Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

නිර්ධා උයන්හේවා කියන ඇය මේ දිනවල අපට හමුවන්නේ නෙතූ ටෙලි නාට්‍යයේ ප්‍රින්සි විදියටයි. නව යොවුන් නළු නිළියන්ගේ මව විදියට ටෙලි නාට්‍ය රැසකින් අප හමුවට පැමිණියත් නිර්ධා තවමත් සුන්දර රූ සපුවක හිමිකාරියක්. ඒ හින්දම අපි මුලින්ම ඇගෙන් ඇහුවේ තරුණකමේ රහස පිළිබඳවයි.
මම අවුරුදු 18ක් අඛණ්ඩව ජිම් යන කෙනෙක්. ඒත් මගේ කාර්යබහුලකමත් එක්ක පසුගිය කාලයේ ව්‍යායාම් කරන්න බැරිවෙලා කිලෝ 8කින් මගේ බර වැඩිවුණා. ඒ නිසා ආයෙමත් ජිම් යන්න ඕනේ. හැබැයි මම ගොඩක් කෙට්ටු වෙන්න කැමති නැහැ. මට ස්වභාවයෙන් තියෙන්නේ මහත ශරීරයක් හින්දා ගොඩක් කෙට්ටු වුණොත් මාව කැත වෙනවා..
හැත්තෑව දශකයේ බිහිවූ නළු නිළියෝ වයස තිස් හතළිස් ගණන්වලදීත් තිරයේ පෙම් රැඟුම් පෑවා. ඒත් ටෙලි නාට්‍ය නළු නිළියන්ට බොහොම ඉක්මනින් මව් පියන් වෙන්න සිදු වුණා. නිර්ධා ඒ ගැන දරන්නේ මේ විදියේ අදහසක්.
ඇත්තටම අම්මලාගේ චරිත රඟපාන්න ඉන්න නිළියන්ගේ අවස්ථා අහිමි වෙලා ඒ අයට අසාධාරණයක් වුණා. අපේ පෙනුම නිසි ආකාරයට මතු කරන්න බැරි වීමෙන් අපිටත් අසාධාරණයක් වුණා. ඒත් ඉතින් අද තත්ත්වය හැත්තෑව දශකයට වඩා වෙනස්. අද වයස 20 - 22 නළු නිළියෝ විශාල ප්‍රමාණයක් රංගනයට එනවා. ඉතින් ඒ අය පෙම්වතුන් වෙද්දී මම වගේම මගේ වයසේ අනිත් නිළියන්ට අම්මලා වෙන්න සිදුවනවා. මීට අවුරුදු 8කට කලින් විකාශය වූ දේදුණු පාලම ටෙලි නාට්‍යයේ ඩග්ලස් රණසිංහගේ පෙම්වතිය වුණාට, ඊට පස්සේ මට දිගටම අලුත් නළු නිළියන්ගේ අම්මා වෙන්න සිදු වුණා. චන්ද්‍රරත්න මාපිටිගම අධ්‍යක්ෂණය කළ තවමත් නමක් යොදා නැති අළුත් ටෙලි නාට්‍යයේ මම විශ්වගේ පෙම්වතිය වුණා. විශ්වගේ අම්මගේ චරිතය රඟපාලා විශ්වගේ පෙම්වතිය විදියට රඟපාන්න මම මුලදී මැළිවුණා. ඒත් මේක තරුණ පිරිමියෙකුට ආදරේ කරන වයසින් වැඩි කාන්තාවකගේ චරිතයක්. ඒ හින්දා භාර ගත්තා..
ජනප්‍රිය තාරකාවන්ගේ පෞද්ගලික තොරතුරු දැනගන්න රසිකයන් කැමති හින්දා අපි නිර්ධාගේ පෞද්ගලික තොරතුරු ගැනත් විමසා සිටියා.
මම ආදරය කරලා තියෙනවා. ආදරයේ දුක විඳලා ජීවිතේ හැල හැප්පීම්වලට ලක්වෙලත් තියෙනවා. අද මම තනිකඩ ජීවිතයක් ගෙවන්නේ. මට ඇත්තටම ආදරය කරන කෙනෙක් හමුවන තුරු මේ හුදකලාව තුළම මම ජීවත් වෙනවා.
 
