබ සූදානම් වනවා. මේ ලිපිය පත්තරේ පළවන විට ඔබ ලංකාවේ නැහැ. 
ඔව්. මම 17 වැනිදා මගේ සැමියා සමග ඔස්ට්‍රේලියාවට යනවා. පවු‍ලේ අය යාළු මිත්‍රයෝ මේ හැමදෙනාම දාලා රට යන තීරණය ගත්තේ බොහොම අමාරුවෙන් අපි දෙන්නගේ අනාගතය ගැන හිතලයි ඒ තීරණයට ආවේ. ඒත් මම සංගීතයට ආසයි. ඉඩක් ලැබෙන හැම වෙලාවකම ලංකාවට ඇවිල්ලා ගීතයක් හෝ ගායනා කරන්නයි  මම හිතාගෙන ඉන්නේ. 
 
ඔබ ඔස්ට්‍රේලියාවේ පදිංචියට යන්නේ නවතින්නමද? 
සමහර විට නවතින්නත් පුළුවන්. ආයෙමත් ලංකාවට එන්නත් පුළුවන්. ඒක ඉතින්  ගිහිල්ලා තමයි තීරණය කරන්නේ. 
 
චන්ද්‍රලතා තන්ත්‍රිගේ
 
ඡායාරූප - ධනුෂ්ක සේනාධීර

Page 2 of 9

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 4702

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 3359

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4829

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5453

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 6273

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3839

Please publish modules in offcanvas position.

X

Right Click

No right click