Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

අංජලී පූර්ණිකා ලියනගේ කියන්නේ මේ දවස්වල ජනප්‍රිය චරිතයක්. ඊට හේතුව තමයි ඇය රංගනයෙන් දායකවන දෙවැනි ඉනිම සහ පැහැසරා කියන ටෙලිනාට්‍ය දෙකම මේ දවස්වල පුංචි තිරය ඔස්සේ විකාශය වීම. කොයිතරම් ජනප්‍රිය වුණත් අජංලී නම් කියන්නේ තමන් රංගනයට එකතු වන්නේ විනෝදාංශයක් විදියට විතරක් බවයි. අංජලී එහෙම කියන්නේ කුමන හේතුවක් නිසාද යන්නත් ඔබට මේ කතාබහේදී දැන කියාගන්න පුළුවන්.
 
අනූෂා කියන්නද, ශීලා කියන්නද එහෙම නැත්නම් අංජලී කියලාම ඔබට කතා කරන්නද?
කැමති නමක් කියන්න. හැබැයි මේ දවස්වල මට බොහෝ දෙනා අංජලී කියනවා අඩුයි. මොකද සමහරු දෙවැනි ඉනිම නිසා මට අනුෂා තියනවා. ඒ වගේම තවත් සමහරු පැහැසරා නිසා මට ශීලා කියනවා.
 
දවෛනි ඉනිමටයි, පැහැසරාටයි මේ දිනවල ලැබෙන ප්‍රතිචාර ගැන මොකද හිතන්නේ ?
එකවර ටෙලි නාට්‍ය දෙකකටම ඉහළම ප්‍රතිචාර ලැබෙනකොට දැනෙන්නේ පුදුමාකාර ආත්ම තෘප්තියක්. ක්ෂේත්‍රයේ බොහෝ අයත් ඒ චරිත දෙකින්ම මාව අගය කරනවා.
 
අංජලී මෙඩි සිනා ටෙලි නාට්‍යයේ පිළිගැනීමේ නිලධාරිනියගේ චරිතයෙන් ඉවත් වුණේ වෙන නිර්මාණයකට ආරාධනා ලැබුණ නිසාද?
කොහෙත්ම නැහැ. මොකද මම වැඩක් භාරගත්තොත් අතරමගදී තව වැඩක් තිබුණා කියලා ඒක අතරමග දාලා යන කෙනෙක් නමෛයි. කොහොම නමුත් මම මෙඩි සිනාහි චරිතය බොහොම ආසාවෙන්ම රඟපෑවේ. නමුත් සමහර අවස්ථාවලදී මට එතන වැඩ කරන්න බැහැ කියලා හිතුණ නිසා ඉතින් ඒ චරිතෙට සමු දුන්නා. අනික් කාරණය තමයි මම හාස්‍ය රංගන ශිල්පිනියක් ලෙස එක පැත්තකට පමණක් කොටු වෙන්නත් කැමති නැහැ.
 
අංජලීට රංගන ශිල්පිනියක් වෙන්න අවස්ථාව ලැබුණේ කොහොමද?
මම රංගන ශිල්පිනියක් වුණේ අහම්බෙන්. සුජීව ප්‍රසන්න ආරච්චිගේ බොඳ මීදුම් කියන ජනප්‍රිය නවකතාවේ මුල් කවරය නිරූපණය කළේ මමයි. ඉතිං මම නොසිතූ විදිහට මට ඒ හරහා බොහෝ ප්‍රතිචාර ලැබුණා. පස්සේ ඒ ප්‍රතිචාරත් එක්කම මට රංගන ශිල්පිනියක් වෙන්නත් අවස්ථාව ලැබුණා. සමහර විට මම එදා ඒ විදියට මුල් කවරයට පෙනී හිටියේ නැත්නම් මම අදටත් ව්‍යාපාරිකාවක් විතරක් වෙන්න ඉඩ තිබුණා. 
 
අජංලී ලියනගේ කියන්නේ සිනමාවටත් ප්‍රවේශ වුණ රංගන ශිල්පිනියක් කිව්වොත්..
ඔව්. මම දැනට චිත්‍රපට කිහිපයකටම රංගනයෙන් දායක වෙලා තියෙනවා. ‘ඇඩ්රස්නෑ’  සහ ‘ආදරණීය කතාවක්’ මම රංගනයෙන් දායක වුණු චිත්‍රපටවලින් තිරගත වුණ ඒවායි. ඒ වගේම ‘හීරෝ නීරෝ’ ‘ගෝත්‍රා’ කියන චිත්‍රපටවලිනුත් ඉදිරියේදී මාව දැකගන්න ලැබේවි.
 