චන්ද්‍රලතා තන්ත්‍රීගේ 
 
ඡායාරූපය - මංජුල පෙරේරා 
හැඩගැන්වීම - රුචිරා ලියනගමගේ  Salon Ruchira, Battaramulla

ශෂි ඇංජලීනා කියන්නේ ශ්‍රී ලංකාවේ වැඩිම ගීත රූප රචනා ප්‍රමාණයක රඟපෑ නිළියද?
මම මේ වෙද්දී ගීත රූප රචනා 151 රඟපාලා තියෙනවා. Music Video සම්බන්ධව කතා කරන අවස්ථාවලයි, මම ගැන කතා කරන අවස්ථාවලදීයි ලංකාවේ වැඩිම ගීත රූප රචනාවල රඟපෑ නිළිය කියලා තමයි මාව හඳුන්වන්නේ.
 
නිරුවත, අඩනිරුවත හෝ සරාගී දර්ශන ඇතුළත් Music Video වලට ශෂී දායක වෙලා තියෙනවාද?
සාමාන්‍ය ජීවිතයේදී මම බටහිර විලාසිතා අනුගමනය කරනවා. කොටට අඳිනවා. Music Video වලටත් ඒ විදියට අඳිනවා. හැබැයි ඔය කියපු විදියේ දර්ශනවලට නම් පෙනී ඉඳලාම නැහැ.
 
අද වෙද්දී සරාගී දර්ශන Music Video වලට ඇතුළත් කිරීම රැල්ලක් වේගෙන එනවා. ශෂී ඒ ගැන මොකද කියන්නේ?
Youtube වල දෙස් විදෙස් Music Video අති විශාල ප්‍රමාණයක් සැරිසරනවා. ඔය අතරින් බහුලව තියෙන්නේ ලිංගිකත්වය මතු කරන ඒවා. අදාළ කතාවට අනුව කලාත්මකව එය මතුකළාට වරදක් නැහැ. 
 
එවැනි නිර්මාණයකට ආරාධනා ලැබුණොත් ශෂී රඟපානවාද? 
නැහැ 
 
එහෙනම් නිර්මාණයට අනුව එවැනි දර්ශන ඇතුළත් කිරීම වැරදි නැහැ කියා ඔබ කිව්වේ?
නිර්මාණයට අනුව එවැනි දර්ශන ඇතුළත් කිරීම වැරදි නැහැ. ඒත් Music Video එකක හෝ උසස් සිනමා නිර්මාණයක හෝ කවර නිර්මාණයක හෝ එවැනි දර්ශනවලට මම යන්නේ නැහැ. එය මගේ පෞද්ගලික ප්‍රතිපත්තියක්.
 
ශෂී ගීත රූප රචනා සඳහාම බිහිවූ ශිල්පිනියක්ද?
නැහැ. මම වසර ගණනක් ‘දෙරණ’ නාලිකාවේ නිවේදිකාවක් විදිහට කටයුතු කළා. දැන් ‘සියත’ රූපවාහිනියේ නිවේදිකාවක් විදියට කටයුතු කරනවා. මේ වෙද්දී ටෙලි නාට්‍යය 4ක රඟපාලා තියෙනවා. සිනමාව තුළ නම් චිත්‍රපට දෙකක විතරයි රඟපාලා තියෙන්නේ.
 
ඊට හේතුව එවැනි අවස්ථා අඩුවෙන් ලැබෙන නිසාද?
(හිනැහී) අවස්ථා ලැබෙනවා. ඒත් හොඳ අවස්ථා ලැබෙන්නේ අඩුවෙන්.
 
ඒ කිව්වේ?
රඟපෑ චිත්‍රපට ප්‍රමාණය 2ක් වුණාට මේ වෙද්දී මම චිත්‍රපට 6ක් ප්‍රතික්‍ෂේප කරලා තියෙනවා. ඒ චිත්‍රපට හයේම අධ්‍යක්ෂවරු මට ලිංගික යෝජනා ගෙන ආවා. ඒ හින්දයි ඒ අවස්ථා ප්‍රතික්‍ෂේප කළේ.
 
