Coss Ear2
lakbima.lk
COSS Ear 1

ශ්‍රී ලාංකේය වේදිකාවේ එදා මෙදා තුර බිහි වූ නාට්‍ය  කරුවන් හා ඔවුන්ගෙන් සිදු වූ මෙහෙවර පිළිබඳ බොහෝ  කතිකා ගොඩනැගුණි. කෙසේ වෙතත් අප මේ කතා කරන නාට්‍යකරුවාට  නිසි ඇගයීිම ලැබි ඇතිදැයි සැක සහිතය. දශක තුනකට ආසන්න කාලයක් පුරා නාට්‍ය කලාව තුළ විවිධ  අත්හදා බැලීම් කරමින් නව  ඉසව් කරා යන්නටත් අපේ කලාව ජාත්‍යන්තරය හා  එක් කරන්නටත් ඇප කැප වී කටයුතු  කරන ඔහු හුදකලා අරගලයක  යෙදෙන්නෙකැයි කීවද වැරදි නැත. එම්. සෆීර් නම් ඔහු මේ දවස්වල තවත් සුවිශේෂ කටයුත්තකට දායක වී සිටියි. ඒ නවමු කටයුත්ත ගැන  මෙන්ම ඔහුගේ නාට්‍ය ජීවිතය  ගැනත් කතා කරන්නට අප එම්. සෆීර් කතාබහට එකතු කර ගත්තෙමු. 
 
නාට්‍ය කලාව තුළ බොහෝ අලුත් අත්හදාබැලීම් කළ  ඔබ නවතම කටයුත්තකට සූදානම් වෙනවා?
 මේ දිනවල මම මගේ දෙවැනි ජාත්‍යන්තර නාට්‍යයට සම්බන්ධවෙලා ඉන්නවා. ඒ තමයි ‘Swing of Love’  (ආදරණීය ඔංචිල්ලාව). එම නාට්‍යයේ ප්‍රධාන භූමිකාව රඟපාන්නේ ඉතාලි  ජාතික නාට්‍ය ශිල්පිනී ජුලියා ඉලිප්‍පො. මංජුල වෙඩිවර්ධන සිංහලෙන් රචනා කළ මෙම නාට්‍යය දිලීපන ඊරියවල විසින් ඉංග්‍රීසියට පරිවර්තනය කළා. මෙහි මංගල දර්ශනය නොවැම්බර් 01 වැනිදා ඉන්දියාවේ ‘පූනි අයියා’ හි වේදිකා ගතවනවා. දෙවැනි දර්ශනය කොරියාවේ ඩීයෝ ජාත්‍යන්තර රංගශාලාවේදී වේදිකා ගත වනවා. ඉන්පසු රටවල් 50ක මෙය වේදිකා ගතවීමට නියමිතයි.
 
දශක තුනකට ආසන්න නාට්‍ය ජීවිතය තුළ ඔබ අලුත් අත්හදා බැලීම් බොහෝමයක් කළා?
මම ක්‍ෂේත්‍රයට  පැමිණි මුල් කාලයේදීමයි ‘පශ්චාත්තාපය’ නාට්‍යය කළේ. එය එකම නළුවෙකු පමණක් රඟපෑ නාට්‍යයක්. ‘Black Box’ තියටර්  නාට්‍ය කලාව ලංකාවට හඳුන්වා දුන්නේ මම. ඒ වගේම වසර 6ක් පුරා මම ‘කොළඹ ජාත්‍යන්තර  නාට්‍ය උළෙල’ පවත්වාගෙන යනවා. මා දවිත්ව භාෂා නාට්‍යද කර තියනවා.
 
එම්. සෆීර් ජාත්‍යන්තරය තුළ තමන්ට ඉඩක් හදාගත් නාට්‍යකරුවෙක් නේද?
මම දැනට ඉන්දියාවේ ‘ පූනේ ප්ලෙමිං’හි කථිකාචාර්යවරයෙකු ලෙස කටයුතු කරනවා. මා දන්නා   තරමින් විදේශ රටකින් ජාත්‍යන්තර නාට්‍යයක් හදන්න ආරාධනා ලැබූ එකම නාට්‍යකරුවා  මමයි. කොළඹ ජාත්‍යන්තර නාට්‍ය උළෙලට මේ වනවිට ජාත්‍යන්තර නාට්‍යකරුවන් 200ක් 250ක් විතර එකතුවෙලා තියෙනවා. වාර්ෂිකව ඊට ඇයැදුම්පත් 70 ක් ගන්න ලැබෙනවා. අද වනවිට මට පුළුවන් වෙලා තියෙනවා ලෝකයේ  ඕනෑම රටකට ගිහින් එහි නාට්‍ය කටයුත්තකට  දායක වෙන්න. ඒ හැමෝම එම්. සෆීර්ව දන්නවා.
 
