Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

අඛිලයි - සජිතයි දෙන්නම මේ වන විට පෙම්වතුන් බව කාටවත් රහසක් ‍නෙවෙයි. සජිත පසුගිය දවසක අලුත්ම ගීතයක් ගයලා, පෙම්වතියත් එක්ක ඒ ගීතයේ රූප රචනාවත් කරලා පෙම්වතිය රටටම හඳුන්වා දුන්නා. ඒත් අඛිල තවමත් තමන්ගේ පෙම්වතිය මාධ්‍යයට හඳුන්වා දෙන්න මැලිකමක් දක්වනවා. ඒ ඇයි කියලා අපි අඛිලගෙන්ම ඇහුවා. 

අඛිලගේ නෑනව නම් දැන් රටම හඳුනනවා? 
ඔව්. මල්ලි එයාගේ පෙම්වතිය එක්ක ගීත රූප රචනාවක් කළානේ. මේ දවස්වල හැමෝම කතා කරන්නේ ඒ ගැන තමා. 
 
ඒත් අඛිල තවමත් තමන්ගේ පෙම්වතිය වසන් කරනවා. ඇයි ඒ? 
කවුද එහෙම කියන්නේ. මම පෙම්වතෙක් බව හැමෝම දන්නවා. මම යන එන තැන ඇයව එකතු කරගෙන යනවා. 
 
ඒත් තමන්ගේ පෙම්වතිය මාධ්‍ය ඉදිරියට ගෙනත් හඳුන්වා දෙන්නේ නැහැනේ? 
මල්ලි ඒ දේ කළේ එයාගේ පෙම්වතිය එයත් එක්ක ඒ ගීත රූප රචනාවේ රඟපෑ හින්දා. ඒත් ඉතින් මගේ පෙම්වතිය රඟපාන්න එන්නේ නැහැනේ. ඉතින් මම කොයි විදියටද එයාව මාධ්‍ය ඉදිරියට අරගෙන එන්නේ. 
 
ජනප්‍රිය චරිතවල පෞද්ගලිකත්වය දැන ගන්න රසිකයන් කැමතියි. අඛිලගේ පෙම්වතියගේ විස්තර දැනගන්න ඔබේ රසිකයනුත් කැමති ඇති? 
පෞද්ගලිකත්වය අනවශ්‍ය විදියට හෙළි කරන්න ගිහින් මම බැට කාලා තියෙනවා. ගිනි පෙනෙල්ලෙන් බැට කාපු මිනිහා කණාමැදිරි එළියටත් බයයි කියනවනේ. 
 
ඔය කියන්නේ පෙම්වතිය මාධ්‍ය ඉදිරියට රැගෙන ඒම ගැනද? 
ඔව්. එක් වතාවක් මම එය කළා. පෙම්වතිය ගැන, ආදරය ගැන විවාහ වෙලා ගෙවන ජීවිතය ගැන පවා එළිපිට කතා කළා. ඒත් අන්තිමට ඒ දේවල් ඔක්කොම නැති වුණා. 
 
තවමත් ඒ අතීතය වෙනුවෙන් හඬා වැටෙනවාද? 
මට ගොඩක් ආදරේ කරන මාව හරියට තේරුම් ගත්තු පෙම්වතියක්් මගේ ජීවිතේ ළඟ ඉන්නවා. ඉතින් ඇයි මම අතීතය වෙනුවෙන් හඬා වැටෙන්නේ. 
 
කලා ලෝකයේ ඉන්න දෙන්නෙක් ළංවෙලා ඉඳලා වෙන් වුණත් කලා ලෝකය තුළ ඒ දෙන්නා හමුවන අවස්ථා තියෙනවා. ඔබේ අතීතයත් ඒ විදියට ඔබට හමුවනවා ඇති? 
එහෙම අවස්ථා තියෙනවා. ඒ වෙලාවට නාඳුනන දෙන්නෙක් වගේ ඉන්නවා. එච්චරයි. 
 
ටෙලි නාට්‍යයක හරි චිත්‍රපටයක හරි ඇය සමග රඟපාන්න වුණොත්? 
පෞද්ගලිකත්වයයි වෘත්තියයි මම කවදාවත් පටලවාගන්නේ නැහැ. 
 
අපි අතීතය අතීතයටම දීලා වර්තමානයට එමු. ආදරය හා විවාහය ගැන දැන් තියෙන සැලසුම් මොනවාද? 
කවදා හරි හොඳ සල්ලිකාරයෙක් වෙනවා කියන අදහස මට තිබුණේ කාලෙක ඉඳන්. මගේ පෙම්වතිය මගේ බිරිඳ වූ පසු ඇයට සතුටින් ජීවත් වෙන්න පසුබිම ගොඩනගන හැටි, දරුවන් ලබලා හොඳ පවුල් දිවියක් ගෙවන හැටි, ඔන්න ඔය වගේ බලා‍පොරොත්තු සැලසුම් ගොඩක් අද මට තියෙනවා. ඒ ගොඩක් සැලසුම් රැඳිලා තියෙන්නේ ආදරය හා පෙම්වතිය ගැන සිතුවිලි අතරෙයි.
 
