Coss Ear2
lakbima.lk
COSS Ear 1

අශිකා මතසිංහ රංගන ශිල්පිනියක් විදියට කලා ක්‍ෂේත්‍රයට ඇවිත් අවුරුදු පහළොවකට වඩා වැඩියි. නමුත් පසුගිය කාලයේ ඇය රඟපෑ කිසිම ටෙලිනාට්‍යයක් අපට දැක ගන්නට ලැබුණේ නැහැ. මේ නිසා බොහෝ දෙනෙක් හිතාගෙන හිටියේ ඇය රංගන ක්‍ෂේත්‍රයෙන් සමු අරන් කියලයි. ඒත් අශිකා දිගු නිහැඩියාවකට පස්සේ අයෙමත් නිළියක් ලෙස කරළියට ඇවිත්. 
 
TV 1 නාලිකාව ඔස්සේ දිග හැරෙන “හිතුවක්කාරයෝ” ටෙලි නාට්‍යයේ ඔබ නිරූපණය කරන්නේ ගාම්භීර චරිතයක්. නමුත් ස්වර්ණවාහිනියෙන් දිග හැරෙන “සුදු අඟුරු” ටෙලි නාට්‍යයේ ඔබ නිරූපණය කරන්නේ කපටි චරිතයක්. ඔබේ පෞද්ගලික ජීවිතේ ගැන කතා කළොත් ඔබ මොනවගේ චරිතයක්ද? 
 
ඇත්තම කිව්වොත් මගේ පෞද්ගලික ජීවිතේ ඔය දෙකටම වඩා වෙනස්. මම බොහොම සැහැල්ලුවෙන් ජීවත් වෙන සරල කෙනෙක්. 
 
අශිකා ක්‍ෂේත්‍රයට ඇවිත් අවුරුදු පහළොවකටත් වැඩියි. නමුත් මේ ටෙලි නාට්‍ය දෙක විකාශය වීමට කලින් ඔබව දකින්න ලැබුණේම නැහැ. ඒකට හේතුව මොකක්ද? 
 
පෞද්ගලික ජීවිතයේදී මම ගොඩක් කාර්යබහුල කාන්තාවක්. මොකද මම දරුවෝ තුන්දෙනෙක්ගේ අම්මා කෙනෙක්. ඒ හින්දා මගේ පවුලට මුල් තැන දීලා තමයි රඟපෑම කරන්නේ. ඒ නිසයි ආරාධනා ලැබෙන හැම නිර්මාණයක්ම බාර නොගන්නේ. හැබැයි කලාතුරකින් නිර්මාණවලට දායක වුණත් එදා මට  ප්‍රේක්ෂකයන්ගෙන් ලැබුණ ප්‍රතිචාර අදටත් ඒ විදියටම ලැබෙනවා. 
 
ඔබ නිරූපණය කරන චරිත අනුව නරක ප්‍රතිචාරත් ඔය අතර ලැබෙනවා ඇති ?
 
ඔව්. වෙනස්ම චරිත දෙකකින් තමයි මම ආයෙමත් ප්‍රේක්ෂකයන් අතරට ඇවිත් ඉන්නේ. “සුදු අඟුරු” බලලා ගොඩක් දෙනෙක් මට ‘නපුරි’ කියලා බණිනවා. ‘ඔයා එක්ක පුදුම තරහක් එන්නේ’ කියලා සමහරු කතා කරලා කියනවා. මං හිතනවා අපි කරන කළු චරිතෙකට මිනිස්සු බණිනවා නම් ඒක ගොඩක් සාර්ථකයි කියලා. හැබැයි ‘හිතුවක්කාරයා” ටෙලි නාට්‍යයේ මම කරන ‘ගාම්භීර චරිතෙ’ට විදේශ රටවලින් පවා සුබ පැතුම් එනවා. 
 
ඔබේ රූපෙත් එක්ක කාලයක් සමහරු ඔබව හැඳින්වූයේ ටෙලි නාට්‍යය ක්‍ෂේත්‍රයේ ඉන්න අහිංසකම රංගන ශිල්පිනිය විදිහටයි. ඒත් දැන් ඔබ රඟපාන චරිත දෙකම ඊට හාත්පසින්ම වෙනස්.
 