ඒ පිළිගැනීම අපේ රට තුළ ඔබට ලැබි තියෙනවාද?
විදෙස් විශ්වවිද්‍යාලවල උගන්වන්නට සුදුසු මා ශ්‍රී ලංකාවේ විශ්වවිද්‍යාලවලට සුදුසු නැතුව ඇති. මා පෞද්ගලිකව  කිසිදු ඇගයීමක් බලා‍පොරොත්තු වන්නේ නැහැ. ඒත් නාට්‍ය කලාව වෙනුවෙන් අනාගත පරපුර වෙනුවෙන් කරන දේට අනුග්‍රහයන් ලැබෙනවා නම් ඒ ඇති. ‘කොළඹ ජාත්‍යන්තර නාට්‍ය උළෙල අරඹන විට ප්‍රේක්ෂකාගාරයේ සිටියේ 25 ක් විතර. ඒ 2012 දී. ඒත් අද වනවිට ප්‍රේක්ෂකාගාරයේ අතුරු සිදුරු නැතුව පිරී ගිහින්. මේ වනවිට ලූෂන් බුලත්සිංහල, පරාක්‍රම නිරිඇල්ල, කේ.බි. හේරත්, ධර්මසිරි බණ්ඩාරනායක  වැනි අය මේ කටයුත්තට එකතු වී සිටිනවා.  ඒත් එකතු නොවූ අයත් ඉන්නවා. ඇතැම් අය  පවසනවා මෙහි  ගුණාත්මක බව අඩුයි කියා. එහෙම වෙන්නේ කවර රටක කුමන ජාත්‍යන්තර නාට්‍ය උළෙලකට සාපේක්ෂවද කියලා මං අහද්දි ඒ අය නිහඬයි. ඊට හේතුව ඔවුන් කිසි කෙනෙක්  කිසිම දාක ජාත්‍යන්තර නාට්‍ය උළෙලක් බලලා නැතිවීම. අපේ රටේ කිසිම දෙයකට හොඳක් අහන්න නොලැබෙන බව මම දන්නවා. හොඳක් නොකියුවාට කුහක විවේචන  එල්ල කරන්න පෙළ ගැසුණු අය ඉන්නවා.
 
වේදිකාවේ ගැටලු ගැන හඬනැගීම්  අපට නුහුරු නැහැ. ජාත්‍යන්තරය හා ගනුදෙනු කරන ඔබට ඒ ගැටලු  වඩා හොඳින් පෙනෙනවා ඇති?
රටේ නගර දහයක රංග ශාලා 10ක් හදන්න කියලා අප ඉල්ලන්නේ  කාලෙක ඉඳන්. ඒත් ඒ දේ වෙන්නෙ නැහැ.  සිදු වුණත් රංගශාලා ඉදි කරන්නේ දේශපාලනඥයෝ. නාට්‍යකරුවන්ගෙන් අදහස් විමසන්නේ නැහැ. දේශපාලනඥයෝ හදන්නේ රංගශාලා ‍නෙවෙයි උත්සව ශාලා. ඒ අය නාට්‍ය ගැන  දන්නේ නැති නිසයි එහෙම වෙන්නේ. ඒ උත්සව ශාලා නාට්‍ය කලාවට වැදගත් නැහැ.  Black Box තියටර් මා හඳුන්වා දෙන විට එය පිළිගන්න බොහෝ අය මැලි වුණා. ඒත් ලෝකයේ ඊට බොහෝ පිළිගැනීමක් තියෙනවා. අපේ නව පරපුර වෙනුවෙන් Black Box නාට්‍ය සඳහාත් ඉඩක් සැකසිය යුතුයි. වේදිකා නාට්‍යකරුවන්ට වෘත්තීය මට්ටමකට එන්නට අපි ජාත්‍යන්තරය හා එකතු විය යුතුයි. හැබැයි ඉතින් ඔය  හැම දේටම කලින් නාට්‍යකරුවන් එකමුතුවිය යුතුයි.
 
ආරියවංශ කුලතිලක

අතුලයි අමායයි දෙන්නගේ මංගල ඡායාරූප පෙළක් මේ දවස්වල අන්තර්ජාලය පුරා සැරිසරනවා. විවාහ වෙලා දරුමල්ලෝ ලබපු මේ දෙන්නා ආයෙම විවාහ වුණාද? දෙදෙනා අතර යම් අර්බුද තිබුණත් මේ දෙන්නා නීතියෙන් දික්කසාද වෙලාද හිටියේ? දීග දෙන වයසේ දුවෙක් ඉන්න අතුල මේ මොකද කරලා තියෙන්නේ? මේ වගේ ප්‍රශ්න හැමෝටම ඇතිවුණේ මේ ඡායාරූප දැක්කට පස්සේ. ඉතින් අද අපි මේ කතාවේ ඇත්ත නැත්ත හොයන්නයි මේ හදන්නේ. 
 
අතුලයි අමායයි ආයෙම කසාද බැන්දද?
අපි බැඳල ගොඩක් කල්.... ඒ කසාදේ එහෙමම තියෙනවා. ආයෙම බඳින්න අපි දෙන්නා දික්කසාද වෙලා හිටියේ නැහැනේ.
 
එතකොට පසුගියදා අන්තර්ජාලය කැළඹූ ඔය දෙන්නාගේ මංගල ඡායාරූප මොනවාද?
ඒක Wedding Shoot එකක්. අපි බැන්දට Wedding Shoot එකක් කළේ නැහැනේ. 
 