ඔය විදියට සිතුවිලි අතරේම ඉන්නේ ළඟදීම විවාහ වෙන්න අදහසක් නැද්ද? 
(හිනැහී) තියෙනවා...... තියෙනවා.... මං හිතන විදියට තව වැඩි කාලයක් බලා ඉන්න වෙන එකක් නැහැ ඒකට. 
 
ආරියවංශ කුලතිලක
 
එක්වන්න අපගේ Facebook පිටුවට - www.facebook.com/lakbima.lk

ඇත්තද උපමාලි නිසා තරින්ද්‍රිටත් බොහෝ දෙනා ආදරේ කරනවා කියන්නේ ?
ඔව්, උපමාලි කියන චරිතේ නිසාම තරින්ද්‍රිට අම්මලා, දූවරු වගේම පිරිමි ළමයින්ගෙනුත් හොඳ ප්‍රතිචාර ලැබෙනවා. ඒත් උපමාලි තරම්ම තරින්ද්‍රි නම් අහිංසක නැහැ. තරින්ද්‍රි හරි දඟකාරයි. ඒ වුණත් උපමාලි වගේම තරින්ද්‍රිත් හරිම අවංකයි. 
 
උපමාලි දිල්මිණට මෙතරම් අකමැති ඇයි ? 
දිල්මිණ කියන්නේ හැමදේටම මිලක් නියම කරන කෙනෙක්. ඒ වගේම එයා හරිම ලෝභ කෙනෙක්. එහෙත් දිල්මිණ ඇත්තටම උපමාලිට ආදරෙයි කියලා දැනෙන අවස්ථාත් තියෙනවා. සමහරවිට දිල්මිණගේ ලෝභකම නැතිකරලා උපමාලි දිල්මිණට කැමති වෙන්නත් පුළුවන්. 
 
උපමාලිගේ අහිංසකකම් නිසාම තරින්ද්‍රිටත් ක්‍ෂේත්‍රයෙන්ම ආදර යෝජනා එනවා ඇති ?
ආදර යෝජනා නම් ගොඩක් ඇවිත් තියෙනවා. ඒත් මම තාම කාටවත් වචනයක් දීලා නැහැ. ඒ වගේම ඒ වගේ වචනයක් දෙන්න හිතලත් නැහැ. මම ප්‍රාර්ථනා කරන්නේ කලාව අතහරින්න කියන්නේ නැති මාව තේරුම් ගත් හොඳ කෙනෙක්. මට වත්‍පොහොසත්කම් අදාළ නැහැ.
 
තරින්ද්‍රිගේ පෞද්ගලික විස්තර ගැනත් කතා කළොත් ?
මමයි, තාත්තයි, අක්කයි මගේ පවු‍ලේ ඉන්නේ. මගේ අම්මා ජීවතුන් අතර නැහැ. ඒත් අම්මගේ ආශිර්වාදේ තමයි මගේ ලොකුම ශක්තිය. මගේ අක්කා විවාහ වෙලා ඉන්නේ මාධ්‍ය ක්‍ෂේත්‍රයට හා දේශපාලනයට සම්බන්ධ නිරෝෂන් ප්‍රේමරත්න සමගයි. 
 
සමන්මලී නැලිගම 
 
ඡායාරූප - මංජුල පෙරේරා

අපි ඔබට සකුන්තලා මැණිකේ කියන්නද..? එහෙමත් නැත්නම් ඉමායා ලියනගේ කියන්නද...?
සකුන්තලා මැණිකේ කිව්වත්, ඉමායා ලියනගේ කිව්වොත් ඒ නම් දෙකටම මම කැමතියි. මොකද ඒ දෙන්නම එක්කෙනෙක්නේ.
 
එතකොට සකුන්තලා මැණිකේ කියන්නේ සැබෑ ජීවිතේ ඉමායා ලියනගේමද?
මම සකුන්තලා මැණිකේ වෙන්නේ ‘මුතුකුඩ’ ටෙලි නාට්‍යයට විතරක් වුණාට. ඉමායා සැබෑ ජීවිතෙත් සකුන්තලාම තමයි. මොකද මම සකුන්තලා වගේ කෙළින් තීරණ ගන්නා කෙනෙක්. ඒ වගේම අවංකවම ආදරය කරන කෙනෙක්.
 