අංජලී කියන්නේ වෘත්තීයමය රංගන ශිල්පිනියක්ද?
මම රංගනය සඳහා දායක වෙන්නේ විනෝදාංශයක් විදියට පමණයි. මගේ වෘත්තීය තමයි තේ වගාව. මම තේ වගාවට සම්බන්ධ වෙලා ව්‍යාපාරික කටයුතුවල නියෙළෙනවා.
 
අංජලී බොහෝ විට නිරූපණය කරන්නේ මුහුකුරා ගිය චරිත කිව්වොත් නිවැරදියි නේද?
ඇත්තෙන්ම ඔව්. මට ලැබෙන්නේම මගේ වයසට වඩා මුහුකුරා ගිය චරිත තමයි. මුල් කාලයේ නම් ‘හිම කඳුළු” කියන ටෙලි නාට්‍ය එහෙම පෙම්වතියගේ චරිතය සඳහා මට අවස්ථාව ලැබුණා. නමුත් දැන් මට ලැබෙන්නේම වැඩිහිටි චරිත. ඇත්තටම මම ගොඩක් කැමතියි යමක් කරන්න තිබෙන ඒ වගේ චරිත රඟපාන්න. එහිදී මම පෙම්වතිය වෙන්නත් සූදානම්, ඒ වගේම අම්මා වෙන්නත් සූදානම්.
 
ඔබ එකවර දායක වන්නේ නිර්මාණ කිහිපයකට පමණයි. ඒ ඔබගේ විශේෂ තෝරා ගැනීමක් නිසා කිව්වොත් හරිද?
ඔව්, ඒක මගෙන් බොහෝ දෙනා අහන ප්‍රශ්නයක්. මට එක දිගට ආරාධනා ලැබෙනවා. නමුත් මම මට යමක් කරන්න පුළුවන් චරිත විතරයි තෝරා ගන්නේ. මම නිර්මාණ කිහිපයක හිටියත්, ඒ හැම නිර්මාණයක්ම ප්‍රේෂකයන් අතරට යනවා. ඒ නිසා මම හිතනවා මම භාරගත්ත හැම චරිතයකටම සාධාරණයක් ඉටු කරනවා කියලා.
 
අංජලීගේ පෞද්ගලික ජීවිතය ගැන කතා කළොත් ?
මම විවාහකයි. මට පුංචි දුවෙක් ඉන්නවා. මගේ පුංචි පවුලත් එක්ක හරිම සතුටින් සහ සැහැල්ලුවෙන් කාලය ගත කරනවා.
 
සමන්මලී නැලිගම

පසුගිය ජූලි 23 වැනිදා ‘රිද්ම’ පුවත්පතේ පළවූ ශෂී ඇන්ජලීනාගේ ලිපිය අන්තර්ජාල වබේ අඩවිවලට උණුසුම් පුවතක් වුණා. රඟපෑමට ආරාධනා කළ අධ්‍යක්ෂවරු 6 දෙනකුම තමන්ගෙන් ලිංගික අල්ලස් ඉල්ලූ නිසා ඒ නිර්මාණ 6ම අතහැර දැමූ බවට ශෂී කළ ප්‍රකාශය තමයි මේ උණුසුම් පුවතට හේතු වුණේ. පුවත් ලිපිය පළවීමෙන් පසු ශෂීගෙනුත් බොහෝ අය සිදුවීම ගැන විමසා තිබුණා. ඒ ආන්දෝලනය තවත් උණුසුම් වුණේ පසුගියදා එළිදැකපු “හීන ගානේ” ගීත රූප රචනයේ ශෂී, අමිල කරුණානායක සමග පෙනී සිටි සරාගී දර්ශන පෙළ නිසයි. කොයිතරම් ඉහළ මිලක් ගෙව්වත් නිරුවත්, අඩ නිරුවත් හා සරාගී දර්ශනවලට පෙනී නොසිටින බවට පුවත්පතට ප්‍රකාශ කළ ශෂී මේ කරලා තියෙන්නේ මොනවද කියලා ඇතැමුන් විමසන්න පටන්ගත්තේ අන්තර්ජාල වබේ අඩවි ඒ ගැන කියා තිබූ දේවල් හින්දමයි.

ජූලි 23 වැනිදා ‘රිද්ම’ පුවත්පතට ශෂී කළ ප්‍රකාශය අද වනවිට අන්තර්ජාල වබේ අඩවිවලට උණුසුම් පුවතක් වෙලා.
පත්තරේ ලිපිය පළවීමත් එක්ක මටත් දුරකථන ඇමතුම් ගලාගෙන ආවා. හැමෝටම දැනගන්න අවශ්‍ය වෙලා තියෙන්නේ ඒ අධ්‍යක්ෂවරු කවුද කියන එකයි.