බැඳලා දරුවොත් ලැබුණටත් පස්සේ මේ වගේ දෙයක් කරන්න හිතුණේ ඇයි?
අපිට එහෙම දෙයක් කරන්න හිතුණා. අපි ඒක කළා.
අතුලයි අමායයි වෙන්වෙලා කියලා රාවයක් පසුගිය කා‍ලේ පැතිරිලා ගියා. ඒ කටකතාවෙන් මිදෙන්න හිතාගෙනද මේ වගේ දෙයක් කළේ?
අපි වෙන් වුණේ නැහැ. වෙන් වෙන්නෙත් නැහැ. හැබැයි අපි වෙන් කරන්න ඕන වෙලා හිටපු අය හිටියා. ඔය කටකතා පතුරවන්න මුල් වන්න ඒ අයත් බලපෑවා. ඒත් ඒ කටකතා අපිට අදාළ නැහැ. අපිව කවුරු වෙන්කරන්න හැදුවත් ඒක ගොඩක් අමාරු වෙයි.
 
නුවර ‘අමායා හිල්’ හෝටලයේ පැවැතුණේ Wedding Shoot එකක් පමණද? සාදයක් පැවැත්වුණේ නැද්ද? 
නැහැ. කිසිම සාදයක් පැවැත්වුණේ නැහැ. Photo Graper අපිව අන්දවපු කෙනා සහ අපි දෙන්නා විතරයි එදා එතැන හිටියේ.
ඔබගේත්, අතුලගේත් විවාහ ජීවිතය තුළ අර්බුධ නොතිබුණ බවද ඔය කියන්නේ?
ප්‍රශ්න නැති විවාහ ලෝකේ කොහේ හරි තියෙනවා නම් මට කියන්නකෝ. කසාද බැන්දට පස්සේ සුළු සුළු ප්‍රශ්න ඇති වෙනවා. අපේ ප්‍රශ්න තව කෙනෙකුට මහ ලොකු ප්‍රශ්නයක් වෙන්නේ අපි ජනප්‍රිය චරිත හින්දා.
 
කාලයක් සමිතයි අමායයි අතර තදබල මිතුරු ඇසුරක් පැවැතුණා නේද?
එයා ගැන කතා කරන්න මම කැමති නැහැ.
 
ආරියවංශ කුලතිලක
 
ඡායාරූප:- කිංස්ලි පෙරේරා
 

චිත්‍රපට අධ්‍යක්ෂ දිනේෂ් ප්‍රියසාද් දූවරු තිදෙනෙකුගේ තාත්තෙක් බව කවුරුත් දන්නවා. ඩිනක්ෂි, ශේෂාද්‍රි සහ ශනුද්‍රි කියන්නේ ඒ තාත්තාගේ දූවරු තුන්දෙනා කියලත් කවුරුත් දන්නවා. ඒත් පහුගිය දවස්වල මූණු ‍පොතේ මේ තාත්තලා දුවලා ගැන වෙනම කතාවක් කියැවුණා. ඒ දිනේෂ්ට පුතෙක් ඉන්නා වග. එහෙමත් නැත්නම් ඩිනක්ෂිට වැඩිමල් සහෝදරයෙක් ඉන්නා වග. දන්න නොදන්න බොහෝ දෙනෙක් මේ කතාවට එක එක විදියේ අර්ථ දක්වලා තිබුණා. නමුත් ප්‍රියසාද් පවු‍ලේ හැමෝම වගේම මේ අලුතින් කරළියට ආව අයියත් මේ ගැන මුනිවත රැක්කා. අපි ඒ මුණිවත බිඳලා ප්‍රියසාද් පවු‍ලේ ලොකු දෝණිගෙන් පැතිරෙන කතාවේ ඇත්ත නැත්ත ඇහුවා. 
 
ඇත්තද මේ පැතිරෙන කතා? 
එක එක කතා පැතිරෙනවානේ, මොන කතාව ගැනද ඔය අහන්නේ?
 
ඩිනක්ෂිගේ වැඩිමල් සහෝදරයා ගැන?
මමත් ඒ වගේ කතාවක් FB එකේ දැක්කා. 
 
ඒ කියන්නේ දැන් සහෝදරයෝ අඳුන ගන්නෙත් FB එකෙන් වගේ? 
අනේ මන්දා, මේවා කාගේ වුවමනාවට මොන පදනමකින් කියන කතාද කියලා. 
 
ඒ කතාවේ ඇත්තක් නෑ කියලාද කියන්නේ?
කවුරුත් දන්නවානේ අපිට අයියා කෙනෙක් නෑ කියලා. අඩු තරමේ ප්‍රියසාද් නමින් ඥාති සහෝදරයෙක්වත් අපට නෑ. මොකද අපේ වාසගම නමෛයි ප්‍රියසාද් කියන්නේ. අපේ වාසගම පීරිස්, තාත්තා ප්‍රියසාද්, මහප්පා අර්ථසාද්, ඒ නිසා තාත්තයි, අපි තුන්දෙනයි අම්මයි හැරෙන්න අපේ පවු‍ලේ වෙන කවුරුත් ප්‍රියසාද් නම භාවිතා කරන්නේ නෑ. 
 