ඔබට ‘මුතුකුඩ’ සඳහා අවස්ථාව ලැබුණේ කොහොමද?
2014, මම මිස් ශ්‍රී ලංකා වුණාට පස්සේ මට ලැබුණු දෙවන අවස්ථාව තමයි ‘මුතුකුඩ’ කියන්නේ. කලාවට මම මුලින්ම පය තිබ්බේ ‘අංකල් සෑම්’ ටෙලි නාට්‍ය හරහා. ඒත් එක්කම තමයි මට ‘මුතුකුඩ’ සඳහාත් ආරාධනා ලැබුණේ. හැබැයි මේ වගේ සම්භාව්‍ය ගණයේ ගැඹුරු චරිතයකදී වචන භාවිත කළ යුතු පිළිවෙළක් තියෙනවානේ. මගේ භාෂා භාවිතය ගැන හිතුවම මට මුලදී බයත් හිතුණා. ඒත් දැන් ලැබෙන ප්‍රතිචාර දිහා බැලුවාම මම ඒ අභියෝගය ජය අරගෙන කියලා හිතෙනවා.
 
ඔබේ ඔය සාර්ථකත්වය නිසාද රිදී තිරයට පිවිසීමටත් ඔබට අවසථාව ලැබුණේ...
(සිනා) සාර්ථකත්වය විතරක් නමෛයි වාසනාවත් තිබුණා. ‘කුණාටුවේ මාරයා’ හි ‘නදී’ කියන සෙල්ලක්කාර චරිතයෙන් වගේම ‘‍පෝරිසාදයා’හි සශ්මිකා කියන අහිංසක යුවතියගේ චරිතයෙන් මා ළඟදීම ප්‍රේක්ෂකයන්    හමුවට එනවා. බොහෝ දුරට මේ චිත්‍රපට දෙකම මේ අවුරුද්දේ තිරගත වේවි. ආරාධනා ලැබුණු තවත් චිත්‍රපටයක වැඩ මේ අවුරුද්දේ පටන් ගන්නවා.
 
රංගන ක්ෂේත්‍රය තුළ ඔබට මොන වගේ ඉලක්කයක්ද තියෙන්නේ....
මට තිබෙන ලොකුම හීනය තමයි හොඳම නිළිය වීම. ජනප්‍රිය නිළිය වෙනවා කියන එක ධනය, බලය තියෙනවා නම් කරගන්න පුළුවන්, සාමාන්‍ය දෙයක් කියලයි මට හිතෙන්නේ. ඒත් හොඳම නිළිය කියන්නේ දක්ෂතාව මතම තීරණය වෙන දෙයක්. ඒ නිසා මගේ බලා‍පොරොත්තුව හොඳම නිළිය වීමම තමයි.
 
ඔබ හිතනවද ඒ අරමුණ ඉතා පහසුවෙන් ළඟා කරගන්න පුළුවන් වේවි කියලා. 
මම තවමත් කලාවට ආධුනික රංගන ශිල්පිනියක්. ඒ වගේම මම දැනට දායක වෙලා තිබෙන්නේ නිර්මාණ කිහිපයකට විතරයි. ඒත් මම රංගනය යෙදුනු හැම චරිතයක්ම එකිනෙකට වෙනස් වගේම යමක් කළ හැකි චරිත. ඒ හැම චරිතයකදීම මම ප්‍රවීණ ශිල්පීන් හා එක්ව කළ චරිත. මම ඔවුන් සමග කරට කර වැඩ කළා.  ඔවුන්ගෙන් බොහෝ දේ ඉගෙන ගත්තා. මම තවත් යන්න දිගු ගමනක් තියෙනවා. කලබලයක් නැතිව ඒ ගමන මම හෙමින් හෙමින් යනවා. 
 
ඔබ 2014 වසරේ මිස් ශ්‍රී ලංකා කිරුළ දිනාත්තා. ඒ වගේම මේ වන විට පැවැත්වෙන 2017 දෙරණ මිස් ශ්‍රී ලංකා තරගාවලියේ විනිසුරු මඩුල්ලත් නියෝජනය කරනවා. මෙවැනි තරගාවලි සඳහා ඉදිරිපත් වීමේ අඩුවක් ඇති බවට ඇතැමුන් කරන ප්‍රකාශයන්හි ඇත්තක් තිබෙනවාද?
ඔය කතාවේ ඇත්තක් තියෙනවා. 
තරගාවලියේදී බිකිනි අඳින්න තියෙනවා කියලා සමහර දක්ෂ තරුණියන් පවා මෙබඳු තරගවාලි සඳහා ඉදිරිපත් වෙන්න මැලිකමක් දක්වනවා. වැඩිහිටියන් පවා මේ වගේ තරග දිහා බලන්නේ වපර ඇසින්. නමුත් මේ හැම දේම තීරණය වෙන්නේ අපි ජීවත්වෙන විදිහත් එක්කයි.
අපිට කාටත් බිකිනිය අදින්න ඕනේ කියලා බලපෑම් කරන්න බැහැ. අනිත් එක බියුට් පැජන්ට් එකකදී ඒ වගේ ඇඳුමක් ඇන්දා කියලා ඒවා අනවශ්‍ය විදිහට ප්‍රචාරණය නොකරන්නත් සංවිධායකයන් වගබලා ගන්න ඕනේ. සමහරු ජනප්‍රිය වෙන්න කියලා හිතාගෙනත් මේ වගේ ඇඳුම් අඳිනවා. ඒත් අපි මතක තියාගන්න ඕනේ ජනප්‍රියත්වය කෙටි කාලීනයි කියලා. ඒ වගේම ගැහැනු ළමයෙකුගේ ආත්ම ගෞරවය දීර්ඝ කාලීනයි කියලා. 
 