එදා වුණත් අහිංසක චරිත විතරක්ම නමෛයි මම රඟපෑවේ. නපුරු චරිතත් කළා. ඒත් ඒවා ප්‍රේක්ෂකයන් අතර කතාබහට ලක්වුණේ නැහැ. මට මාධ්‍යවලට ඒ ගැන ඉන්ටර්විව් දෙන්නත් වේලාවක් තිබ්බේ නැහැ. ඒ හින්දා ගොඩක් අය දන්නේ මම අහිංසක චරිත විතරක් කරන රංගන ශිල්පිනියක් විදියටයි. ඒත් ඇත්තටම මම කරලා තියෙන්නේ නපුරු චරිත. 
 
ආයෙමත් රඟපාන්න එකතු වුණාට සැමියාගෙන් තහංචියක් නැද්ද? 
 
අ‍පොයි නැහැ. සැමියා නැත්නම් මට ආයෙමත් රඟපාන්න වෙන්නෙත් නැහැ. සමහර වෙලාවට මම පාන්දර ෂූටින් යනකොට හස්බන්ඩ් තමයි මගේ දරුවෝ තුන්දෙනාම බලාගන්නේ. මං පාන්දර ෂූටින් යනකොට දුවගේ කොණ්ඩෙ ගොතලා යන්න ඕන හින්දා දුවත් පාන්දරින් ඇහැරලා එයා මට ලොකු සහයෝගයක් දෙනවා. 
 
අශිකා කියන්නේ දරුවෝ තුන්දෙනක් ඉන්න අම්මා කෙනෙක්නේ. ඒත් පසුගිය දවස්වල අපි අශිකාගේ අනුරාගී ඡායාරූප වගයක් දැක්කා.
 
මම ළඟදී කරපු ෆොටෝ ෂූට් එක හින්දා වෙන්න ඇති ඔය විදියට මගෙන් අහන්නේ. මම ඔය කියන ෆොටෝ ෂූට් එකට ගියෙත් හස්බන්ඩ් එක්කයි. වෙනස් දෙයක් කරන්න ඕන හින්දා තමයි මම ඒ ෆොටෝ ෂූට් එක කළේ.
 
සමන්මලී නැලිගම
 

දුෂේනිට ‘උපේක්ෂා’ කියන චරිතය හරහා රංගන ශිල්පිනියක් වීමේ හීනය සැබෑ කරගන්නට පුළුවන් වුණේ 2015 ස්වාධීන රූපවාහිනී අවුරුදු කුමාරි තරගාවලියට ඇය සහභාගි වූ නිසයි. 
2015 ස්වාධීන රූපවාහිනී අවුරුදු කුමාරි තරගයට ඉල්ලුම් පත්‍රය යැවුවේ මගේ තාත්තා. මුලින්ම තාත්තා මට ඉල්ලුම් කරන්න කිව්වා 2015 අවුරුදු කුමාරි තරගයට. ඒත් මම කිව්වා මම 2016 අවුරුද්දේ අයදුම් කරන්නම් කියලා. බලනකොට මටත් නොකියා තාත්තා 2015 ITN අවුරුදු කුමාරි තරගයට මගේ නම යොමු කරලා තිබුණා. මොකද මගේ තාත්තාට ආශාවක් තිබුණා මාව අවුරුදු කුමාරියක් විදිහට දකින්න. ඒ තරගයෙන් මම අවසාන දොළොස් දෙනා අතරට තේරුණා. ඇත්තටම දුෂේනි මියුරංගි කියන තරුණියව ක්ෂේත්‍රයට ගෙන ආවේ ඒ අවුරුදු කුමාරි තරගය. මට එදා කිරුළ දිනාගන්න බැරි වුණා. සමහර විට දිනපු කෙනාට ක්ෂේත්‍රයට එන්න බැරි වෙන්න පුළුවන්. එතනදී තමයි වාසනාව කියන දේ බලපාන්නේ. වාසනාව වගේම තමන්ට ලැබෙන අවස්ථාව වැදගත්. මේ අවුරුදු කුමාරි තරගාවලිය තමයි මාව 'ආදරය ගින්දරක්' කියන ටෙලි නාට්‍යයේ උපේක්ෂා දක්වා අරගෙන ආවේ. මේ වසරේත් අවුරුදු කුමාරි තරගාවලි බොහෝමයක් පැවැත්වේවි. තමන්ට මොකක් හෝ ඉලක්කයක් තියෙනවා නම්, සමහර වෙලාවට ගෙදරින් බලපෑම් කරනවා වෙන්න පුළුවන් ඉගෙන ගන්න කියලා. ඒ වුණාට ඒ ළමයාගේ ආශාව තියෙන්නේ නිළියක් වෙන්න, එහෙම නැත්නම් රූ රැජිනියක් වෙන්න පුළුවන්. එහෙම තමන්ට ආශාව තියෙන ඉලක්කය දක්වා ගමන් කරන එක තමයි ජීවිතේ සතුට වෙන්නේ. නමුත් ඒ ගමන අතරතුර අධ්‍යාපනය කියන එක ඉතා වැදගත්. අද මෙවැනි තරගාවලිවලට ඉදිරිපත් වෙන බොහෝ දෙනා අධ්‍යාපනය ලැබිම අමතක කරනවා. එහෙම කරන්න හොඳ නැහැ. මොකද අධ්‍යාපනය තමයි අපිට හොඳ දේවල් තෝරා බේරා ගන්න මග පෙන්වන්නේ. මම නම් කියන්නේ ඕනෑම හොඳ තරගාවලියකට අයදුම් කරන්න. ඒක තමන්ට අනිවාර්යයෙන්ම වාසියක් වේවි. 