එහෙනම් කවුද මේ හිටි හැටියේ පාත් වෙච්ච ප්‍රියසාද් අයියා?
ඒ ගැන අදහසක් ප්‍රකාශ කරන්නවත් අදහසක් නෑ. ප්‍රියසාද් කියන නම ඕනෑම කෙනෙකුට තියෙන්න පුළුවන්නේ. ඒත් නම තිබුණ පමණින් හැමෝම මගේ අයියලා වෙන්නේ නෑනේ.
 
ඔය කියන අයියව ඩිනක්ෂි දන්නවද? 
නැහැ. මම තාත්තගෙනුත් ඇහුවා දන්න කෙනෙක්වත්ද කියලා. ඇත්තටම අපි කවුරුත් එයාව පෞද්ගලිකව දන්නේ නෑ. අනික එයා කිසිම තැනක අපි එයාගේ නංගිලා කියලාවත්, අම්මා තාත්තා ගැනවත් කියලා නැහැනේ. වෙන අයනේ මේ නෑකම හදන්න උත්සාහ කරන්නේ.
 
කවුරු කතාව හැදුවත් ඒ පුද්ගලයත් කිසිම තැනක වෙච්ච වැරැද්ද නිවැරදි කරලා නෑනේ?
ඔව්, මමත් එහෙම නිවැරදි කිරීමක් දැක්කෙ නෑ. සමහර විට දැක්කෙ නැද්ද දන්නේ නෑනේ. එහෙමත් නැත්නම් නොමි‍ලේ ලැබෙන ජනප්‍රියතාවක් නිසා නිශ්ශබ්දව ඉන්නවද දන්නෙත් නෑනේ.
 
ඒ අයියත් නමෛයි නම්, පැතිරෙන කතාවත් බොරුවක් නම් මේක කවුරු හරි විනෝදයක් ගන්න කරපු වැඩක් වෙන්න බැරිද? 
වෙන්න පුළුවන්. අපි තුන්දෙනාවත්, අම්මා තාත්තාවත් මේ කතාව ගණන් ගත්තේ නැති නිසා ප්‍රශ්නයක් නෑ. ඒත් මේ වගේ දේවල් ඇස් රතුවෙන විහිළු කියලා ඔය විහිළු කරන අය දැනගත්තොත් හොඳයි. 
 
සමහර අය විහිළුවක් කියලා බැහැර කළාට තවත් සමහර අය සැබෑවක් විදියට සලකලා කියලා මුහුණු ‍පොතේ ප්‍රතිචාරවලින් තේරෙනවා?
හේතුවක් ඇතුව හෝ නැතුව ඕන කෙනෙක්ට මඩ ගහන්න එහෙම නැත්නම් මඩ ගහනවා බලා ඉඳලා සතුටු වෙන පිරිසකුත් ඉන්නවානේ. ඒ අයගේ ප්‍රතිචාරවලින් ඇත්තටම අපි සැලෙන්නේ නෑ. අපේ පවුල ගැන නොදන්නා කෙනෙක්ට බැලූ බැල්මට ඒ කතාව ඇත්ත කියලා හිතෙන්න පුළුවන්. අපිට ආදරය කරන ඒ රසිකයන්ටයි කියන්නේ අපිට අපි තුන්දෙනා හැරෙන්න අයියා කෙනෙක් නෑ.
 
ජනප්‍රියත්වය නිසාමද මන්දා මේ දවස්වල ඩිනක්ෂිට මඩ වදිනවා වැඩියි?
අපිට නැති ප්‍රශ්න අපි ගැන සමහර අයට තියෙනවානේ. ඒ අයට වෙන වැඩක් නැති නිසා එයාලම ප්‍රශ්න හදාගෙන ඒ ප්‍රශ්න ප්‍රශ්නයක් කරගෙන දඟලනවා. ඒ වගේ අයට අනුකම්පා කරනවා ඇරෙන්න වෙන කරන්න දෙයක් නෑ. එයාලා අපේ ප්‍රශ්න කරේ තියාගෙන දඟලනකොට අපි අපේ පාඩුවේ අපේ ගමන යනවා. 
 
ඩිනක්ෂි කලකිරීමෙන්ද කතා කරන්නේ?
අ‍පෝ නෑ. ඔය වගේ තේරුමක් නැති දේවල්වලට කලකිරෙනවා නම් අපිට වෙන වැඩක් කරන්න වෙලාවක් නැති වෙයි.
 
මේ දවස්වල කලා කටයුතු කොහොමද?
වෙනදා වගේම ෂූටින්වලට තමයි කාලය ගතවෙන්නේ. චිත්‍රපට දෙකකට දායක වුණා. ස්වාධීන රූපවාහිනිය වෙනුවෙන් චන්දික විජේසිංහ අයියා අධ්‍යක්ෂණය කරන කොන් කළ දෝණී ටෙලි නාට්‍යයට දායක වුණා. ළඟදීම එය විකාශය වෙයි. 
 
