Coss Ear2
lakbima.lk
COSS Ear 1

සිනමාවේ අග රැජින මාලිනී ෆොන්සේකා කලා ලොවට පරම්පරා දෙකක් දායාද කළා. මාලනීගේ නැගණියන් හැත්තෑව, අසූව දශකවල සිනමාවට අවතීර්ණ වූ අතර දෙවැනි පරපුරේ දියණියන් අද පුංචි තිරයේත් රිදී තිරයේත් දක්නට ලැබෙනවා. ඒ අතර සිටින එකම පිරිමි චරිතය වන්නේ මේ කතාබහට එක්වන අශාන් ෆොන්සේකායි. 
 
අශාන් කලාවට අත්‍පොත් තියපු හැටි ගැන මුලින් කතා කළොත්? 
මම ලොකු නැන්දි (මාලිනි ෆොන්සේකා) අධ්‍යක්ෂණය කළ “දියවර” ටෙලි නාට්‍යයට එකතු වුණේ 6 වසරේ ඉගෙන ගන්නා කාලෙදි. ජෙරොම් සිල්වාගේ “ආයෙමත් එන්නෑ” වේදිකා නාට්‍යයට එකතු වුණෙත් ඔය කා‍ලේ. ඒ නාට්‍යය 2002 අවුරුද්දේ රාජ්‍ය ළමා නාට්‍ය උළෙ‍ලේදී සම්මාන 12ක් දිනා ගත්තා. 
 
ඔබ පසු කලෙක නිවේදකයෙකු ලෙසත් කටයුතු කළා නේද? 
ඔව්. මමයි නටාෂා පෙරේරයි “සතුටු උයන” ළමා වැඩසටහන නිවේදනය කළා. 
 
තරුණ වයසට ආවට පස්සේ අශාන් රංගනයෙන් ඈත් වුණේ ඇයි? 
මම රංගනයෙන් ඈත් වුණේ නැහැ. මෝස්තර නිරූපණයට යොමු වුණා. “නිරූපණ ශිල්පියෙක්” විදියට ඉදිරියට යද්දී ශරීරය ඒ වෙනුවෙන් අවශ්‍ය විදියට හැඩ ගසා ගන්න වෙනවා. නිරූපණ ශිල්පය වෙනමම කලාවක්නේ. ඒ හින්දා තමයි රංගනයට තිබුණු කැපවීම අඩු වුණේ. ඒත් මම රංගනයෙන් දුරස් වෙලා නැහැ. 
 
තරුණ නළුවෙකු විදියට ඔබ දායක වූ නිර්මාණ ගැන කතා කළොත්? 
ක්‍රිස් ඇන්තනිගේ “බාඳුරා” චිත්‍රපටයට දායක වුණා. ඒක පැය හැටහයකදී නිමා කරලා කෙටිම කාලයක් තුළ නිර්මාණය කළ චිත්‍රපටය විදියට ගිනස් වාර්තාවට එක් කරන්න හදපු චිත්‍රපටයක්. ඊට අමතරව ගීත රූප රචනා 6ක් කළා. චූටි (බිලි ප්‍රනාන්දු) මගේ මිහිරාවියේ (ලහිරු සංකල්ප) දෙනෙතින් ගලනා (බුද්ධික පෙරේරා) කණු 3 (සංජීව සම්පත්ගේ ක්‍රිකට් ගීතය) තමයි ඒ. ඔබම පමණයි (ශෂිකලා ජයසේකර) කවිකාර (ඕෂනී ප්‍රනාන්දු) ගීත රූප රචනා දෙක ඉදිරියේ දැක ගන්නට ලැබේවි. 
 
නිරූපණ ශිල්පියෙකු විදියට අශාන් ජාත්‍යන්තර සම්මානයටත් පාත්‍ර වී තියෙනවා නේද? 
2016 දී රුසියාවේ පැවැත්වූ “Mister planet 2016” තරගයේදී “Best National Costume”ශූරතාව දිනා ගත්තේ මමයි.
 
ශ්‍රී ලංකාව වගේ රටක නිරූපණ ශිල්පියෙකු විදියට මතෛක් ආ ගමන ගැන සෑහීමකට පත්වෙනවාද? 
නිරූපණ ශිල්පය තුළ මගේ ගුරුතුමිය වාසනා දන්තනාරායන. ඉන් පසුව රොසෑන් ඩයස්, අර්ජුන, නිලූ යටතේ එය වැඩිදුර ප්‍රගුණ කළා. දැනට මම නිදහස් නිරූපණ ශිල්පියෙක් විදියට කටයුතු කරනවා. 
 