ඒ කියන්නේ නවක නිළියන්ට ඒ වගේ සිදුවීම්වලට මුහුණ දෙන්න සිදු වෙනවා?
අනිත් අය ගැන නම් මම දන්නේ නැහැ. හැබැයි ඒ අධ්‍යක්ෂවරු 6 දෙනාම මට කිව්වේ නිළියක් වෙන්න නම් ඒ විදියේ කැපකිරීමක් කරන්න ඕනේ කියන එක. ඒ අතරින් පස්දෙනෙකුට මම කෙළින්ම විරෝධය එල්ල කළා. එක්කෙනෙකුට තදින් කතා කරලා බනින්නත් සිදුවුණා.
 
ඒ අය ක්‍ෂේත්‍රයේ නමක් ඇති අයද? 
ඔව්, නවක අය වගේම ප්‍රවීණ අධ්‍යක්ෂවරුත් එතැන හිටියා. 
 
ශෂීගේ පෞද්ගලික තොරතුරු මොනවාද?
මම බණ්ඩාරවෙල දියතලාවේ. දැන් නම් පදිංචිය කොළඹ. මම වෙනත් වෘත්තියක් කරන්නේ නැහැ. රඟපෑම හා නිවේදනය විතරයි කරන්නේ.
 
ආදරය ගැන කියන්න කැමති නැද්ද?
ආදරය ගැන කියන්න විශේෂ දෙයක් නෑ. අම්මයි, මල්ලියි, මමයි ආදරෙන් ජීවත් වෙනවා.
 
ආරියවංශ කුලතිලක

මුලින්ම කියන්නකෝ රුක්ෂානා දිසානායක කියන්නේ මොන වගේ කෙනෙක්ද කියලා?
හැමෝම එක්ක සතුටින් ජීවත් වෙන්න කැමති හරිම සැහැල්ලු චරිතයක්.
 
මේ දවස්වල මොනවගේ කලා කටයුතුවලද නිරත වෙලා ඉන්නේ ? 
තුරුම්පු ආසියා, සසර සේයා, විමංසා ඒ වගේම මෙඩි සිනාහි රූපගත කිරීම්වලට සම්බන්ධ වෙලා ඉන්නවා.
 
රඟපෑමට එකතු වෙන්න කොහොමද ඔබට අවස්ථාව ලැබුණේ ?
නිල්වලා නිෂ්පාදන ආයතනයේ උපුල් ජයසිංහ මහතා මගේ ළඟම හිතවතෙක්. ඒ මහතාගේ උතුම් පැතුම් හරහා තමයි මුලින්ම කලාවට අත්‍පොත් තැබුවේ. 
 
රුක්ෂානාගේ පෞද්ගලික ජීවිතයේ තොරතුරු දැනගන්නත් ආදරණීය ප්‍රේක්ෂකයෝ කැමති වෙයි.
අම්මයි, තාත්තයි, මල්ලියි මගේ පවු‍ලේ ඉන්නේ. මම සෞන්දර්ය කලා විශ්වවිද්‍යාලයේ නර්තන උපාධිධාරිනියක්. මේ වෙනකොට නර්තන ගුරුවරියක් විදියට කටයුතු කරනවා. ඒ වගේම මට නර්තන කණ්ඩායමකුත් තිබෙනවා.
 
රුක්ෂානා පෙම්වතියක් බව නම් ක්ෂේත්‍රයේ ප්‍රසිද්ධයි ?
ඔව්. මගේ වැඩකටයුතුවලට එයා විශාල සහයෝගයක් ලබා දෙනවා. 
 
කවදා හරි දවසක ඔබේ පෙම්වතා ඔබට රඟපාන්න එපා කීවොත්..
අනිවාර්යයෙන්ම මම රඟපෑමෙන් අයින් වෙනවා. ඒත් එයා කවදාවත් මට එහෙම බලපෑම් කරන්නේ නෑ කියලා මට විශ්වාසයි. මොකද එයත් මේ ක්ෂේත්‍රයට සම්බන්ධ කෙනෙක් නිසා.
 
සමහරු කියනවා රුක්ෂානායි රුවංගි රත්නායකයි එක වගේමයි කියලා ?
රුවංගි අක්කයි මමයි එකවගේ කියලා ගොඩක් දෙනා කියනවා. ඒත් මම රුවංගි අක්කාට වඩා ශරීරයෙන් ‍පොඩියි. ඒත් සමහරු මගේ ෆොටෝස්වලටත් කමෙන්ට් දානවා රුවංගි කියලා හිතාගෙන. මගතොට යනකොටත් මට 'රුවංගි' කියලා සමහරු කතා කරනවා.
 