ඉමායාගේ පෞද්ගලික තොරතුරු දැනගත්තත් පාඨකයෝ කැමති වෙයි.
මගේ අම්මා ඉන්නේ ඉතාලියේ, තාත්තා පුවත්පත් මාධ්‍ය ක්ෂේත්‍රයට සම්බන්ධයි. මට මල්ලී කෙනෙක් ඉන්නවා. ඒ වගේම ආදරණීය පෙම්වතෙකුත් ඉන්නවා. අපේ ආදරයට අවුරුදු 10ක් වෙනවා. 
 
සමන්මලී නැලිගම

ශ්‍රී ලාංකේය වේදිකාවේ එදා මෙදා තුර බිහි වූ නාට්‍ය  කරුවන් හා ඔවුන්ගෙන් සිදු වූ මෙහෙවර පිළිබඳ බොහෝ  කතිකා ගොඩනැගුණි. කෙසේ වෙතත් අප මේ කතා කරන නාට්‍යකරුවාට  නිසි ඇගයීිම ලැබි ඇතිදැයි සැක සහිතය. දශක තුනකට ආසන්න කාලයක් පුරා නාට්‍ය කලාව තුළ විවිධ  අත්හදා බැලීම් කරමින් නව  ඉසව් කරා යන්නටත් අපේ කලාව ජාත්‍යන්තරය හා  එක් කරන්නටත් ඇප කැප වී කටයුතු  කරන ඔහු හුදකලා අරගලයක  යෙදෙන්නෙකැයි කීවද වැරදි නැත. එම්. සෆීර් නම් ඔහු මේ දවස්වල තවත් සුවිශේෂ කටයුත්තකට දායක වී සිටියි. ඒ නවමු කටයුත්ත ගැන  මෙන්ම ඔහුගේ නාට්‍ය ජීවිතය  ගැනත් කතා කරන්නට අප එම්. සෆීර් කතාබහට එකතු කර ගත්තෙමු. 
 
නාට්‍ය කලාව තුළ බොහෝ අලුත් අත්හදාබැලීම් කළ  ඔබ නවතම කටයුත්තකට සූදානම් වෙනවා?
 මේ දිනවල මම මගේ දෙවැනි ජාත්‍යන්තර නාට්‍යයට සම්බන්ධවෙලා ඉන්නවා. ඒ තමයි ‘Swing of Love’  (ආදරණීය ඔංචිල්ලාව). එම නාට්‍යයේ ප්‍රධාන භූමිකාව රඟපාන්නේ ඉතාලි  ජාතික නාට්‍ය ශිල්පිනී ජුලියා ඉලිප්‍පො. මංජුල වෙඩිවර්ධන සිංහලෙන් රචනා කළ මෙම නාට්‍යය දිලීපන ඊරියවල විසින් ඉංග්‍රීසියට පරිවර්තනය කළා. මෙහි මංගල දර්ශනය නොවැම්බර් 01 වැනිදා ඉන්දියාවේ ‘පූනි අයියා’ හි වේදිකා ගතවනවා. දෙවැනි දර්ශනය කොරියාවේ ඩීයෝ ජාත්‍යන්තර රංගශාලාවේදී වේදිකා ගත වනවා. ඉන්පසු රටවල් 50ක මෙය වේදිකා ගතවීමට නියමිතයි.
 
දශක තුනකට ආසන්න නාට්‍ය ජීවිතය තුළ ඔබ අලුත් අත්හදා බැලීම් බොහෝමයක් කළා?
මම ක්‍ෂේත්‍රයට  පැමිණි මුල් කාලයේදීමයි ‘පශ්චාත්තාපය’ නාට්‍යය කළේ. එය එකම නළුවෙකු පමණක් රඟපෑ නාට්‍යයක්. ‘Black Box’ තියටර්  නාට්‍ය කලාව ලංකාවට හඳුන්වා දුන්නේ මම. ඒ වගේම වසර 6ක් පුරා මම ‘කොළඹ ජාත්‍යන්තර  නාට්‍ය උළෙල’ පවත්වාගෙන යනවා. මා දවිත්ව භාෂා නාට්‍යද කර තියනවා.
 