ඔබට ප්‍රතිචාර දැක්වූ අය මොන විදියේ අදහස්ද ඔබ වෙත දක්වා තිබුණේ?
ඒ විදියේ අයුතු යෝජනා කළ අධ්‍යක්ෂවරුන්ට කෙළින්ම උත්තර දීලා ඒ නිර්මාණවලින් ඉවත්වීම ගැන ගොඩක් අය මට ප්‍රශංසා කර තිබුණා. අධ්‍යක්ෂවරුන්ගේ නම් හෙළි නොකිරීම වැරදි බව තවත් අය කියා තිබුණා. ඒ විදියට නම් නොකියා හිටියම හොඳ අධ්‍යක්ෂවරුන්ටත් චෝදනා එල්ල වන්න පුළුවන් නේද කියලා සමහරු මගෙන් ඇහුවා.

ඒ ප්‍රශ්නය නම් සාධාරණයි නේද?
මම කිසිම තැනක සමස්ත අධ්‍යක්ෂවරුන්ට චෝදනා කළේ නැහැනේ. හොඳ අධ්‍යක්ෂවරු ඉන්නවා. මම කතා කළේ නරක අය ගැන. මම ඒ අයගේ නම් හෙළිදරව් නොකළට ඒ පුවත්පත් ලිපිය දැක්කම ඒ අයගේ හෘද සාක්ෂිය ඒ අයට අදාළ සිදුවීම මතක් කරලා දෙයිනේ. මට ඒ ඇති.

මේ විදියට දුරකථන ඇමතුම් දුන්නේ කලා ක්‍ෂේත්‍රයේ සිටින ශෂීගේ හිතවතුන්ද? නැත්නම් රසිකයන්ද?
කලා ලෝකයේ අය වගේම රසික පිරිසත් හිටියා. ඔය අතරේ නිර්නාමික දුරකථන ඇමතුම් කිහිපයකුත් ලැබුණා. ඒ නිර්නාමික ඇමතුම් දුන්න අය නම් දිගින් දිගටම ඇහුවේ ඒ අධ්‍යක්ෂවරුන්ගේ නම් මොනවද කියලා. ඒත් මම ඒ නම් හෙළි කළේ නැහැ. මේ විදියට අධ්‍යක්ෂවරුන්ට චෝදනා කළාම රඟපාන්න අවස්ථා අඩුවෙයි කියලා සමහරු කිව්වා. ඒත් පත්තරේට කරපු ප්‍රකාශය ගැන මම දුක්වන්නේ නැහැ. මොකද නිර්මාණයට මාව අත්‍යවශ්‍ය නම් කොහොමත් මාව ගන්නවා. අර විදියේ අදහස් ඇතුව නිර්මාණවලට මට කතාකරන අධ්‍යක්ෂවරු මේ ලිපිය දැක්කාම මට කතා නොකර ඉඳියි. ඒක මට ප්‍රශ්නයක් නැහැ.

ඉතා ඉහළ මිලක් දුන්නත් නිරුවත, අඩ නිරුවත හෝ සරාගී දර්ශන රඟපාන්නේ නැහැ කියලා කියපු ශෂීගේ ප්‍රතිපත්ති අද වෙනස් වෙලාද?
නැහැ වෙනස් වෙලත් නැහැ. වෙනස් වෙන්නෙත් නැහැ. පසුගිය මාස දෙකේ මට රඟපෑමට ආරාධනා ලැබුණේ අඩුවෙන්. ඊට හේතුව මගේ ඔය ප්‍රතිපත්තිය.

‘හීන ගානේ’ රූප රචනයේ ඔබ අමිල කරුණානායක එක්ක සරාගී දර්ශනවලට පෙනී සිටියාද?
එතැන දෙතොල් සිප ගැනීමක් තියා දෙතොල් ස්පර්ශ කිරීමක්වත් වුණේ නැහැ. අපි දෙන්නම හිටියේ ඇඳුම් ඇඳගෙන. කැමරා කෝණ මගින් තමයි සරාගී බව මතුකළේ. නරඹන්නන්ට එහි සරාගී බවක් දැනෙද්දී අපි ගැන වැරදි වැටහීමක්වත් ඇති වුණාද දන්නේ නැහැ. අන්තර්ජාල වබේඅඩවි එයට අනවශ්‍ය විදියට වැරදි අදහස් එකතු කරලා. ඒත් අමිලයි මමයි දෙන්නම කවදාවත් එවැනි දර්ශනවලට පෙනී ඉන්න අය නමෛයි.