කොන් කළ දෝණී ඩිනක්ෂිද? 
ඔව්, හැබැයි ගෙදර නමෛයි. ටෙලි නාට්‍යයට. 
 
හිමේෂා සවන්ති රාජපක්ෂ 
 
ඡායාරූපය:-අසන්ත ගමආරච්චි{jcomments on}

අංජලී පූර්ණිකා ලියනගේ කියන්නේ මේ දවස්වල ජනප්‍රිය චරිතයක්. ඊට හේතුව තමයි ඇය රංගනයෙන් දායකවන දෙවැනි ඉනිම සහ පැහැසරා කියන ටෙලිනාට්‍ය දෙකම මේ දවස්වල පුංචි තිරය ඔස්සේ විකාශය වීම. කොයිතරම් ජනප්‍රිය වුණත් අජංලී නම් කියන්නේ තමන් රංගනයට එකතු වන්නේ විනෝදාංශයක් විදියට විතරක් බවයි. අංජලී එහෙම කියන්නේ කුමන හේතුවක් නිසාද යන්නත් ඔබට මේ කතාබහේදී දැන කියාගන්න පුළුවන්.
 
අනූෂා කියන්නද, ශීලා කියන්නද එහෙම නැත්නම් අංජලී කියලාම ඔබට කතා කරන්නද?
කැමති නමක් කියන්න. හැබැයි මේ දවස්වල මට බොහෝ දෙනා අංජලී කියනවා අඩුයි. මොකද සමහරු දෙවැනි ඉනිම නිසා මට අනුෂා තියනවා. ඒ වගේම තවත් සමහරු පැහැසරා නිසා මට ශීලා කියනවා.
 
දවෛනි ඉනිමටයි, පැහැසරාටයි මේ දිනවල ලැබෙන ප්‍රතිචාර ගැන මොකද හිතන්නේ ?
එකවර ටෙලි නාට්‍ය දෙකකටම ඉහළම ප්‍රතිචාර ලැබෙනකොට දැනෙන්නේ පුදුමාකාර ආත්ම තෘප්තියක්. ක්ෂේත්‍රයේ බොහෝ අයත් ඒ චරිත දෙකින්ම මාව අගය කරනවා.
 
අංජලී මෙඩි සිනා ටෙලි නාට්‍යයේ පිළිගැනීමේ නිලධාරිනියගේ චරිතයෙන් ඉවත් වුණේ වෙන නිර්මාණයකට ආරාධනා ලැබුණ නිසාද?
කොහෙත්ම නැහැ. මොකද මම වැඩක් භාරගත්තොත් අතරමගදී තව වැඩක් තිබුණා කියලා ඒක අතරමග දාලා යන කෙනෙක් නමෛයි. කොහොම නමුත් මම මෙඩි සිනාහි චරිතය බොහොම ආසාවෙන්ම රඟපෑවේ. නමුත් සමහර අවස්ථාවලදී මට එතන වැඩ කරන්න බැහැ කියලා හිතුණ නිසා ඉතින් ඒ චරිතෙට සමු දුන්නා. අනික් කාරණය තමයි මම හාස්‍ය රංගන ශිල්පිනියක් ලෙස එක පැත්තකට පමණක් කොටු වෙන්නත් කැමති නැහැ.
 
අංජලීට රංගන ශිල්පිනියක් වෙන්න අවස්ථාව ලැබුණේ කොහොමද?
මම රංගන ශිල්පිනියක් වුණේ අහම්බෙන්. සුජීව ප්‍රසන්න ආරච්චිගේ බොඳ මීදුම් කියන ජනප්‍රිය නවකතාවේ මුල් කවරය නිරූපණය කළේ මමයි. ඉතිං මම නොසිතූ විදිහට මට ඒ හරහා බොහෝ ප්‍රතිචාර ලැබුණා. පස්සේ ඒ ප්‍රතිචාරත් එක්කම මට රංගන ශිල්පිනියක් වෙන්නත් අවස්ථාව ලැබුණා. සමහර විට මම එදා ඒ විදියට මුල් කවරයට පෙනී හිටියේ නැත්නම් මම අදටත් ව්‍යාපාරිකාවක් විතරක් වෙන්න ඉඩ තිබුණා. 
 
අජංලී ලියනගේ කියන්නේ සිනමාවටත් ප්‍රවේශ වුණ රංගන ශිල්පිනියක් කිව්වොත්..
ඔව්. මම දැනට චිත්‍රපට කිහිපයකටම රංගනයෙන් දායක වෙලා තියෙනවා. ‘ඇඩ්රස්නෑ’  සහ ‘ආදරණීය කතාවක්’ මම රංගනයෙන් දායක වුණු චිත්‍රපටවලින් තිරගත වුණ ඒවායි. ඒ වගේම ‘හීරෝ නීරෝ’ ‘ගෝත්‍රා’ කියන චිත්‍රපටවලිනුත් ඉදිරියේදී මාව දැකගන්න ලැබේවි.
 