එම්. සෆීර් ජාත්‍යන්තරය තුළ තමන්ට ඉඩක් හදාගත් නාට්‍යකරුවෙක් නේද?
මම දැනට ඉන්දියාවේ ‘ පූනේ ප්ලෙමිං’හි කථිකාචාර්යවරයෙකු ලෙස කටයුතු කරනවා. මා දන්නා   තරමින් විදේශ රටකින් ජාත්‍යන්තර නාට්‍යයක් හදන්න ආරාධනා ලැබූ එකම නාට්‍යකරුවා  මමයි. කොළඹ ජාත්‍යන්තර නාට්‍ය උළෙලට මේ වනවිට ජාත්‍යන්තර නාට්‍යකරුවන් 200ක් 250ක් විතර එකතුවෙලා තියෙනවා. වාර්ෂිකව ඊට ඇයැදුම්පත් 70 ක් ගන්න ලැබෙනවා. අද වනවිට මට පුළුවන් වෙලා තියෙනවා ලෝකයේ  ඕනෑම රටකට ගිහින් එහි නාට්‍ය කටයුත්තකට  දායක වෙන්න. ඒ හැමෝම එම්. සෆීර්ව දන්නවා.
 
ඒ පිළිගැනීම අපේ රට තුළ ඔබට ලැබි තියෙනවාද?
විදෙස් විශ්වවිද්‍යාලවල උගන්වන්නට සුදුසු මා ශ්‍රී ලංකාවේ විශ්වවිද්‍යාලවලට සුදුසු නැතුව ඇති. මා පෞද්ගලිකව  කිසිදු ඇගයීමක් බලා‍පොරොත්තු වන්නේ නැහැ. ඒත් නාට්‍ය කලාව වෙනුවෙන් අනාගත පරපුර වෙනුවෙන් කරන දේට අනුග්‍රහයන් ලැබෙනවා නම් ඒ ඇති. ‘කොළඹ ජාත්‍යන්තර නාට්‍ය උළෙල අරඹන විට ප්‍රේක්ෂකාගාරයේ සිටියේ 25 ක් විතර. ඒ 2012 දී. ඒත් අද වනවිට ප්‍රේක්ෂකාගාරයේ අතුරු සිදුරු නැතුව පිරී ගිහින්. මේ වනවිට ලූෂන් බුලත්සිංහල, පරාක්‍රම නිරිඇල්ල, කේ.බි. හේරත්, ධර්මසිරි බණ්ඩාරනායක  වැනි අය මේ කටයුත්තට එකතු වී සිටිනවා.  ඒත් එකතු නොවූ අයත් ඉන්නවා. ඇතැම් අය  පවසනවා මෙහි  ගුණාත්මක බව අඩුයි කියා. එහෙම වෙන්නේ කවර රටක කුමන ජාත්‍යන්තර නාට්‍ය උළෙලකට සාපේක්ෂවද කියලා මං අහද්දි ඒ අය නිහඬයි. ඊට හේතුව ඔවුන් කිසි කෙනෙක්  කිසිම දාක ජාත්‍යන්තර නාට්‍ය උළෙලක් බලලා නැතිවීම. අපේ රටේ කිසිම දෙයකට හොඳක් අහන්න නොලැබෙන බව මම දන්නවා. හොඳක් නොකියුවාට කුහක විවේචන  එල්ල කරන්න පෙළ ගැසුණු අය ඉන්නවා.
 
වේදිකාවේ ගැටලු ගැන හඬනැගීම්  අපට නුහුරු නැහැ. ජාත්‍යන්තරය හා ගනුදෙනු කරන ඔබට ඒ ගැටලු  වඩා හොඳින් පෙනෙනවා ඇති?
රටේ නගර දහයක රංග ශාලා 10ක් හදන්න කියලා අප ඉල්ලන්නේ  කාලෙක ඉඳන්. ඒත් ඒ දේ වෙන්නෙ නැහැ.  සිදු වුණත් රංගශාලා ඉදි කරන්නේ දේශපාලනඥයෝ. නාට්‍යකරුවන්ගෙන් අදහස් විමසන්නේ නැහැ. දේශපාලනඥයෝ හදන්නේ රංගශාලා ‍නෙවෙයි උත්සව ශාලා. ඒ අය නාට්‍ය ගැන  දන්නේ නැති නිසයි එහෙම වෙන්නේ. ඒ උත්සව ශාලා නාට්‍ය කලාවට වැදගත් නැහැ.  Black Box තියටර් මා හඳුන්වා දෙන විට එය පිළිගන්න බොහෝ අය මැලි වුණා. ඒත් ලෝකයේ ඊට බොහෝ පිළිගැනීමක් තියෙනවා. අපේ නව පරපුර වෙනුවෙන් Black Box නාට්‍ය සඳහාත් ඉඩක් සැකසිය යුතුයි. වේදිකා නාට්‍යකරුවන්ට වෘත්තීය මට්ටමකට එන්නට අපි ජාත්‍යන්තරය හා එකතු විය යුතුයි. හැබැයි ඉතින් ඔය  හැම දේටම කලින් නාට්‍යකරුවන් එකමුතුවිය යුතුයි.
 