රුක්ෂානා හිතනවද ඔබ කරන විකට රංගනවලට ප්‍රේක්ෂකයන්ට හිනා යනවා කියලා.
මෙඩිසිනා නිසා වෙන්න ඇති ඔය කතාව මගෙන් ඇහුවේ. ඇත්තටම ඔහොම අහනකොට මට නම් හිනා යනවා. ඒත් ප්‍රේක්ෂකයන්ට හිනා යනවාද කියලා නම් මම දන්නේ නැහැ. මෙඩිසිනා නිසා මට තවත් හාස්‍ය නිර්මාණවලට ආරාධනා ලැබුණා. නමුත් මම හැම ආරාධනාවක්ම භාරගත්තේ නැහැ. මොකද මම බයයි මම හාස්‍යජනක රංගන ශිල්පිනියක් විදියට කොටුවෙයි කියලා.
 
සමන්මලී නැලිගම

දුලානි අනුරාධා කියන රටම දන්නා ජනප්‍රිය නිළිය සතුට හා දුක විග්‍රහ කරන හැටි දැන ගන්නයි අපි මුලින්ම කැමති ?
ජීවිතය ජීවත් කරවන්නට මතක් කරමින් ධනාත්මක සිතුවිලි ඇතිකරන අත්දැකීම් තුළින් ලබන හැඟීම තමයි සතුට කියන්නේ. දුක කියන්නේ ජීවිතය ජීවත් කරවන්නට පාඩම් උගන්වන ධනාත්මක අත්දැකීම් නිසා ඇතිකරන හැඟීමටයි.
 
එතකොට ඔබ ජීවිතයේ අත්විඳි ලොකුම සතුට හා දුක මොකක්ද?
අබා චිත්‍රපටයට මා තෝරාගත් අවස්ථාව තමයි සතුටුම අවස්ථාව. ලොකුම දුක මම හිතන්නේ මම තවම අත් විඳිලා නැහැ.
 
කලාකාරියක් විදියට ඔබ විඳපු ලොකුම සතුට හා දුක මතකද?
අබා චිත්‍රපටයට හොඳම නිළිය විදියට සම්මාන හිමි වූ මොහොතේ විශාල සතුටක් දැනුණා. සමහර සිනමා සම්මාන උළෙලවල ඇගයීම් ලබලා එම වසරේම පැවති වෙනත් සම්මාන උළෙලවලදී නිර්දේශයට හෝ ලක් නොවුණු අවස්ථා තමයි කලාකාරියක් විදියට මම විඳපු ලොකුම දුක. 
 
ඔබට ආදරය දුකක්ද සතුටක්ද?
සතුටේ උපරිමය වගේම දුකේ උපරිමයත් ආදරය තමයි.
 
වැඩියෙන්ම සතුට තියෙන්නේ විවාහ ජීවිතය තුළද තනිකඩ ජීවිතය තුළද?
තනිකඩ ජීවිතය සුන්දරයි. සැහැල්ලුයි. ඒත් විවාහ ජීවිතය තුළ ජීවිතය බෙදාගන්න පුළුවන්. අසාර්ථක විවාහ ජීවිත වගේම, සාර්ථක විවාහ ජීවිතත් මම දැකලා තියෙනවා. මට හිතෙනවා ආදරයෙන් පිරුණු හොඳ විවාහ ජීවිතයක් වඩා සුන්දර ඇති.
 
එහෙනම් දුලානිට මේ ගෙවන තනිකඩ ජිවිතය දරාගන්න බැරි තරම් දුකක් ඇති ?
එහෙම දරාගන්න බැරි තරම් දුකක් නම් නැහැ. ඒත් පාළුවක්, තනිකමක් දැනුණම ජීවිතේ ළඟ කවුරු හරි හිටියා නම් හොඳයි කියලා හිතෙනවා. ඒ වෙලාවට පුංචි දුකක් දැනෙනවා. මම හිතන්නේ ඒ දුක තනිකඩව ඉන්නා හැම කාන්තාවකටම දැනෙනවා ඇති.
 