ආරියවංශ කුලතිලක

මීට කලින් ටෙලි නාට්‍ය දෙකකටයි චිත්‍රපටයකටයි ආරාධනා ලැබුණා. ඒත් රඟපාන්න තිබුණු බය හින්දාම බෑ කිව්වා. මෙහෙම කියන දිනූෂා සිරිවර්ධන මේ දවස්වල ඔබට හමුවන්නේ ස්වාධීන රූපවාහිනියෙන් විකාශය වන නෙතූ ටෙලි නාට්‍ය හරහා. මියුසික් වීඩියෝවල රඟපෑවට ටෙලි නාට්‍යයක රඟපාන්න බයෙන් හිටපු දිනූෂාගේ බය තවමත් ඒ විදියටම තියෙනවාද කියලත් අපි ඇගෙන් ඇහුවා.
 
දිනූෂාගේ ප්‍රථම ටෙලි නාට්‍ය රංගනය නෙතූ වුණත් ඔබ මින් පෙරත් කලාවට සම්බන්ධ වී තියෙනවා. මම කියපු දේ හරිද? 
ඔව්. මම Music Video කීපයකට සම්බන්ධ වෙලා තියෙනවා. නිරූපිකාවක් විදියට මනාලියන්ගේ ප්‍රදර්ශන සඳහාත් සම්බන්ධ වෙනවා. 
 
ඒ හරහාද ටෙලි නාට්‍ය රංගන ශිල්පිණියක් වීමට ඔබට අවස්ථාව ලැබුණේ? 
මට මීට කලින් ටෙලි නාට්‍ය තුනකටයි චිත්‍රපට දෙකකටයි ආරාධනා ලැබි තිබුණා. ඒත් බාරගත්තේ නැහැ නෙතූ තමයි පළවෙනි නාට්‍යය. නෙතූ බාරගත්තාට පස්සේ තවත් ටෙලි නාට්‍යයකටයි චිත්‍රපටයකටයි ආරාධනා ලැබිලා තියෙනවා. 
 
ඇයි කලින් ආරාධනා ප්‍රතික්‍ෂේප කළේ? 
බයට, දෙබස් අමතක වෙයිද? වරදියිද? බැණුම් අහන්න වෙයිද? කියලා බය හිතුණා. Music Video කරද්දී ඒ ප්‍රශ්න නැහැනේ. ඒත් ශාන්ත සොයිසා මහතා වගේ කෙනෙකුගේ නිර්මාණයකට ආරාධනා ලැබුණාම බාරගන්න හිතුණා. මගේ දෙවැනි අක්කා තමයි මට කලාවට එන්න වගේම රඟපාන්න උනන්දු කළේ. එයා මෝස්තර නිරූපණ ශිල්පිනියක් විදියට වගේම ටෙලි නාට්‍යයක රඟපාලත් තියෙනවා. 
 
පවු‍ලේ තොරතුරුයි දිනූෂාගේ තොරතුරුයි දැන ගන්නත් අපගේ ආදරණීය රිද්ම පාඨකයෝ කැමති වෙයි? 
මම මහරගම. ඉගෙන ගත්තේ ශ්‍රී රේවත රාජකීය විදුහලින්. මට අක්කලා දෙන්නෙක් ඉන්නවා. ගෙදරින් මගේ කලා කටයුතුවලට උපරිම සහය ලැබෙනවා. 
 
රඟපාන්න බයෙන් හිටියා කිව්වනේ. නෙතූ රඟපාන්න ගියාම ඔය බය දැනුණේ නැද්ද? 
ඉස්සෙල්ලාම දවසේ ලොකු බයක් තිබුණා. නෙතු එයාගේ තාත්තා (ලාල් කුලරත්න) එක්ක කරන ජවනිකාවක් තමයි මුලින්ම රඟපාන්න තිබුණේ. ඒ ජවනිකාවේ මට තිබුණේ එක දෙබසයි. හොඳට පාඩම් කරලා  දෙබස් හරියට කියපු හින්දා ඊළඟ දර්ශනවලට බය නැතුව මූණ දෙන්න පුළුවන් වුණා. 
 
ඒ කියන්නේ දැන් ඒ බය නෑ?
දැනට නම් නෑ. ඒත් අලුත් ප්‍රඩක්ෂන් එකක වැඩ කරන්න යද්දී ඒ බය ඇති වෙයිද දන්නේ නෑ
 
රඟපාන අතරතුර අමතක නොවන අත්දැකීම්වලට මුහුණ දෙන්නත් ඇති නේද? 
එක ජවනිකාවක් තිබුණා. මම තේ එකක් බිබි කතා කරන ජවනිකාවක්. දැන් ඔන්න ජවනිකාව පටන් ගත්තා. මම පළවෙනි තේ උගුර බොනකොට උගුර හාරලා යනවා වගේ දැනුණා.  පණ බයේ ගැහි ගැහී රඟපාන මගේ තේ එකටත් කට්ටිය ලුණු දාලා. ඉතින් ඊට පස්සේ වෙච්ච දේ ගැන හිතා ගන්න පුළුවන්නේ.
 