ආරියවංශ කුලතිලක

අතුලයි අමායයි දෙන්නගේ මංගල ඡායාරූප පෙළක් මේ දවස්වල අන්තර්ජාලය පුරා සැරිසරනවා. විවාහ වෙලා දරුමල්ලෝ ලබපු මේ දෙන්නා ආයෙම විවාහ වුණාද? දෙදෙනා අතර යම් අර්බුද තිබුණත් මේ දෙන්නා නීතියෙන් දික්කසාද වෙලාද හිටියේ? දීග දෙන වයසේ දුවෙක් ඉන්න අතුල මේ මොකද කරලා තියෙන්නේ? මේ වගේ ප්‍රශ්න හැමෝටම ඇතිවුණේ මේ ඡායාරූප දැක්කට පස්සේ. ඉතින් අද අපි මේ කතාවේ ඇත්ත නැත්ත හොයන්නයි මේ හදන්නේ. 
 
අතුලයි අමායයි ආයෙම කසාද බැන්දද?
අපි බැඳල ගොඩක් කල්.... ඒ කසාදේ එහෙමම තියෙනවා. ආයෙම බඳින්න අපි දෙන්නා දික්කසාද වෙලා හිටියේ නැහැනේ.
 
එතකොට පසුගියදා අන්තර්ජාලය කැළඹූ ඔය දෙන්නාගේ මංගල ඡායාරූප මොනවාද?
ඒක Wedding Shoot එකක්. අපි බැන්දට Wedding Shoot එකක් කළේ නැහැනේ. 
 
බැඳලා දරුවොත් ලැබුණටත් පස්සේ මේ වගේ දෙයක් කරන්න හිතුණේ ඇයි?
අපිට එහෙම දෙයක් කරන්න හිතුණා. අපි ඒක කළා.
අතුලයි අමායයි වෙන්වෙලා කියලා රාවයක් පසුගිය කා‍ලේ පැතිරිලා ගියා. ඒ කටකතාවෙන් මිදෙන්න හිතාගෙනද මේ වගේ දෙයක් කළේ?
අපි වෙන් වුණේ නැහැ. වෙන් වෙන්නෙත් නැහැ. හැබැයි අපි වෙන් කරන්න ඕන වෙලා හිටපු අය හිටියා. ඔය කටකතා පතුරවන්න මුල් වන්න ඒ අයත් බලපෑවා. ඒත් ඒ කටකතා අපිට අදාළ නැහැ. අපිව කවුරු වෙන්කරන්න හැදුවත් ඒක ගොඩක් අමාරු වෙයි.
 
නුවර ‘අමායා හිල්’ හෝටලයේ පැවැතුණේ Wedding Shoot එකක් පමණද? සාදයක් පැවැත්වුණේ නැද්ද? 
නැහැ. කිසිම සාදයක් පැවැත්වුණේ නැහැ. Photo Graper අපිව අන්දවපු කෙනා සහ අපි දෙන්නා විතරයි එදා එතැන හිටියේ.
ඔබගේත්, අතුලගේත් විවාහ ජීවිතය තුළ අර්බුධ නොතිබුණ බවද ඔය කියන්නේ?
ප්‍රශ්න නැති විවාහ ලෝකේ කොහේ හරි තියෙනවා නම් මට කියන්නකෝ. කසාද බැන්දට පස්සේ සුළු සුළු ප්‍රශ්න ඇති වෙනවා. අපේ ප්‍රශ්න තව කෙනෙකුට මහ ලොකු ප්‍රශ්නයක් වෙන්නේ අපි ජනප්‍රිය චරිත හින්දා.
 
කාලයක් සමිතයි අමායයි අතර තදබල මිතුරු ඇසුරක් පැවැතුණා නේද?
එයා ගැන කතා කරන්න මම කැමති නැහැ.
 