ලෝකයේ දියුණු රටවල් වගේ නොවෙයි. අපේ රටේ නිරූපණයට තිබෙන අවස්ථාව අඩුයි. ගෙවීම්වල වුණත් විශාල වෙනසක් තිබෙනවා. ඒ නිසාද ඔබ පූර්ණ කාලීනව නිරූපණ වෘත්තියේ නොයෙදෙන්නේ? 
ඔව්. මම දැනට රැකියාව කරන්නේ “අමරාන් තේ” ආයතනයේ Graphic designer කෙනෙක් විදියට. විවේකය යොදන්නේ නිරූපණ ශිල්පයටයි. 
 
විවේක කාලයේදීත් නිරූපණ ශිල්පයට මුල්තැන දීලා කටයුතු කරන එක ගැන ඔබේ නැන්දණිය මාලනී ෆොන්සේකා මොකද කියන්නේ? 
ලොකු නැන්දි නම් කැමති මම නළුවෙක් විදියට ඉදිරියට යනවාට. ඒත් මම තෝරා ගත්තු ක්ෂේ්ත්‍රය ගැන ලොකු නැන්දිගේ අකමැත්තක් නැහැ.
 
සිනමාවේ අග රැජින ලොකු නැන්දා වීම ගැන අශාන්ට මොකද හිතෙන්නේ? 
 මම පුංචිම කාලෙදිත් මට මතකයි අපේ පවු‍ලේ අය ලොකු නැන්දි ගැන කතා වෙනවා. ඇය සිනමාවේ ඉහළම තැන ඉන්නවා කියන ආඩම්බරය පුංචිම කාලෙදිත් මගේ හිතේ තිබුණා. මම ලොකු නැන්දිගේ කළු සුදු චිත්‍රපට බලලා තියෙනවා. “නිධානය””බඹරු ඇවිත්” “එයා දැන් ලොකු ළමයෙක්” “ආකාස කුසුම්” වැනි චිත්‍රපටවලට මම ගොඩක් ආසයි. හැත්තෑව දශකයේ ලොකු නැන්දි රඟපාපු චිත්‍රපට බලද්දී මට හිතෙනවා. ලංකාවේ බිහි වූ ලස්සනම නිළිය ලොකු නැන්දි කියලා. 
 
ආදරය විවාහය වගේ දේවල් ගැන කතා කරන්න කැමතිද? 
(හිනැහී) ආදරවන්තියක් ඉන්නවා. ඇය කලාවට සම්බන්ධ නැහැ. ඉදිරියේදී අපේ විවාහය සිදුවේවි. 
 
ආරියවංශ කුලතිලක{jcomments on}

චන්න - උපුලී කිව්වාම මේ රටේ නොදන්නා කෙනෙක් නැහැ. මොවුන් දෙදෙනාම මේ රටේ සිටින දක්ෂ, ජනප්‍රිය නර්තනවේදීන් දෙ‍පොළක්. මේ අයගේ එකම ආදරණීය දියණිය තමයි අසේකා කියන්නේ. 
 
අසේකා විජේවර්ධන කියන ඔබව, තවත් කෙනෙකුට හඳුන්වා දෙන්න කීවොත් ඔබ කොහොමද එය කරන්නේ?
රටම ආදරය කන චන්න, උපුලි විජේවර්ධනගේ එකම දුව. ඒ වගේම වෘත්තීමය නර්තන ශිල්පිනියක්.
 
පුංචි කාලයේ පටන් ඔබ හීන දැක්කේ අම්මයි, තාත්තයි ගිය අඩි පාරේම යන්නද?
‍පොඩි කා‍ලේ මම හරිම ලැජ්ජයි. ඒ නිසා නටන්න ඉදිරිපත් වුණේම නැහැ. පුංචි කා‍ලේ මගේ හීනේ වුණේ ගුරුවරියක් වෙන්නයි.
 
ඉතින් අසේකා ගුරුවරියක් වෙන්න මවපු හීනේ සැබෑකරගන්න පුළුවන් වුණාද?
මගේ පුංචි කා‍ලේ හීනේ වගේම නර්තනයට මේ වෙනකොට තිබෙන ලැඳියාවත් එක්කම මට පුළුවන් වුණා නර්තන ගුරුවරියක් වෙන්න. චන්න, උපුලි නර්තන පාස‍ලේ මේ වන විට මම නර්තනය උගන්වනවා.
 