දිනූෂා ටෙලි නාට්‍යවල රංගනයෙන් දායක වනවාට පෙම්වතාගේ විරෝධයක් නැද්ද? 
නැහැ. එයා තමයි මාව මේ නාට්‍යයටත් උනන්දු කළේ. 
 
එයත් නළුවෙක් නේද? 
තවම  Music Video වල විතරයි රඟපාලා තියෙන්නේ. 
 
ඒත් ආත්මා ලියනගේ හා රොමේෂ් සුගතපාලගේ Music Video වලින් ඔහු ජනප්‍රිය වුණානේ? 
එයා ගැන වැඩි විස්තර පස්සේ දවසක කතා කරමු. 
 
ආරියවංශ කුලතිලක

ඩෙංගු රෝගය වැළඳීමෙන් ජනප්‍රිය නිළි රිතූ ආකර්ෂා මියගිය බවට අසත්‍ය පුවතක් පසුගිය දිනවල අන්තර්ජාලය පුරා පැතිර ගියා. ඒ පිළිබඳ “ඇත්ත නැත්ත” බොහෝ දෙනෙක් අපගෙන්ද විමසා සිටියා. “රිතූ” වෙනදා වගේම බොහොම සතුටින් සැහැල්ලුවෙන් ඉන්නා බව කියන්නයි මෙදා අපි “සතුටයි දුකයි” විශේෂාංගයට ඇයව එක්කර ගත්තේ. 
 
සතුට හා දුක කෙටියෙන් නිර්වචනය කරන්න කියලා අපි ඔබට කියනවා. ඔබ කොහොමද එය කරන්නේ? 
සතුට කියන්නේ මුහුණට හිනාවක් අරගෙන එන දේට. එතකොට දුක කියන්නේ ඇහැට කඳුළක් රැගෙන එන දේට. 
 
කලාකාරියක විදියට ඔබ අත් විඳපු ලොකුම සතුට මතකද? 
සුමති සම්මාන උළෙ‍ලේදී ජනප්‍රිය නිළිය විදියට මගේ නම නිර්දේශ වූ අවස්ථාව. එදා ඒ සම්මානය මට හිමි වුණේ නැහැ. ඒත් නිර්දේශ වීමම මට කියාගන්න බැරි සතුටක් ඇති කළා. 
 
කලාකාරියක් විදියට ඔබ විඳපු ලොකුම දුක මොකක්ද? 
ජනප්‍රිය චරිතලට මඩ ගහන එක අද මෝස්තරයක් වෙලා. කිසිම හේතුවක් නැතුව කිසිම පදනමක් නැතුව මේ විදියට අසත්‍ය ප්‍රවෘත්ති පතුරවනවා. ඒ වගේ පතුරවන සමහර ප්‍රවෘත්ති මට හීනෙකින්වත් හිතාගන්න බැරි දේවල්. මම අද නිළියක් විදියට කටයුතු කළත් මමත් හැඟීම් දැනීම් තියෙන කෙල්ලෙක්. මා ගැන බොරු ප්‍රචාර ඔය විදිහට පතුරවන කොට මට මහා ලොකු දුකක් ඇතිවෙනවා. 
 
පෞද්ගලික ජීවිතේ ඔබ විඳපු ලොකුම දුක මොකක්ද? 
මගේ අයියා විදෙස් ගත වූ දවසේ ඇති වූ දුක.
 
එතකොට පෞද්ගලික ජීවිතේ ඔබ විඳපු ලොකුම සතුට? 
අයියා ආයෙමත් ලංකාවට ආපු දවසේ දැණුනු සතුට තමයි මම මගේ ජීවිතේ විඳි ලොකුම සතුට. 
 
ඔබට “ආදරය” සතුටක්ද? දුකක්ද? 
ආදරේ තුළ සතුට, සැනසීම, වගේම දුක වේදනාව කලකිරීම් මේ හැම දෙයක්ම තියෙනවා. මේ හැම දෙයක්ම මම අත්විඳලත් තියෙනවා. 
 