විවාහ වෙලා ඒ ජීවිතයේ සතුට විඳින්න ඇයි ඔබ තවමත් පමා කරන්නේ ?
විවාහ වුණා කියලා හැම දෙයක්ම සතුටුදායක වෙන්නේ නැහැ. සුදුසු කෙනා හමුවෙලා ගැළපීම මත සිදුවන විවාහය තමයි සතුටින් පිරුණු විවාහයක් වන්නේ. සුදුසු කෙනා හමුවූ දාට මගේ විවාහයත් සිදුවේවි.
 
වෙනත් කෙනෙක් හින්දා දුලානි සතුටු වූ අවස්ථා වගේම දුක් වූ අවස්ථාත් ඇති ?
මගේ අයියා මම පිළිවෙළක් වෙනතුරු විවාහ වෙන්නෑ කියන මතයේ හිටියා. පසුව ඔහු විවාහ වුණේ නිසි වයසත් පහු කරලා. එදා අයියගේ ජීවිතේ අලුතින් පටන් ගත්ත හැටි දැක්කම මට ලොකු සතුටක් දැනුණා. වෙනත් අය හින්දා දුක්වූ අවස්ථා නම් ගොඩක් තියෙනවා. මම හරි සංවේදියි. හඳුනන නාඳුනන කාට හරි දුකක් වුණොත් මගේ හිතත් උණු වෙනවා.
 
දුලානි හින්දා වෙන අය සතුටු වූ අවස්ථා වගේම දුක් වූ අවස්ථාත් ඇති ?
මගෙ ජයග්‍රහණයන් දැකලා මගේ ගෙදර අය නිතරම සතටු වෙනවා. මං හින්දා වෙන කෙනෙක් දුක් වූ අවස්ථා ගැන සිහිපත් කරද්දී නම් මතක් වෙන්නේ පාසල් කා‍ලේ සිදුවීමක්. එක්තරා පිරිමි ළමයෙක් මට තදින්ම ආදරය කළා. යාළුවන්ගේ බලපෑම් හින්දයි ඒ වයසෙදී තියෙන විසෙයි හින්දා මමත් ඒ ළමයට බොරුවට ආදර හසුන් ලියලා එයාව රැවැට්ටුවා. අන්තිමට මං පෙන්නුවේ බොරු ආදරයක් කියලා එයාට තේරුණා. ඒ සිද්ධියෙන් එයාගේ ජීවිතේ අන්තයටම වැටුණා. අද එයා කොහේ ඉන්නවද දන්නේ නෑ. ඒත් මම හින්දා වෙන කෙනෙකු ලොකු දුකක් වින්දා නම් ඒ තමයි එයා විඳපු දුක. 
 
අනාගතය ගැන හිතද්දී ඔබට දැනෙන්නේ සතුටක්ද දුකක්ද?
සතුටක්. මොකද කියනවා නම් මම ජීවිතය ගොඩ නඟාගත්තේ සැලසුම් සහගතවයි. ඒ හින්දා මගේ අනාගතය මට පැහැදිලියි. ඉතින් ඒ ගැන සතුටක් මිසක් දුකක් මට නැහැ. 
 
ආරියවංශ කුලතිලක

සිනමාවේ අග රැජින මාලිනී ෆොන්සේකා කලා ලොවට පරම්පරා දෙකක් දායාද කළා. මාලනීගේ නැගණියන් හැත්තෑව, අසූව දශකවල සිනමාවට අවතීර්ණ වූ අතර දෙවැනි පරපුරේ දියණියන් අද පුංචි තිරයේත් රිදී තිරයේත් දක්නට ලැබෙනවා. ඒ අතර සිටින එකම පිරිමි චරිතය වන්නේ මේ කතාබහට එක්වන අශාන් ෆොන්සේකායි. 
 
අශාන් කලාවට අත්‍පොත් තියපු හැටි ගැන මුලින් කතා කළොත්? 
මම ලොකු නැන්දි (මාලිනි ෆොන්සේකා) අධ්‍යක්ෂණය කළ “දියවර” ටෙලි නාට්‍යයට එකතු වුණේ 6 වසරේ ඉගෙන ගන්නා කාලෙදි. ජෙරොම් සිල්වාගේ “ආයෙමත් එන්නෑ” වේදිකා නාට්‍යයට එකතු වුණෙත් ඔය කා‍ලේ. ඒ නාට්‍යය 2002 අවුරුද්දේ රාජ්‍ය ළමා නාට්‍ය උළෙ‍ලේදී සම්මාන 12ක් දිනා ගත්තා. 
 