ප්‍රවීණ නර්තන ශිල්පි යුවළගේ දුව වීම නිසා නේද ඔබට ඔය කියන හැමදේම ලැබුණේ?
ඒක වෙන්න පුළුවන්. මාව ජනප්‍රිය වෙන්න මගේ අම්මා සහ තාත්තා හේතුවක් වුණා. ඒ වුණත් මම මේ ඉන්න තැනට එන්න ගොඩක් කැපකිරීම් කළා. සමහර වෙලාවට අනිත් ළමයි සෙල්ලම් කරන්න ගන්න කාලය මම නටන්න යොදා ගත්තා. කොහොම නමුත් මගේ සාර්ථකත්වය මගේ දෙමාපියෝ.
 
අසේකාට පියාගේ නර්තන කණ්ඩායමේ මුල්තැන හිමිවිය යුතුයි කියලා හිතෙනවද?
කොහෙත්ම නැහැ. මට හිමිවිය යුත්තේ සම තැන.මම චන්න විජේවර්ධනගේ දුව වුණා කියලා හැමදේටම පෙරමුණ ගන්න ඕනේ කියලා නියමයක් නැහැ. මට වඩා දක්ෂ අය මුල් තැනට එන්න ඕනේ.
 
එයා චන්න සර්ගේ දුවනේ... ඉතින් හැම නැටුමකම එයා ඉන්නවාමනේ.... මේ වගේ චෝදනා අනෙක් සහෝදර නර්තන ශිල්පීන්ගෙන් ඔබට එල්ල වන්නේ නැද්ද?
අපේ නර්තන කණ්ඩායම හරියට එකම පවුලක් වගේ. ඒ නිසා එයාලා කවදාවත් එහෙම චෝදනා කරන එකක් නැහැ. අනිත් එක එයාලට එහෙම හිතෙන එකතුත් නැහැ. මොකද ඒ හැමෝම වැඩි හරියක් ඉන්නේ අපේ ගෙදර. මගේ දෙමාපියන්ටත් මම වගේම තමයි අනිත් අයත්. කිසිම වෙනසක් නැහැ. ඒ නිසා තමයි කියන්නේ චන්න උපුලිට ළමයි ගොඩක් ඉන්නවා කියලා. 
ආදරය, විවාහය ගැන ගෙදර අය මොකද කියන්නේ?
අම්මයි තාත්තයි ඒ ගැන මාත් එක්ක විවෘතව කතා කරනවා. ඒ නිසාම විවාහ යෝජනාත් එනවා. ඒත් මම තාම විවාහය ගැන බරපතළ විදිහට හිතලා නැහැ. ඒත් මට දැන් අවුරුදු 25ක් නිසා අම්මයි තාත්තයි කියනවා විවාහය ගැන මීට වඩා ටිකක් හිතලා බලන්න කියලා. සමහරු අහනවා පෙම්වතෙක් ඉන්නවාද කියලා. ඇත්තම කිව්වොත් මට තාම පෙම්වතෙක් නැහැ.
 
අනාගත සහකරු මෙහෙම වෙන්න ඕනෑ කියන අදහස ගැන නම් අසේකා හිතලා ඇති නේද?
මගේ අනාගත සහකරු විශේෂයෙන් මම කරන කලාවට ආදරය කරන කෙනෙක් වෙන්න ඕනේ. ඒ වගේම මම කරන දේට අත්වැලක් වෙන්න ඕනේ. මොකද සමහරු මුලදී කලාකාරියන්ට කැමති වෙලා පස්සේ කලාවට යන්න එපා කියලා නීති දානවා. ඒ නිසා මගේ සහකරු කලාවට ලැදි කෙනෙක් වෙන්නම ඕනේ. ඒ වගේම මගේ අම්මටයි, තාත්තටයි ගරු කරන, ආදරය කරන කෙනෙක් වෙන්නත් ඕනේ. එහෙම කෙනෙක් ලැබුණොත් මමත් ආදරය, විවාහය ගැන සලකා බලනවා.
 
ඉතින් අසේකා විජේවර්ධන කියන දක්ෂ නර්තන ශිල්පිනියට රංගන ශිල්පිනියක් වෙන්න අවස්ථාවක් ලැබුණොත්?
අනිවාර්යෙන්ම ඒ අවස්ථාව මම ලබා ගන්නවා. මට රඟපාන්න ආරාධනා ලැබුණා. නමුත් ඉගෙනීමේ වැඩකටයුතු එක්ක මට ඒ ආරාධනා බාරගන්න බැරි වුණා.
 