ඔබ හිතන විදියට වැඩිපුරම සතුට තියෙන්නේ තනිකඩ ජීවිතය තුළද විවාහ ජීවිතය තුළද? 
විවාහ ජීවිතේ සතුට හෝ දුක කියන්න මම විවාහ වෙලා නැහැනේ. විවාහකයන්ගේ ජීවිත දිහා බලලා තමයි මට තීරණය කරන්න වෙන්නේ විවාහ දිවිය කොහොමද කියන එක. ඒත් වෙනත් අයගේ ජීවිතවලට එබි බලන්න මට අයිතියක් නැහැනේ. ඒ හින්දා විවාහ ජීවිතේ ගැන නම් මට මහා විග්‍රහයක් කරන්න බැහැ. හැබැයි තනිකඩ ජීවිතේ ගැන නම් කියන්න පුළුවන්. 
 
එහෙනම් කියන්නකෝ තනිකඩ ජීවිතය සතුටක්ද දුකක්ද? 
තනිකඩ ජීවිතය තුළ තියෙන සතුට, සැනසීම, සැහැල්ලුව, විඳිනකොට හිතෙනවා තනිකඩ ජීවිතය කොයි තරම් සතුටක්ද කියලා. ඒත් තනිකඩ ජීවිතයේ තියෙන පාලුව හුදකලාව විඳින වෙලාවට හිතෙනවා ජීවිතේ තව කෙනෙක් එක්ක බෙදා ගන්න තිබුණා නම් කොච්චර හොඳද කියලා. 
 
ආදරේ හින්දා ඔබ විඳපු ලොකු සතුටයි, බරපතළම වේදනාවයි අපිට කියන්න? 
ආදරේ සම්බන්ධ කිසිම දෙයක් මාධ්‍යයට කියන්න මම කැමති නැහැ. අපේ නිළියෝ ගොඩක් ප්‍රශ්න දා ගත්තේ පෞද්ගලික දේවල් මාධ්‍යයට කියන්න ගිහින්. මම මීට පස්සේ මගේ පෞද්ගලික ජීවිතේට අදාළ කිසිම දෙයක් මාධ්‍යයට කියන්නේ නැහැ කියලයි හිතාගෙන ඉන්නේ. 
 
වෙනත් කෙනෙකු හින්දා “රිතූ” වඩාත්ම සතුටට පත්වූ අවස්ථා හා දුක් වූ අවස්ථා ඇති? 
රිතික් රෝෂන්ට සම්මානයක් ලැබුණත් විරාත් කෝලි ජයග්‍රහණයක් ලැබුවත් ඒක මට විශාල සතුටක්. ඒ අයට දුක්බර දෙයක් වුණාම ඒක මටත් විශාල දුකක්. 
 
“රිතූ හින්දා වෙනත් අය සතුටු වූ අවස්ථා වගේම දුක් වූ අවස්ථාත් ඇති........? 
ඒක මම දන්නේ නැහැ. 
 
අනාගතය ගැන හිතද්දී ඔබට දැනෙන්නේ සතුටක්ද? දුකක්ද? 
මේ විෂම සමාජයේ හමුවන මිනිස්සු දැක්කාම, ලෝකෙ සිද්ධ වෙන දේවල් දැක්කාම හෙට දවස කොයි වගේ වෙයිද කියලා කියන්න බැහැ. මගේ ජීවිතය වගේම අපි හැමෝගෙම ජීවිත ගැන මට හිතෙන්නේ එහෙමයි. ඉතින් ඒ වගේ පසුබිමක අනාගතය ගැන හිතන කොට මට නම් දැනෙන්නෙ මහා බයක්. 
 
ආරියවංශ කුලතිලක

සිරස  කුමරිය වෙලා ඒ ලැබුණු අවස්ථාවෙන් රංගනයේ දොරකවුළු  විවර කරගත් ශලනි මේ දවස්වල  කවිකාරියක් වෙලා කියන්නේ ඇත්තද?
මාව රංගන ශිල්පිනියක් විදියට හැමෝම හඳුනා ගත්තට ශලනි තාරකා කියන්නේ පුංචි කා‍ලේ ඉඳලම හොඳ කවිකාරියක් තමයි. ඒ තරමටම මම නිසදැස්, කවි ලියලා තියෙනවා. හැබැයි රඟපෑමත් එක්ක ටිකක් ලියන එක නතර වුණා. ඒත් මම විවේකයක් ලැබෙන හැම මොහොතකම කවියක් හරි ගීතයක් හරි ලියනවාමයි. 
 