ඔබ පසු කලෙක නිවේදකයෙකු ලෙසත් කටයුතු කළා නේද? 
ඔව්. මමයි නටාෂා පෙරේරයි “සතුටු උයන” ළමා වැඩසටහන නිවේදනය කළා. 
 
තරුණ වයසට ආවට පස්සේ අශාන් රංගනයෙන් ඈත් වුණේ ඇයි? 
මම රංගනයෙන් ඈත් වුණේ නැහැ. මෝස්තර නිරූපණයට යොමු වුණා. “නිරූපණ ශිල්පියෙක්” විදියට ඉදිරියට යද්දී ශරීරය ඒ වෙනුවෙන් අවශ්‍ය විදියට හැඩ ගසා ගන්න වෙනවා. නිරූපණ ශිල්පය වෙනමම කලාවක්නේ. ඒ හින්දා තමයි රංගනයට තිබුණු කැපවීම අඩු වුණේ. ඒත් මම රංගනයෙන් දුරස් වෙලා නැහැ. 
 
තරුණ නළුවෙකු විදියට ඔබ දායක වූ නිර්මාණ ගැන කතා කළොත්? 
ක්‍රිස් ඇන්තනිගේ “බාඳුරා” චිත්‍රපටයට දායක වුණා. ඒක පැය හැටහයකදී නිමා කරලා කෙටිම කාලයක් තුළ නිර්මාණය කළ චිත්‍රපටය විදියට ගිනස් වාර්තාවට එක් කරන්න හදපු චිත්‍රපටයක්. ඊට අමතරව ගීත රූප රචනා 6ක් කළා. චූටි (බිලි ප්‍රනාන්දු) මගේ මිහිරාවියේ (ලහිරු සංකල්ප) දෙනෙතින් ගලනා (බුද්ධික පෙරේරා) කණු 3 (සංජීව සම්පත්ගේ ක්‍රිකට් ගීතය) තමයි ඒ. ඔබම පමණයි (ශෂිකලා ජයසේකර) කවිකාර (ඕෂනී ප්‍රනාන්දු) ගීත රූප රචනා දෙක ඉදිරියේ දැක ගන්නට ලැබේවි. 
 
නිරූපණ ශිල්පියෙකු විදියට අශාන් ජාත්‍යන්තර සම්මානයටත් පාත්‍ර වී තියෙනවා නේද? 
2016 දී රුසියාවේ පැවැත්වූ “Mister planet 2016” තරගයේදී “Best National Costume”ශූරතාව දිනා ගත්තේ මමයි.
 
ශ්‍රී ලංකාව වගේ රටක නිරූපණ ශිල්පියෙකු විදියට මතෛක් ආ ගමන ගැන සෑහීමකට පත්වෙනවාද? 
නිරූපණ ශිල්පය තුළ මගේ ගුරුතුමිය වාසනා දන්තනාරායන. ඉන් පසුව රොසෑන් ඩයස්, අර්ජුන, නිලූ යටතේ එය වැඩිදුර ප්‍රගුණ කළා. දැනට මම නිදහස් නිරූපණ ශිල්පියෙක් විදියට කටයුතු කරනවා. 
 
ලෝකයේ දියුණු රටවල් වගේ නොවෙයි. අපේ රටේ නිරූපණයට තිබෙන අවස්ථාව අඩුයි. ගෙවීම්වල වුණත් විශාල වෙනසක් තිබෙනවා. ඒ නිසාද ඔබ පූර්ණ කාලීනව නිරූපණ වෘත්තියේ නොයෙදෙන්නේ? 
ඔව්. මම දැනට රැකියාව කරන්නේ “අමරාන් තේ” ආයතනයේ Graphic designer කෙනෙක් විදියට. විවේකය යොදන්නේ නිරූපණ ශිල්පයටයි. 
 
විවේක කාලයේදීත් නිරූපණ ශිල්පයට මුල්තැන දීලා කටයුතු කරන එක ගැන ඔබේ නැන්දණිය මාලනී ෆොන්සේකා මොකද කියන්නේ? 
ලොකු නැන්දි නම් කැමති මම නළුවෙක් විදියට ඉදිරියට යනවාට. ඒත් මම තෝරා ගත්තු ක්ෂේ්ත්‍රය ගැන ලොකු නැන්දිගේ අකමැත්තක් නැහැ.
 