අසේකා මතෛක් ඔබ ආපු ගමන් මගේ ලබපු ඉහළම ජයග්‍රහණය මොකක්ද?
අපේ නර්තන කණ්ඩායම 2011දී බර්ලින් නුවර කානිවල් ඔෆ් කල්චර්ස් තරගාවලියේ විදේශ රටවල නර්තන කණ්ඩායම් අනූනවයක් අතරින් පළවෙනියා වුණා. ඒක තමයි මගේ ජීවිතයේ ලබපු ලොකුම ජයග්‍රහණය.
 
සමන්මලී නැලිගම{jcomments on}

ෂෙහානි පෙරේරා කලා ලෝකයට පායා එන අලුත් තරුවක් “ෆේස් ටු ෆේස්” කියන තිරගත වීමට නියමිත චිත්‍රපටයෙන් සිනමාවට එකතු වන ෂෙහානි “ප්‍රවේගය” චිත්‍රපටය හරහා රටම හඳුනාගත් උදාරි පෙරේරාගේ බාලම නැගණියයි.

ඔබව හඳුන්වා දෙන්න කැමති මොන විදියටද?
සිනමාවට අලුතින්ම එකතු වෙන උදාරි පෙරේරාගේ පුංචිම නංගි විදිහට.

ඒ හින්දද ෂෙහානි අක්කව අනුකරණය කරන්නෙ?
මගේ ලොකු අක්කා උදාරි පුංචි කා‍ලේ ඉඳලා හරි පිළිවෙළට ජීවත් වුණු කෙනෙක්. ඉතින් මමත් අක්කා වගේ පිළිවෙළට ජීවත් වෙන්න හරිම කැමතියි. විශේෂයෙන් කියන්න ඕනේ මමත් උදාරි පෙරේරාගේ රසිකාවියක් කියන එක.

ඒ කියන්නේ උදාරි ඇරුණම ෂෙහානිට තවත් අක්කා කෙනෙක් ඉන්නවද?
ඔව්. මගේ දවෛනි අක්කා පූර්ණිමා පෙරේරා. එයත් උදාරි අක්කා වගේම ගුවන් සේවිකාවක්. හැබැයි එයා නම් දැනට රඟපාන්නේ නැහැ.

අක්කලා දෙන්නම ගුවන් සේවිකාවන්. එතකොට නංගී කැමති කවුරු වෙන්නද?
මමත් කැමති ගුවන් සේවිකාවක් වෙන්න. මමත් දැන් ඊට අවශ්‍ය අධ්‍යාපන සුදුසුකම් සපුරා ගනිමින් සිටිනවා.

ලස්සන කෙල්ලොම තුන්දෙනෙක් හදපු අම්මයි තාත්තයි මොකද කරන්නේ?
මගේ තාත්තා ඡායාරූප ශිල්පියෙක්. අම්මා ආයුර්වේද වෛද්‍යවරියක්. අපි තුන්දෙනාගේ ලොකුම ශක්තිය තමයි අපේ දෙමව්පියෝ.

ෂෙහානිව නිළියක් කරපු “ෆේස් ටු ෆේස්” සඳහා අවස්ථාව ලැබුණේ කොහොමද?
උමාරියා සිංහවංශ සහ චිත්‍රලාල් කරපු “මලකුත් තිබුණා” කියන ගීතයේ රූප රචනයට මම රංගනයෙන් දායක වුණා. ඒ විෂුවල් එක හරහා මගේ දක්ෂතා දැකපු ෆේස් ටු ෆේස් අධ්‍යක්ෂ හර්ෂ උඩකන්ද තමයි චිත්‍රපටයට මාව තෝරා ගත්තේ.

ෂෙහානිට උදාරිගෙන් ලැබෙන සහයෝගය මොන වගේද?
උදාරි අක්කා තමයි මට නිර්මාණ තෝරලා බේරලා දෙන්නේ. මට එන හැම ආරාධනාවක් ගැනම අක්කා හොඳට හොයලා බලනවා. ඒ අතරින් මට ගැළපෙන දේ තෝරලා දෙනවා. එයා තමයි මගේ දවෛනි අම්මා.