එහෙනම් ඔබේ ආදරණීය  රසික රසිකාවියන්ට හා පුරා කියලා අලුතින් ලියපු ගීතය ගැනත් කියමුකෝ?
මම නිතරම  ලියපු පුංචි පුංචි කවි ෆේස්බුක් එකේ පළ කරනවා. ඉතින් මේ විදිහට මම ලියලා පළකරපු කවියක් දැකලා බොහෝ අය මට කිව්වා මේ කවිය ගීතයකට හොඳටම ගැළපෙනවා කියලා. පස්සේ මම ඒ කවිය ගීතයකට හැරෙව්වා. ඒ ගීතය ළඟඳීම මම එළිදක්වන්නයි කටයුතු සූදානම් කරලා තියෙන්නේ. 
 
ගීතයේ අදහස ගැන පුංචි ඉඟියක් අපි අපේ ආදරණීය පාඨකයන්ට දෙමු නේද?
“පෙති පුරා සුවඳ විහිදුණු අනන්තයේ යළි හමුවෙමු
මල් පුරා බඹරු පියඹුණු ඒ ලොවේ යළි හමුවෙමු....”
මේ විදියට තමයි ගීතය මගේ අතින්  ලියවුණේ. 
 
පදවැල් මුමුණනකොට නම් ශලනි ලියපු ගීතය ආදරයයි විරහවයි අතර අතරමංවුණු පෙම්වතුන් ගැන  ලියැවුණු ගීතයක් කියලයි අපිට නම් හිතෙන්නේ?
ඔව්, ගොඩක් ආදරේ කරන යුවළක් එක්වෙන්න බැරිව හමුවෙන්න කරන ප්‍රාර්ථනාවක් ගැන තමයි මේ ගීතයෙන් කියැවෙන්නේ.
 
ඇත්තටම මේ ගීතය ශලනිගේ ප්‍රාර්ථනාවක් වෙන්න බැරිද?
මේ ගීතය මගේ විතරක් නෙමේ, එක්වෙන්න බැරිව සිටින සැබෑ පෙම්වතුන්ගේම ප්‍රාර්ථනාවයි. ගීතය මගේ අතින් ලියවුණු නිසා එය මගේම අත්දැකීමක් නමෛයි කියලා කියන්න බෑනේ. මොකද අපි යමක් ලියන්නේ කියන්නේ අපිට තියෙන අත්දැකීමුත් එක්කනේ.
 
ඒ කියන්නේ ශලනිත් විරහව විඳින පෙම්වතියක්?
ආදරේ කරනකොට අපිට සමහර තැන්වල විරහව කියන දේ විඳින්නම වෙනවා. ඒ වගේම සමහර විට ඒ විරහව කෙටිකාලීන වෙන්නත් පුළුවන්. සමහරුන්ගේ විරහව සදාකාලික වෙන්නත් පුළුවන්. 
 
ඔය කියන විරහ වේදනාව හින්දමද නිරෝෂාට මහ රෑ කතා කරන්න හිතුවේ?
මම ගීතය ලියලා ඉවර වෙලා සංගීතවත් කරන්න ක්‍රිෂාන් පෙරේරාට භාර දුන්නා. ගයාන් ශ්‍රීමාල් කියන්නේ මගේ හොඳ යාළුවෙක්. ඒ වගේම එයා නිරෝෂා අක්කාගෙත් යාළුවෙක්. ඉතින් ගයාන් අයියා මට නිරෝෂා අක්කව සම්බන්ධ කරලා දුන්නා. පස්සේ මම නිරෝෂා අක්කට කතා කරලා කිව්වාම එයා මට ගීතය එවන්න කිව්වා. පස්සේ කියවලා බලලා නිරෝෂා අක්කා ඒ ගීතය ගායනා කරන්න කැමැත්ත පළ කළා. නිරෝෂා විරාජිනී වගේ ප්‍රවීණ දක්ෂ ගායිකාවක් මගේ පළවෙනි ගීතය ගායනා කරනවා කියන්නේ ඒක ඉතින් මගේ වාසනාව තමයි. මම ඉදිරියේදී හොඳ රූප රචනයකුත් එක්කයි ගීතය නිකුත් කරන්නේ. මගේ ප්‍රේක්ෂකයන්ට ආරාධනා කරනවා ගීතය අහලා මට හොඳ නරක කියන්න කියලා. 
 
ශලනි නිර්මාණ සඳහා අය කරන මුදල ගණන් වැඩියි කියලත් සමහරු කියනවා?
මම එහෙම හිතන්නේ නැහැ. මොකද මම ඉල්ලන්නේ සාධාරණ මුදලක් නිසා. අනෙක මම ඉල්ලන මුදල ලැබුණොත් විතරයි මම රඟපාන්නේ. මොකද අපිත් නිර්මාණයක් වෙනුවෙන් කැපකිරීමක් කරනවානේ. ඒ නිසා අපේ වටිනාකම ඉල්ලන්න අපිට අයිතියක් තියෙනවා. 
 