සිනමාවේ අග රැජින ලොකු නැන්දා වීම ගැන අශාන්ට මොකද හිතෙන්නේ? 
 මම පුංචිම කාලෙදිත් මට මතකයි අපේ පවු‍ලේ අය ලොකු නැන්දි ගැන කතා වෙනවා. ඇය සිනමාවේ ඉහළම තැන ඉන්නවා කියන ආඩම්බරය පුංචිම කාලෙදිත් මගේ හිතේ තිබුණා. මම ලොකු නැන්දිගේ කළු සුදු චිත්‍රපට බලලා තියෙනවා. “නිධානය””බඹරු ඇවිත්” “එයා දැන් ලොකු ළමයෙක්” “ආකාස කුසුම්” වැනි චිත්‍රපටවලට මම ගොඩක් ආසයි. හැත්තෑව දශකයේ ලොකු නැන්දි රඟපාපු චිත්‍රපට බලද්දී මට හිතෙනවා. ලංකාවේ බිහි වූ ලස්සනම නිළිය ලොකු නැන්දි කියලා. 
 
ආදරය විවාහය වගේ දේවල් ගැන කතා කරන්න කැමතිද? 
(හිනැහී) ආදරවන්තියක් ඉන්නවා. ඇය කලාවට සම්බන්ධ නැහැ. ඉදිරියේදී අපේ විවාහය සිදුවේවි. 
 
ආරියවංශ කුලතිලක

චන්න - උපුලී කිව්වාම මේ රටේ නොදන්නා කෙනෙක් නැහැ. මොවුන් දෙදෙනාම මේ රටේ සිටින දක්ෂ, ජනප්‍රිය නර්තනවේදීන් දෙ‍පොළක්. මේ අයගේ එකම ආදරණීය දියණිය තමයි අසේකා කියන්නේ. 
 
අසේකා විජේවර්ධන කියන ඔබව, තවත් කෙනෙකුට හඳුන්වා දෙන්න කීවොත් ඔබ කොහොමද එය කරන්නේ?
රටම ආදරය කන චන්න, උපුලි විජේවර්ධනගේ එකම දුව. ඒ වගේම වෘත්තීමය නර්තන ශිල්පිනියක්.
 
පුංචි කාලයේ පටන් ඔබ හීන දැක්කේ අම්මයි, තාත්තයි ගිය අඩි පාරේම යන්නද?
‍පොඩි කා‍ලේ මම හරිම ලැජ්ජයි. ඒ නිසා නටන්න ඉදිරිපත් වුණේම නැහැ. පුංචි කා‍ලේ මගේ හීනේ වුණේ ගුරුවරියක් වෙන්නයි.
 
ඉතින් අසේකා ගුරුවරියක් වෙන්න මවපු හීනේ සැබෑකරගන්න පුළුවන් වුණාද?
මගේ පුංචි කා‍ලේ හීනේ වගේම නර්තනයට මේ වෙනකොට තිබෙන ලැඳියාවත් එක්කම මට පුළුවන් වුණා නර්තන ගුරුවරියක් වෙන්න. චන්න, උපුලි නර්තන පාස‍ලේ මේ වන විට මම නර්තනය උගන්වනවා.
 
ප්‍රවීණ නර්තන ශිල්පි යුවළගේ දුව වීම නිසා නේද ඔබට ඔය කියන හැමදේම ලැබුණේ?
ඒක වෙන්න පුළුවන්. මාව ජනප්‍රිය වෙන්න මගේ අම්මා සහ තාත්තා හේතුවක් වුණා. ඒ වුණත් මම මේ ඉන්න තැනට එන්න ගොඩක් කැපකිරීම් කළා. සමහර වෙලාවට අනිත් ළමයි සෙල්ලම් කරන්න ගන්න කාලය මම නටන්න යොදා ගත්තා. කොහොම නමුත් මගේ සාර්ථකත්වය මගේ දෙමාපියෝ.
 