කලාවත් එක්ක ෂෙහානි මීට පෙර පැවැත්වූ සබඳතා මොන වගේද?
මම පුංචි කා‍ලේ නම් වෙළෙඳ දැන්වීම් ගණනාවකම හිටියා. ඒ වගේම ගීතවල රූප රචනා කිහිපයකටත් සම්බන්ධ වුණා. මගේ ඉගෙනීමේ කටයුතු එක්ක මම රංගනයෙන් ටික කාලයක් විවේක අරගෙනයි හිටියේ. “ෆේස්ට් වූ ෆේස්” තමයි ඒ අවස්ථාව නැවත මට ලබාදුන්නේ.

උදාරි අක්කා නම් කියන්නේ ෂෙහානි පුංචි කාලෙ ඉඳලම සාරි පටලෝගෙන රඟපෑවා කියලයි.
මම විතරක් නමෛයි උදාරි අක්කත් පුර්ණමා අක්කාත් පාසල් යන කා‍ලේදී සමහර වේලාවට හවසට සාරි පටලෝ ගෙන, ‍පොඩි මේකෆ් එකක් දාගෙන නටනවා, රඟපානවා. තාත්තා අප තුන්දෙනාගෙම ෆොටෝස් ගන්නවා. මතක් වෙනකොටත් ආයෙ ඒ කාලෙට යන්න හිතෙනවා. උදාරි අක්කාගේ වෙඩින් එකේ කරපු සප්රයිස් ඩාන්ස් එකට අක්කාගේ අයියත් පුදුම වුණා. මොකද අපි ඒක ඒ තරම් ලස්සනට කළා.

ෂෙහානි නිළියක් විදියට ජනප්‍රිය වුණොත් දිගින් දිගටම රඟපෑම සඳහා ආරාධනා ලැබේවි. එතකොට ගුවන් සේවිකාවක් වීමේ සිහිනයට මොකද වෙන්නේ?
මම ආසයි දිගටම රඟපාන්න. ඒ වගේම කලාවේ දිගු ගමනක් යන්න. නමුත් මම කලාව මගේ ජීවන වෘත්තිය බවට පත් කරගන්නේ නැහැ. ගුවන් සේවිකාවක් වෙලා ඉඩ ලැබෙන විදියටයි මම කලාව තුළ ජීවත් වෙන්න හිතාගෙන ඉන්නේ.

සමන්මලී නැලිගම

ඡායාරූප - තුෂාර සංජීව{jcomments on}

“දෙවැනි ඉනිම” ටෙලි නාට්‍යයේ අනුහස්ට (රවින් කණිෂ්ක) දුෂ්ටකම් කරන අවන්ත අද වෙද්දි රටේම කතාබහට ලක්වෙලා ඉන්නේ ඔහුගේ දඟකාර දඩබ්බරකම හින්දමයි. ගායකයෙක් විදියට ක්‍ෂේත්‍රයට ඇවිත් නළුකමට එකතු වූ ඔහු නමින් කේශාන් ශෂේන්ද්‍රයි. අපි අද මේ කතාබහට කේෂාන්ව එකතු කරගන්නේ ‘දෙවැනි ඉනිමේ අමන්ත’ ගැන වගේම ඔහුගේ ජීවිතයේ අලුත්ම තොරතුරු ගැනත් අහන්නයි.

කොහොමද මේ දවස්වල ලැබෙන ප්‍රතිචාර එහෙම?
ගොඩක් හොඳයි. හැබැයි ඉතින් මගේ චරිතය නපුරුකම් කරන දඩබ්බර චරිතයක්නේ. ඒ හින්දා සමහරු මාව දැක්කත් ඔරවනවා. ඒකෙන් හැඟෙන්නේ මම චරිතය හොඳට කරලා තියෙනවා කියන එකනේ. ඒක මට සතුටක්.

ගායකයෙක් වෙන්න ඇවිත් නළුකමට ආවේ අහම්බෙන්ද?
මට අවශ්‍ය වුණේ සංගීතයට යොමු වෙන්නයි. 2011 ඩී්‍රම් ස්ටාර් තරගයට ඉදිරිපත් වුණේ ඒ හින්දා. අවසානයේදී මම තරගයේ කිරුළ හිමිකර ගත්තා. ඒ තුළින් සංගීතයට  එකතු වෙන්න ලැබුණා. මේ වෙද්දී මම ගීත 10ක් විතර කරලා තියෙනවා. ඔය අතරේ තමයි ‘පිපෙන මල්’ ටෙලි නාට්‍යයට ආරාධනා ලැබුණේ. ඊට පස්සේ ‘දෙවැනි ඉනිම’ට එකතු වුණා. හැබැයි ඉතින් දැනටත් මම මුල්තැන දෙන්නේ සංගීතයටයි.