ආරියවංශ කුලතිලක
 
ඡායාරූප:- කිංස්ලි පෙරේරා
 

චිත්‍රපට අධ්‍යක්ෂ දිනේෂ් ප්‍රියසාද් දූවරු තිදෙනෙකුගේ තාත්තෙක් බව කවුරුත් දන්නවා. ඩිනක්ෂි, ශේෂාද්‍රි සහ ශනුද්‍රි කියන්නේ ඒ තාත්තාගේ දූවරු තුන්දෙනා කියලත් කවුරුත් දන්නවා. ඒත් පහුගිය දවස්වල මූණු ‍පොතේ මේ තාත්තලා දුවලා ගැන වෙනම කතාවක් කියැවුණා. ඒ දිනේෂ්ට පුතෙක් ඉන්නා වග. එහෙමත් නැත්නම් ඩිනක්ෂිට වැඩිමල් සහෝදරයෙක් ඉන්නා වග. දන්න නොදන්න බොහෝ දෙනෙක් මේ කතාවට එක එක විදියේ අර්ථ දක්වලා තිබුණා. නමුත් ප්‍රියසාද් පවු‍ලේ හැමෝම වගේම මේ අලුතින් කරළියට ආව අයියත් මේ ගැන මුනිවත රැක්කා. අපි ඒ මුණිවත බිඳලා ප්‍රියසාද් පවු‍ලේ ලොකු දෝණිගෙන් පැතිරෙන කතාවේ ඇත්ත නැත්ත ඇහුවා. 
 
ඇත්තද මේ පැතිරෙන කතා? 
එක එක කතා පැතිරෙනවානේ, මොන කතාව ගැනද ඔය අහන්නේ?
 
ඩිනක්ෂිගේ වැඩිමල් සහෝදරයා ගැන?
මමත් ඒ වගේ කතාවක් FB එකේ දැක්කා. 
 
ඒ කියන්නේ දැන් සහෝදරයෝ අඳුන ගන්නෙත් FB එකෙන් වගේ? 
අනේ මන්දා, මේවා කාගේ වුවමනාවට මොන පදනමකින් කියන කතාද කියලා. 
 
ඒ කතාවේ ඇත්තක් නෑ කියලාද කියන්නේ?
කවුරුත් දන්නවානේ අපිට අයියා කෙනෙක් නෑ කියලා. අඩු තරමේ ප්‍රියසාද් නමින් ඥාති සහෝදරයෙක්වත් අපට නෑ. මොකද අපේ වාසගම නමෛයි ප්‍රියසාද් කියන්නේ. අපේ වාසගම පීරිස්, තාත්තා ප්‍රියසාද්, මහප්පා අර්ථසාද්, ඒ නිසා තාත්තයි, අපි තුන්දෙනයි අම්මයි හැරෙන්න අපේ පවු‍ලේ වෙන කවුරුත් ප්‍රියසාද් නම භාවිතා කරන්නේ නෑ. 
 
එහෙනම් කවුද මේ හිටි හැටියේ පාත් වෙච්ච ප්‍රියසාද් අයියා?
ඒ ගැන අදහසක් ප්‍රකාශ කරන්නවත් අදහසක් නෑ. ප්‍රියසාද් කියන නම ඕනෑම කෙනෙකුට තියෙන්න පුළුවන්නේ. ඒත් නම තිබුණ පමණින් හැමෝම මගේ අයියලා වෙන්නේ නෑනේ.
 
ඔය කියන අයියව ඩිනක්ෂි දන්නවද? 
නැහැ. මම තාත්තගෙනුත් ඇහුවා දන්න කෙනෙක්වත්ද කියලා. ඇත්තටම අපි කවුරුත් එයාව පෞද්ගලිකව දන්නේ නෑ. අනික එයා කිසිම තැනක අපි එයාගේ නංගිලා කියලාවත්, අම්මා තාත්තා ගැනවත් කියලා නැහැනේ. වෙන අයනේ මේ නෑකම හදන්න උත්සාහ කරන්නේ.
 
කවුරු කතාව හැදුවත් ඒ පුද්ගලයත් කිසිම තැනක වෙච්ච වැරැද්ද නිවැරදි කරලා නෑනේ?
ඔව්, මමත් එහෙම නිවැරදි කිරීමක් දැක්කෙ නෑ. සමහර විට දැක්කෙ නැද්ද දන්නේ නෑනේ. එහෙමත් නැත්නම් නොමි‍ලේ ලැබෙන ජනප්‍රියතාවක් නිසා නිශ්ශබ්දව ඉන්නවද දන්නෙත් නෑනේ.
 
ඒ අයියත් නමෛයි නම්, පැතිරෙන කතාවත් බොරුවක් නම් මේක කවුරු හරි විනෝදයක් ගන්න කරපු වැඩක් වෙන්න බැරිද? 
වෙන්න පුළුවන්. අපි තුන්දෙනාවත්, අම්මා තාත්තාවත් මේ කතාව ගණන් ගත්තේ නැති නිසා ප්‍රශ්නයක් නෑ. ඒත් මේ වගේ දේවල් ඇස් රතුවෙන විහිළු කියලා ඔය විහිළු කරන අය දැනගත්තොත් හොඳයි. 
 