අංජලී කියන්නේ වෘත්තීයමය රංගන ශිල්පිනියක්ද?
මම රංගනය සඳහා දායක වෙන්නේ විනෝදාංශයක් විදියට පමණයි. මගේ වෘත්තීය තමයි තේ වගාව. මම තේ වගාවට සම්බන්ධ වෙලා ව්‍යාපාරික කටයුතුවල නියෙළෙනවා.
 
අංජලී බොහෝ විට නිරූපණය කරන්නේ මුහුකුරා ගිය චරිත කිව්වොත් නිවැරදියි නේද?
ඇත්තෙන්ම ඔව්. මට ලැබෙන්නේම මගේ වයසට වඩා මුහුකුරා ගිය චරිත තමයි. මුල් කාලයේ නම් ‘හිම කඳුළු” කියන ටෙලි නාට්‍ය එහෙම පෙම්වතියගේ චරිතය සඳහා මට අවස්ථාව ලැබුණා. නමුත් දැන් මට ලැබෙන්නේම වැඩිහිටි චරිත. ඇත්තටම මම ගොඩක් කැමතියි යමක් කරන්න තිබෙන ඒ වගේ චරිත රඟපාන්න. එහිදී මම පෙම්වතිය වෙන්නත් සූදානම්, ඒ වගේම අම්මා වෙන්නත් සූදානම්.
 
ඔබ එකවර දායක වන්නේ නිර්මාණ කිහිපයකට පමණයි. ඒ ඔබගේ විශේෂ තෝරා ගැනීමක් නිසා කිව්වොත් හරිද?
ඔව්, ඒක මගෙන් බොහෝ දෙනා අහන ප්‍රශ්නයක්. මට එක දිගට ආරාධනා ලැබෙනවා. නමුත් මම මට යමක් කරන්න පුළුවන් චරිත විතරයි තෝරා ගන්නේ. මම නිර්මාණ කිහිපයක හිටියත්, ඒ හැම නිර්මාණයක්ම ප්‍රේෂකයන් අතරට යනවා. ඒ නිසා මම හිතනවා මම භාරගත්ත හැම චරිතයකටම සාධාරණයක් ඉටු කරනවා කියලා.
 
අංජලීගේ පෞද්ගලික ජීවිතය ගැන කතා කළොත් ?
මම විවාහකයි. මට පුංචි දුවෙක් ඉන්නවා. මගේ පුංචි පවුලත් එක්ක හරිම සතුටින් සහ සැහැල්ලුවෙන් කාලය ගත කරනවා.
 
සමන්මලී නැලිගම{jcomments on}

පසුගිය ජූලි 23 වැනිදා ‘රිද්ම’ පුවත්පතේ පළවූ ශෂී ඇන්ජලීනාගේ ලිපිය අන්තර්ජාල වබේ අඩවිවලට උණුසුම් පුවතක් වුණා. රඟපෑමට ආරාධනා කළ අධ්‍යක්ෂවරු 6 දෙනකුම තමන්ගෙන් ලිංගික අල්ලස් ඉල්ලූ නිසා ඒ නිර්මාණ 6ම අතහැර දැමූ බවට ශෂී කළ ප්‍රකාශය තමයි මේ උණුසුම් පුවතට හේතු වුණේ. පුවත් ලිපිය පළවීමෙන් පසු ශෂීගෙනුත් බොහෝ අය සිදුවීම ගැන විමසා තිබුණා. ඒ ආන්දෝලනය තවත් උණුසුම් වුණේ පසුගියදා එළිදැකපු “හීන ගානේ” ගීත රූප රචනයේ ශෂී, අමිල කරුණානායක සමග පෙනී සිටි සරාගී දර්ශන පෙළ නිසයි. කොයිතරම් ඉහළ මිලක් ගෙව්වත් නිරුවත්, අඩ නිරුවත් හා සරාගී දර්ශනවලට පෙනී නොසිටින බවට පුවත්පතට ප්‍රකාශ කළ ශෂී මේ කරලා තියෙන්නේ මොනවද කියලා ඇතැමුන් විමසන්න පටන්ගත්තේ අන්තර්ජාල වබේ අඩවි ඒ ගැන කියා තිබූ දේවල් හින්දමයි.

ජූලි 23 වැනිදා ‘රිද්ම’ පුවත්පතට ශෂී කළ ප්‍රකාශය අද වනවිට අන්තර්ජාල වබේ අඩවිවලට උණුසුම් පුවතක් වෙලා.
පත්තරේ ලිපිය පළවීමත් එක්ක මටත් දුරකථන ඇමතුම් ගලාගෙන ආවා. හැමෝටම දැනගන්න අවශ්‍ය වෙලා තියෙන්නේ ඒ අධ්‍යක්ෂවරු කවුද කියන එකයි.