ඒ කියන්නේ මින් ඉදිරියට රඟපාන්නෙ නැද්ද?
රඟපානවා. හැබැයි මුල්තැන සංගීතයට. ඒ අතරතුර හොඳ නිර්මාණයකට ආරාධනා ලැබුණොත් බාර ගන්නවා.

මේ වනවිට ඒ වගේ ආරාධනා ලැබිලා තියෙනවද?
ටෙලි නාට්‍යය වගේම චිත්‍රපට වලටත් ආරාධනා ලැබිලා තියෙනවා. ඒත් මම ඒවා ප්‍රතික්ෂේප කළා. ඕනෑවට වඩා සරල බොළඳ නිර්මාණවලට දායක වන්න බැහැ. යම් ගැඹුරක් තියෙන නිර්මාණයකට තමයි දායක වෙන්න කැමති. සංගීතය තුළ වුණත් ඒ වගේ තමයි.

ඒ කියන්නේ ඔබට ඕනෑ සුභාවිත සංගීතය තුළින් ඉදිරියට යන්නයි?
මෙහෙමයි, මට ඕනෑ හොඳ නිර්මාණ කරන්නයි. අමරදේව මහතා, අමරසිරි පීරිස් මහතා, වික්ටර් රත්නායක මහතා වැනි අය ක්‍ෂේත්‍රය තුළ ගොඩනැගූ දෙයක් තියෙනවා. මට ඕනේ ඒ පාරේ යන්න.

දෙවැනි ඉනිම වෙනුවෙන් කේශාන්ට කොණ්ඩෙ කපන්නත් සිද්ධ වුණාලු නේද?
(හිනැහී) ඔව්, මම මේ නාට්‍යයේ ඉස්කෝ‍ලේ යන ළමයෙක්නේ. ඉතින් කොණ්ඩේ කපන්න සිදුවුණා.

හුරුබුහුටි නව යෞවනයෙකුගේ චරිතය රඟපාන හින්දද ගෑනු ළමයින්ගේ ආකර්ෂණය නම් සෑහෙන්න ඇති නේද?
අමන්ත නපුරු චරිතයක් හින්දා ගෑනු ළමයි මට කැමති නැහැ. ඉඳහිට විශේෂත්වයෙන් කතා කරන අය නම් ඉන්නවා. ඒත් ඉතින් මම මගේ සීමාවන් රැකගෙන ඉන්නවා.

සැබෑ ජීවිතයේ ඔබට ආදරය කරන කෙනෙක් ඉන්නවද?
ඔව්, මට ආදරය කරන කෙනෙක් මගේ ජීවිතය ළඟ ඉන්නවා.

චන්ද්‍රලතා තන්ත්‍රිගේ

ඡායාරූප - තුෂාර සංජීව{jcomments on}

සෑම සතියකම අපි “සතුටයි දුකයි“ කියන මේ විශේෂාංගයට ඔබ දන්නා කියන ජනප්‍රිය චරිතයක් ගෙන එනවා. මෙදා සැරේ 
අපිත් එක්ක මේ ලෙංගතු කතා බහට එකතු වෙන්නේ නළුවෙක් විදියට වගේම අධ්‍යක්ෂවරයකු විදියටත් රටම හඳුනන බුද්ධික ජයරත්නයි. 
 
බුද්ධික ඔබ කොහොමද සතුට හා දුක කියන වචන දෙක කෙටියෙන් විග්‍රහ කරන්නේ? 
ජයග්‍රාහී ධනාත්මක සිතුවිලි ඇති වීම සතුට විදියට මම දකිනවා. කවර හෝ හේතු මත සිතට පරාජිත බවක් ඇති වීමට තමයි දුක කියන්නේ. 
 
තමන්ගේ ජීවිතයේ අත් විඳපු ලොකුම සතුට මොකක්ද? 
පිය පදවිය හිමි වීම. ඒක මගේ ජීවිතයට පමාවී ආ වසන්තයක් නිසා සතුට වැඩිපුර දැනෙනවා. 
 