සමන්මලී නැලිගම

නිර්ධා උයන්හේවා කියන ඇය මේ දිනවල අපට හමුවන්නේ නෙතූ ටෙලි නාට්‍යයේ ප්‍රින්සි විදියටයි. නව යොවුන් නළු නිළියන්ගේ මව විදියට ටෙලි නාට්‍ය රැසකින් අප හමුවට පැමිණියත් නිර්ධා තවමත් සුන්දර රූ සපුවක හිමිකාරියක්. ඒ හින්දම අපි මුලින්ම ඇගෙන් ඇහුවේ තරුණකමේ රහස පිළිබඳවයි.
මම අවුරුදු 18ක් අඛණ්ඩව ජිම් යන කෙනෙක්. ඒත් මගේ කාර්යබහුලකමත් එක්ක පසුගිය කාලයේ ව්‍යායාම් කරන්න බැරිවෙලා කිලෝ 8කින් මගේ බර වැඩිවුණා. ඒ නිසා ආයෙමත් ජිම් යන්න ඕනේ. හැබැයි මම ගොඩක් කෙට්ටු වෙන්න කැමති නැහැ. මට ස්වභාවයෙන් තියෙන්නේ මහත ශරීරයක් හින්දා ගොඩක් කෙට්ටු වුණොත් මාව කැත වෙනවා..
හැත්තෑව දශකයේ බිහිවූ නළු නිළියෝ වයස තිස් හතළිස් ගණන්වලදීත් තිරයේ පෙම් රැඟුම් පෑවා. ඒත් ටෙලි නාට්‍ය නළු නිළියන්ට බොහොම ඉක්මනින් මව් පියන් වෙන්න සිදු වුණා. නිර්ධා ඒ ගැන දරන්නේ මේ විදියේ අදහසක්.
ඇත්තටම අම්මලාගේ චරිත රඟපාන්න ඉන්න නිළියන්ගේ අවස්ථා අහිමි වෙලා ඒ අයට අසාධාරණයක් වුණා. අපේ පෙනුම නිසි ආකාරයට මතු කරන්න බැරි වීමෙන් අපිටත් අසාධාරණයක් වුණා. ඒත් ඉතින් අද තත්ත්වය හැත්තෑව දශකයට වඩා වෙනස්. අද වයස 20 - 22 නළු නිළියෝ විශාල ප්‍රමාණයක් රංගනයට එනවා. ඉතින් ඒ අය පෙම්වතුන් වෙද්දී මම වගේම මගේ වයසේ අනිත් නිළියන්ට අම්මලා වෙන්න සිදුවනවා. මීට අවුරුදු 8කට කලින් විකාශය වූ දේදුණු පාලම ටෙලි නාට්‍යයේ ඩග්ලස් රණසිංහගේ පෙම්වතිය වුණාට, ඊට පස්සේ මට දිගටම අලුත් නළු නිළියන්ගේ අම්මා වෙන්න සිදු වුණා. චන්ද්‍රරත්න මාපිටිගම අධ්‍යක්ෂණය කළ තවමත් නමක් යොදා නැති අළුත් ටෙලි නාට්‍යයේ මම විශ්වගේ පෙම්වතිය වුණා. විශ්වගේ අම්මගේ චරිතය රඟපාලා විශ්වගේ පෙම්වතිය විදියට රඟපාන්න මම මුලදී මැළිවුණා. ඒත් මේක තරුණ පිරිමියෙකුට ආදරේ කරන වයසින් වැඩි කාන්තාවකගේ චරිතයක්. ඒ හින්දා භාර ගත්තා..
ජනප්‍රිය තාරකාවන්ගේ පෞද්ගලික තොරතුරු දැනගන්න රසිකයන් කැමති හින්දා අපි නිර්ධාගේ පෞද්ගලික තොරතුරු ගැනත් විමසා සිටියා.
මම ආදරය කරලා තියෙනවා. ආදරයේ දුක විඳලා ජීවිතේ හැල හැප්පීම්වලට ලක්වෙලත් තියෙනවා. අද මම තනිකඩ ජීවිතයක් ගෙවන්නේ. මට ඇත්තටම ආදරය කරන කෙනෙක් හමුවන තුරු මේ හුදකලාව තුළම මම ජීවත් වෙනවා.
 
චන්ද්‍රලතා තන්ත්‍රීගේ 
 
ඡායාරූපය - මංජුල පෙරේරා 
හැඩගැන්වීම - රුචිරා ලියනගමගේ  Salon Ruchira, Battaramulla
IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 2486

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1632

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 871

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1894

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5534

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3471

Please publish modules in offcanvas position.

Web Analytics