ඔබට ප්‍රතිචාර දැක්වූ අය මොන විදියේ අදහස්ද ඔබ වෙත දක්වා තිබුණේ?
ඒ විදියේ අයුතු යෝජනා කළ අධ්‍යක්ෂවරුන්ට කෙළින්ම උත්තර දීලා ඒ නිර්මාණවලින් ඉවත්වීම ගැන ගොඩක් අය මට ප්‍රශංසා කර තිබුණා. අධ්‍යක්ෂවරුන්ගේ නම් හෙළි නොකිරීම වැරදි බව තවත් අය කියා තිබුණා. ඒ විදියට නම් නොකියා හිටියම හොඳ අධ්‍යක්ෂවරුන්ටත් චෝදනා එල්ල වන්න පුළුවන් නේද කියලා සමහරු මගෙන් ඇහුවා.

ඒ ප්‍රශ්නය නම් සාධාරණයි නේද?
මම කිසිම තැනක සමස්ත අධ්‍යක්ෂවරුන්ට චෝදනා කළේ නැහැනේ. හොඳ අධ්‍යක්ෂවරු ඉන්නවා. මම කතා කළේ නරක අය ගැන. මම ඒ අයගේ නම් හෙළිදරව් නොකළට ඒ පුවත්පත් ලිපිය දැක්කම ඒ අයගේ හෘද සාක්ෂිය ඒ අයට අදාළ සිදුවීම මතක් කරලා දෙයිනේ. මට ඒ ඇති.

මේ විදියට දුරකථන ඇමතුම් දුන්නේ කලා ක්‍ෂේත්‍රයේ සිටින ශෂීගේ හිතවතුන්ද? නැත්නම් රසිකයන්ද?
කලා ලෝකයේ අය වගේම රසික පිරිසත් හිටියා. ඔය අතරේ නිර්නාමික දුරකථන ඇමතුම් කිහිපයකුත් ලැබුණා. ඒ නිර්නාමික ඇමතුම් දුන්න අය නම් දිගින් දිගටම ඇහුවේ ඒ අධ්‍යක්ෂවරුන්ගේ නම් මොනවද කියලා. ඒත් මම ඒ නම් හෙළි කළේ නැහැ. මේ විදියට අධ්‍යක්ෂවරුන්ට චෝදනා කළාම රඟපාන්න අවස්ථා අඩුවෙයි කියලා සමහරු කිව්වා. ඒත් පත්තරේට කරපු ප්‍රකාශය ගැන මම දුක්වන්නේ නැහැ. මොකද නිර්මාණයට මාව අත්‍යවශ්‍ය නම් කොහොමත් මාව ගන්නවා. අර විදියේ අදහස් ඇතුව නිර්මාණවලට මට කතාකරන අධ්‍යක්ෂවරු මේ ලිපිය දැක්කාම මට කතා නොකර ඉඳියි. ඒක මට ප්‍රශ්නයක් නැහැ.

ඉතා ඉහළ මිලක් දුන්නත් නිරුවත, අඩ නිරුවත හෝ සරාගී දර්ශන රඟපාන්නේ නැහැ කියලා කියපු ශෂීගේ ප්‍රතිපත්ති අද වෙනස් වෙලාද?
නැහැ වෙනස් වෙලත් නැහැ. වෙනස් වෙන්නෙත් නැහැ. පසුගිය මාස දෙකේ මට රඟපෑමට ආරාධනා ලැබුණේ අඩුවෙන්. ඊට හේතුව මගේ ඔය ප්‍රතිපත්තිය.

‘හීන ගානේ’ රූප රචනයේ ඔබ අමිල කරුණානායක එක්ක සරාගී දර්ශනවලට පෙනී සිටියාද?
එතැන දෙතොල් සිප ගැනීමක් තියා දෙතොල් ස්පර්ශ කිරීමක්වත් වුණේ නැහැ. අපි දෙන්නම හිටියේ ඇඳුම් ඇඳගෙන. කැමරා කෝණ මගින් තමයි සරාගී බව මතුකළේ. නරඹන්නන්ට එහි සරාගී බවක් දැනෙද්දී අපි ගැන වැරදි වැටහීමක්වත් ඇති වුණාද දන්නේ නැහැ. අන්තර්ජාල වබේඅඩවි එයට අනවශ්‍ය විදියට වැරදි අදහස් එකතු කරලා. ඒත් අමිලයි මමයි දෙන්නම කවදාවත් එවැනි දර්ශනවලට පෙනී ඉන්න අය නමෛයි.

ආරියවංශ කුලතිලක{jcomments on}

මීට කලින් ටෙලි නාට්‍ය දෙකකටයි චිත්‍රපටයකටයි ආරාධනා ලැබුණා. ඒත් රඟපාන්න තිබුණු බය හින්දාම බෑ කිව්වා. මෙහෙම කියන දිනූෂා සිරිවර්ධන මේ දවස්වල ඔබට හමුවන්නේ ස්වාධීන රූපවාහිනියෙන් විකාශය වන නෙතූ ටෙලි නාට්‍ය හරහා. මියුසික් වීඩියෝවල රඟපෑවට ටෙලි නාට්‍යයක රඟපාන්න බයෙන් හිටපු දිනූෂාගේ බය තවමත් ඒ විදියටම තියෙනවාද කියලත් අපි ඇගෙන් ඇහුවා.
 