ජීවිතයේ විඳපු ලොකුම දුක?
දුකක් විඳින මොහොතේ දැනෙන හැඟීම වැඩි වෙන්නේ පසුතැවීමත් එක්ක. පසුතැවීම තියෙන අය යළි යළි දුක්බර අත්දැකීම් සිහිපත් කරනවා. මගේ ජීවිතයේදී මමත් දුක් වූ අවස්ථා බොහෝ තියෙනවා. ඒත් කවර දාකවත් කිසිම දේකින් පසු තැවෙන කෙනෙක් ‍නෙවෙයි මම. පසුතැවීම නැති හින්දා විඳපු දුක් එකක්වත් මතක නැහැ. 
 
කලාකරුවකු ලෙස ඔබ අත් විඳි ලොකුම සතුට මොකක්ද? 
කලාකරුවකු වීමම තමයි. 
 
කලාකරුවකු ලෙස විඳි ලොකුම දුක මතකද?
ලංකාවේ කලාකරුවන්ට හිමි වෙලා තියෙන තැන දැක්කම ලොකු දුකක් ඇති වෙනවා. 
 
ඔබට ආදරය දුකක්ද සතුටක්ද? 
ආදරය තුළ විශාල සතුටක් තියෙනවා. ඒ වගේම තමයි ආදරය තුළ වේදනාව හා දුකත් පිරිලා තියෙනවා. ඇත්තම කියනවා නම් මට හිතෙන්නේ ආදරය කියන්නේ සතුටයි දුකයි යන දෙකේම එකතුවක්. 
 
වැඩියෙන්ම සතුට රැඳිලා තියෙන්නේ තනිකඩ ජීවිතය තුළද විවාහ ජිවිතය තුළද? 
තනිකඩ කා‍ලේ හිතෙනවා, කසාද බඳින්න තිබුණා නම් කොච්චර හොඳද කියලා. ඒ වගේම තමයි ලෝකේ ඉන්න හැම විවාහකයෙකුටම එක වතාවක් හෝ හිතිලා ඇති අපරාදේ කසාද බැන්දේ කියලා. එහෙම බලද්දී ඔය දෙකම එකයි. 
 
බුද්ධික හින්දා වෙන කෙනෙකු සතුටු වූ අවස්ථාවක් සිහිපත් කළොත්?
මගේ සතුට අනිත් අය සතුටු කිරීමයි. සත්තුන්ට අභය දානය දීපු අවස්ථා, නැති බැරි අයට උදව් උපකාර කළ අවස්ථා නම් ගොඩක් තියෙනවා. මම ඒවා කරන්නේ ප්‍රසිද්ධියේ කියන්න නමෛයි. ආත්ම තෘප්තියටයි. 
 
ඔබ නිසා තවත් කෙනෙකු දුක්වූ අවස්ථා තියෙනවාද? 
එහෙම අවස්ථා තියෙනවා. ඒ හැම අවස්ථාවකම මම ඒ අයගෙන් සමාව ඉල්ලා තියෙනවා. එහෙම සමාව ඉල්ලන්න බැරි වූ අවස්ථාවක් තියෙනවා නම් මේ වේලාවේ මම ඒ අයගෙන් සමාව ඉල්ලනවා. ඒ වුණත් මම කිසිමදාක කිසිම කෙනෙකුට මහා ලොකු දුකක් දීපු කෙනෙක් නමෛයි. 
 
අනාගතය ගැන හිතද්දී ඔබට දැනෙන්නේ සතුටක්ද දුකක්ද? 
අවිනිශ්චිත බවක්. හැබැයි ඒ විදියට අවිනිශ්චිත බවක් දැනෙන්නේ දුක හින්දාවත් බය හින්දාවත් ‍නෙවෙයි. හැමෝටම වගේ මටත් අනාගතය ගැන බලා‍පොරොත්තු ගොඩක් තියෙනවා. බලා‍පොරොත්තු කියන දේ ඉටු වන්නටත් පුළුවන්, බිඳී යන්නත් පුළුවන්. ඒ නිසයි මට ජීවිතය ගැන අවිනිශ්චිත බවක් දැනෙන්නේ. 
 
ආරියවංශ කුලතිලක{jcomments on}

පුංචි තිරයේදී නිතරම දඟකාර රංගන ශිල්පිනියක් වූ රොෂානා ඔන්ඩච්චි මේ දිනවල කවුරුත් ආදරය කරන රංගන ශිල්පිනියක් බවට පත් වෙලා. සිඳු”හි” තමාලි සිරිවර්ධනගේ චරිතය හරහායි. දඟකාර රොෂානා තැන්පත් අම්මා කෙනෙක් වුණේ. 
 