අසේකාට පියාගේ නර්තන කණ්ඩායමේ මුල්තැන හිමිවිය යුතුයි කියලා හිතෙනවද?
කොහෙත්ම නැහැ. මට හිමිවිය යුත්තේ සම තැන.මම චන්න විජේවර්ධනගේ දුව වුණා කියලා හැමදේටම පෙරමුණ ගන්න ඕනේ කියලා නියමයක් නැහැ. මට වඩා දක්ෂ අය මුල් තැනට එන්න ඕනේ.
 
එයා චන්න සර්ගේ දුවනේ... ඉතින් හැම නැටුමකම එයා ඉන්නවාමනේ.... මේ වගේ චෝදනා අනෙක් සහෝදර නර්තන ශිල්පීන්ගෙන් ඔබට එල්ල වන්නේ නැද්ද?
අපේ නර්තන කණ්ඩායම හරියට එකම පවුලක් වගේ. ඒ නිසා එයාලා කවදාවත් එහෙම චෝදනා කරන එකක් නැහැ. අනිත් එක එයාලට එහෙම හිතෙන එකතුත් නැහැ. මොකද ඒ හැමෝම වැඩි හරියක් ඉන්නේ අපේ ගෙදර. මගේ දෙමාපියන්ටත් මම වගේම තමයි අනිත් අයත්. කිසිම වෙනසක් නැහැ. ඒ නිසා තමයි කියන්නේ චන්න උපුලිට ළමයි ගොඩක් ඉන්නවා කියලා. 
ආදරය, විවාහය ගැන ගෙදර අය මොකද කියන්නේ?
අම්මයි තාත්තයි ඒ ගැන මාත් එක්ක විවෘතව කතා කරනවා. ඒ නිසාම විවාහ යෝජනාත් එනවා. ඒත් මම තාම විවාහය ගැන බරපතළ විදිහට හිතලා නැහැ. ඒත් මට දැන් අවුරුදු 25ක් නිසා අම්මයි තාත්තයි කියනවා විවාහය ගැන මීට වඩා ටිකක් හිතලා බලන්න කියලා. සමහරු අහනවා පෙම්වතෙක් ඉන්නවාද කියලා. ඇත්තම කිව්වොත් මට තාම පෙම්වතෙක් නැහැ.
 
අනාගත සහකරු මෙහෙම වෙන්න ඕනෑ කියන අදහස ගැන නම් අසේකා හිතලා ඇති නේද?
මගේ අනාගත සහකරු විශේෂයෙන් මම කරන කලාවට ආදරය කරන කෙනෙක් වෙන්න ඕනේ. ඒ වගේම මම කරන දේට අත්වැලක් වෙන්න ඕනේ. මොකද සමහරු මුලදී කලාකාරියන්ට කැමති වෙලා පස්සේ කලාවට යන්න එපා කියලා නීති දානවා. ඒ නිසා මගේ සහකරු කලාවට ලැදි කෙනෙක් වෙන්නම ඕනේ. ඒ වගේම මගේ අම්මටයි, තාත්තටයි ගරු කරන, ආදරය කරන කෙනෙක් වෙන්නත් ඕනේ. එහෙම කෙනෙක් ලැබුණොත් මමත් ආදරය, විවාහය ගැන සලකා බලනවා.
 
ඉතින් අසේකා විජේවර්ධන කියන දක්ෂ නර්තන ශිල්පිනියට රංගන ශිල්පිනියක් වෙන්න අවස්ථාවක් ලැබුණොත්?
අනිවාර්යෙන්ම ඒ අවස්ථාව මම ලබා ගන්නවා. මට රඟපාන්න ආරාධනා ලැබුණා. නමුත් ඉගෙනීමේ වැඩකටයුතු එක්ක මට ඒ ආරාධනා බාරගන්න බැරි වුණා.
 
අසේකා මතෛක් ඔබ ආපු ගමන් මගේ ලබපු ඉහළම ජයග්‍රහණය මොකක්ද?
අපේ නර්තන කණ්ඩායම 2011දී බර්ලින් නුවර කානිවල් ඔෆ් කල්චර්ස් තරගාවලියේ විදේශ රටවල නර්තන කණ්ඩායම් අනූනවයක් අතරින් පළවෙනියා වුණා. ඒක තමයි මගේ ජීවිතයේ ලබපු ලොකුම ජයග්‍රහණය.
 
සමන්මලී නැලිගම

Page 5 of 8

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 1842

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2172

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 4975

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 2968

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 1727

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 2602

Please publish modules in offcanvas position.

Web Analytics