සමහර අය විහිළුවක් කියලා බැහැර කළාට තවත් සමහර අය සැබෑවක් විදියට සලකලා කියලා මුහුණු ‍පොතේ ප්‍රතිචාරවලින් තේරෙනවා?
හේතුවක් ඇතුව හෝ නැතුව ඕන කෙනෙක්ට මඩ ගහන්න එහෙම නැත්නම් මඩ ගහනවා බලා ඉඳලා සතුටු වෙන පිරිසකුත් ඉන්නවානේ. ඒ අයගේ ප්‍රතිචාරවලින් ඇත්තටම අපි සැලෙන්නේ නෑ. අපේ පවුල ගැන නොදන්නා කෙනෙක්ට බැලූ බැල්මට ඒ කතාව ඇත්ත කියලා හිතෙන්න පුළුවන්. අපිට ආදරය කරන ඒ රසිකයන්ටයි කියන්නේ අපිට අපි තුන්දෙනා හැරෙන්න අයියා කෙනෙක් නෑ.
 
ජනප්‍රියත්වය නිසාමද මන්දා මේ දවස්වල ඩිනක්ෂිට මඩ වදිනවා වැඩියි?
අපිට නැති ප්‍රශ්න අපි ගැන සමහර අයට තියෙනවානේ. ඒ අයට වෙන වැඩක් නැති නිසා එයාලම ප්‍රශ්න හදාගෙන ඒ ප්‍රශ්න ප්‍රශ්නයක් කරගෙන දඟලනවා. ඒ වගේ අයට අනුකම්පා කරනවා ඇරෙන්න වෙන කරන්න දෙයක් නෑ. එයාලා අපේ ප්‍රශ්න කරේ තියාගෙන දඟලනකොට අපි අපේ පාඩුවේ අපේ ගමන යනවා. 
 
ඩිනක්ෂි කලකිරීමෙන්ද කතා කරන්නේ?
අ‍පෝ නෑ. ඔය වගේ තේරුමක් නැති දේවල්වලට කලකිරෙනවා නම් අපිට වෙන වැඩක් කරන්න වෙලාවක් නැති වෙයි.
 
මේ දවස්වල කලා කටයුතු කොහොමද?
වෙනදා වගේම ෂූටින්වලට තමයි කාලය ගතවෙන්නේ. චිත්‍රපට දෙකකට දායක වුණා. ස්වාධීන රූපවාහිනිය වෙනුවෙන් චන්දික විජේසිංහ අයියා අධ්‍යක්ෂණය කරන කොන් කළ දෝණී ටෙලි නාට්‍යයට දායක වුණා. ළඟදීම එය විකාශය වෙයි. 
 
කොන් කළ දෝණී ඩිනක්ෂිද? 
ඔව්, හැබැයි ගෙදර නමෛයි. ටෙලි නාට්‍යයට. 
 
හිමේෂා සවන්ති රාජපක්ෂ 
 
ඡායාරූපය:-අසන්ත ගමආරච්චි

Page 3 of 8

IMAGE

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 1278

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 2127

මුහුණුපොත ගැන ඔබ මෙතෙක් නෑසූ කතා

IMAGE 2017 Nov 16 09:44
‘ෆේස්බුක්’ කියන්නේ නම කියූ මණින් අද උපන් දරුවාගේ සිට සිහිකල්පනාවක් ඇති මහල්ලා දක්වාම...
Views - 2076

හැංගිමුත්තම් කරන අතරේ ඇඳ යටදී දැරියට අතවර කරලා

IMAGE 2017 Nov 15 09:26
හැංගි මුත්තම් සෙල්ලමක් අතරදී වයස අවුරුදු 10 ක වන පාසල් සිසුවියක දුෂණය කළ බව කියන 16 හැවිරිදි...
Views - 4910

ලිංගික උත්තේජන පෙති අකල්මරණවලට හේතුවක් ද?

IMAGE 2017 Nov 14 10:46
පුරුෂ ලිංගික උද්දීපනය සඳහා ගනු ලබන පෙති වර්ග වලින් අකල් මරණ සිදුවන බවට සමාජය පුරා පොදු...
Views - 4540

වික්ටර්ට අපහාස වෙන බව දන්නවා නම් මම හොඳ කෙළියක් කරනවා

IMAGE 2017 Nov 13 13:02
සිනමාවේ හැමදාමත් දුෂ්ටකම් කරන විල්සන් කරූ පසුගිය දවස්වල ඉරාජ්ගේ මියුසික් වීඩියෝ එකක රඟපාලා...
Views - 7324

Please publish modules in offcanvas position.

DMC Firewall is a Joomla Security extension!