ඔබ “සිඳු” ටෙලිනාට්‍යය හරහා තැන්පත් අම්මා කෙනෙකුගේ චරිතයක් රඟපානවා මොකක්ද වෙනස? 
තමාලි කියන්නේ මගේ ජීවිතයට ලැබුණු තීරණාත්මක චරිතයක්. තමාලි “රොෂානාව” ප්‍රේක්ෂක ආදරයට ලක් කළේ කවදත් මතක හිතෙන විදිහට. “තමාලි රොෂානාගේ රංගන ජීවිතයේ හැරවුම් ලක්ෂ්‍යය කිව්වොත් වඩා නිවැරදියි. 
 
රොෂානා ඔන්ඩච්චි කියන්නේ සැබෑ ජීවිතයේදීත් තමාලි සිරිවර්ධන වගේ අම්මා කෙනෙක්ද? 
රොෂානායි තමාලියි අතර සමානකම් ගොඩක් තියෙනවා. මමත් දුවෙක් ඉන්න අම්මා කෙනෙක්. තමාලි වගේම මමත් දුවත් එක්ක මේ ලෝකේ තනි වුණ අම්මා කෙනෙක්. තමාලිට මහත්තයා හිටියත් නැහැ වගේ. සැබැ ජීවිතයේ මමත් අත් විඳින්නේ සැමියකු නැති අම්මා කෙනෙකුගේ අත්දැකීම්. 
 
තමාලි නිසා රොෂානාගේ ජිවිතෙත් වෙනස් වුණාද? 
පෙම්වතියක්, හාස්‍යජනක රංගන ශිල්පිනියක් වුණා. රොෂානාව ආදරණීය මවක් කළේ තමාලි. ඒ නිසා මගතොටේ හම්බවෙන හැමෝම රොෂානා ඔයාට අම්මගේ චරිතේ හොඳටම ගැළපෙනවා... අපි ඒ චරිතේට ගොඩක්  ආදරේ කරනවා කියලා කියනවා. ඒ නිසා මමත් දැන් හැසිරෙන්නේ තමාලි වගේම තමයි. 
රොෂානාට තමාලි වෙන්න අවස්ථාව ලැබුණේ කොහොමද?
මම 2004දි පෙම්බරයාණනි ටෙලිනාට්‍යයේදී ජානක සිරිවර්ධන එක්ක වැඩ කළා. එහිදී මගේ කුසලතා ගැන සෑහීමකට පත්වෙලා ජානක අයියා තමයි “සිඳු” සඳහා මට අවස්ථාව ලබා දුන්නේ. 
 
බටහිර පන්නයට විලාසිතා කරන රොෂානාට තමාලි වෙනුවෙන් ඔසරිය අඳින එක ‍ලේසි වුණාද? 
මම බටහිර පන්නයට ඇන්දත් ඒ ඇඳුම්වල වැදගත්බවක් තියෙනවා. ඔසරිය ගැන මුලදී නම් මට එච්චරම කැමැත්තක් තිබුණේ නැහැ නමුත් සිඳු ටෙලිනාට්‍යයෙන් පස්සේ මට හරිම ආසාවක් ඇති වුණා ඔසරිය අඳින්න. 
 
සිඳු නිසා රොෂානාට හිමි වුණ දේවල් වගේම අහිමි වුණ දේවලුත් තියෙනවා කියන්නේ ඇත්තද? 
සිඳු නිසා මට ප්‍රේක්ෂකයන්ගෙන් ගොඩක් ආදරේ ලැබුණා. ඒ වගේම පරණ හිතවත් නැති යාළුවෝ නැවතත් හිතවත් වුණා. ඒ වගේම කියන්න කනගාටුයි සිඳුහි තමාලි නිසා මට තිබුණු සමහර හිතවත් කම් නැති වුණා. 
 
ඒ කොහොමද? 
මොකද කියනවා නම් තමාලි නිසා රොෂානාට දවසින් දවස ප්‍රේක්ෂකයන් ආදරේ කරන්න පටන් ගත්තා.ඒ නිසාම මගේ සාර්ථකත්වය දරාගන්න බැරි වුණු ගොඩක් දෙනා මාත් එක්ක තරහා වුණා. විශේෂයෙන්ම ක්ෂේත්‍රයේ දුරගමනක් යන්න බැරිව එකතැනම ඉන්න සමහරුන්ට මම ඡායාරූපවලට පෙනී සිටීමත් වරදක් වුණා. 
 
සමන්මලි නැලිගම{jcomments on}

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 636

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1160

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1016

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 786

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5445

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3599

Please publish modules in offcanvas position.