දිනූෂාගේ ප්‍රථම ටෙලි නාට්‍ය රංගනය නෙතූ වුණත් ඔබ මින් පෙරත් කලාවට සම්බන්ධ වී තියෙනවා. මම කියපු දේ හරිද? 
ඔව්. මම Music Video කීපයකට සම්බන්ධ වෙලා තියෙනවා. නිරූපිකාවක් විදියට මනාලියන්ගේ ප්‍රදර්ශන සඳහාත් සම්බන්ධ වෙනවා. 
 
ඒ හරහාද ටෙලි නාට්‍ය රංගන ශිල්පිණියක් වීමට ඔබට අවස්ථාව ලැබුණේ? 
මට මීට කලින් ටෙලි නාට්‍ය තුනකටයි චිත්‍රපට දෙකකටයි ආරාධනා ලැබි තිබුණා. ඒත් බාරගත්තේ නැහැ නෙතූ තමයි පළවෙනි නාට්‍යය. නෙතූ බාරගත්තාට පස්සේ තවත් ටෙලි නාට්‍යයකටයි චිත්‍රපටයකටයි ආරාධනා ලැබිලා තියෙනවා. 
 
ඇයි කලින් ආරාධනා ප්‍රතික්‍ෂේප කළේ? 
බයට, දෙබස් අමතක වෙයිද? වරදියිද? බැණුම් අහන්න වෙයිද? කියලා බය හිතුණා. Music Video කරද්දී ඒ ප්‍රශ්න නැහැනේ. ඒත් ශාන්ත සොයිසා මහතා වගේ කෙනෙකුගේ නිර්මාණයකට ආරාධනා ලැබුණාම බාරගන්න හිතුණා. මගේ දෙවැනි අක්කා තමයි මට කලාවට එන්න වගේම රඟපාන්න උනන්දු කළේ. එයා මෝස්තර නිරූපණ ශිල්පිනියක් විදියට වගේම ටෙලි නාට්‍යයක රඟපාලත් තියෙනවා. 
 
පවු‍ලේ තොරතුරුයි දිනූෂාගේ තොරතුරුයි දැන ගන්නත් අපගේ ආදරණීය රිද්ම පාඨකයෝ කැමති වෙයි? 
මම මහරගම. ඉගෙන ගත්තේ ශ්‍රී රේවත රාජකීය විදුහලින්. මට අක්කලා දෙන්නෙක් ඉන්නවා. ගෙදරින් මගේ කලා කටයුතුවලට උපරිම සහය ලැබෙනවා. 
 
රඟපාන්න බයෙන් හිටියා කිව්වනේ. නෙතූ රඟපාන්න ගියාම ඔය බය දැනුණේ නැද්ද? 
ඉස්සෙල්ලාම දවසේ ලොකු බයක් තිබුණා. නෙතු එයාගේ තාත්තා (ලාල් කුලරත්න) එක්ක කරන ජවනිකාවක් තමයි මුලින්ම රඟපාන්න තිබුණේ. ඒ ජවනිකාවේ මට තිබුණේ එක දෙබසයි. හොඳට පාඩම් කරලා  දෙබස් හරියට කියපු හින්දා ඊළඟ දර්ශනවලට බය නැතුව මූණ දෙන්න පුළුවන් වුණා. 
 
ඒ කියන්නේ දැන් ඒ බය නෑ?
දැනට නම් නෑ. ඒත් අලුත් ප්‍රඩක්ෂන් එකක වැඩ කරන්න යද්දී ඒ බය ඇති වෙයිද දන්නේ නෑ
 
රඟපාන අතරතුර අමතක නොවන අත්දැකීම්වලට මුහුණ දෙන්නත් ඇති නේද? 
එක ජවනිකාවක් තිබුණා. මම තේ එකක් බිබි කතා කරන ජවනිකාවක්. දැන් ඔන්න ජවනිකාව පටන් ගත්තා. මම පළවෙනි තේ උගුර බොනකොට උගුර හාරලා යනවා වගේ දැනුණා.  පණ බයේ ගැහි ගැහී රඟපාන මගේ තේ එකටත් කට්ටිය ලුණු දාලා. ඉතින් ඊට පස්සේ වෙච්ච දේ ගැන හිතා ගන්න පුළුවන්නේ.
 
දිනූෂා ටෙලි නාට්‍යවල රංගනයෙන් දායක වනවාට පෙම්වතාගේ විරෝධයක් නැද්ද? 
නැහැ. එයා තමයි මාව මේ නාට්‍යයටත් උනන්දු කළේ. 
 
එයත් නළුවෙක් නේද? 
තවම  Music Video වල විතරයි රඟපාලා තියෙන්නේ. 
 
ඒත් ආත්මා ලියනගේ හා රොමේෂ් සුගතපාලගේ Music Video වලින් ඔහු ජනප්‍රිය වුණානේ? 
එයා ගැන වැඩි විස්තර පස්සේ දවසක කතා කරමු. 
 
ආරියවංශ කුලතිලක{jcomments on}

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 686

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1253

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1088

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 839

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5523

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3644

Please publish modules in offcanvas position.