ලංකාවේ සිටින ජනප්‍රිය නිළියක් තමයි අංජුලා රාජපක්ෂ කියන්නේ. තනිකඩව සිටි අංජුලාගෙන් බොහොමයක් දෙනා අහපු ප්‍රශ්නයක් තමයි “කවදද කසාද බඳින්නේ?” කියන එක. ඔන්න දැන් අංජුලා මේ ප්‍රශ්නයට හැමෝටම පිළිතුරක් ලබා දීලා. අපි අද ඔබට ඉදිරිපත් කරන්නේ ඒ පිළිතුර සඳහා වන සාක්ෂියි. ඒ කියන්නේ අංජුලාගේ විවාහ මංගලෝත්සවයේ ලස්සන ඡායාරූප කිහිපයක්. ව්‍යාපාරිකයෙක් වන අංජුලාගේ ස්වාමිපුරුෂයා තමන්ට හමුවූ ආකාරය ගැන ළඟදීම රටම දැනුවත් කරන බවයි ‘අංජුලා’ අපත් සමග පවසා සිටියේ.

සමන්මලී නැලිගම 
 
ඡායාරූප - ධනුෂ්ක සේනාධීර

කරළියට ගෙන ඒමට හදන ඔබගේ අලුත්ම නිර්මාණය ගැන අපි මුළු රටටම දැනුම් දෙමු
“Story of Seetha” මුද්‍රා නාට්‍යය තමයි මගේ අලුත්ම නිර්මාණය. එය අප දන්නා වාල්මීකිගේ රාමායනය ඒ ආකාරයටම වේදිකාවට රැගෙන එන නිර්මාණයක් ‍නෙවෙයි. සීතා දේවියගේ සිතුවිලි අනුව තමයි මෙහි කතාව දිග හැරෙන්නේ. ඇයට වූ අසාධාරණය හා ඊට ඇය මුහුණ දෙන ආකාරය, ඇය මුහුණ දුන් අත්දැකීම් මත තමයි කතාව ගලාගෙන යන්නේ. සුපර්ණකා,
ලක්ෂ්මන්, හනුමාන් යන චරිත මෙහි නැහැ. රාම. රාවණා, සීතා හා මන්දෝදරි යන චරිත 4 තමයි මෙහි තියෙන්නේ. මෙහි පිටපත හා අධ්‍යක්ෂණය මගේ. රත්න ශ්‍රී විජේසිංහ මෙහි ගීත රචනා කළා. නන්දා මාලනී, තිලිණි සඳමිනි, අසිත අතපත්තු ගී ගයනවා. පේෂල මනෝජ් තමයි මෙහි සංගීතය මෙහෙයවන්නේ. මගේ නර්තන කණ්ඩායමේ ළමයි මෙහි රඟපානවා. ප්‍රධාන චරිත ලක්ෂ්මන් නිලන්ත (රාවණා), යුවන්ත යසස් (රාමා), පමා කව්ෂිකා (සීතා) දිව්‍යාංජලී කුමාරි (මන්දෝදරි) අය විසින් ඉදිරිපත් කරනවා.
 මෙය ප්‍රේක්ෂකයන්ට දැකබලා ගන්න ලැබෙන්නේ කවදාද?
ජනවාරි 27 පස්වරු 7ට බිෂොප් රඟහ‍ලේදී මෙහි මංගල දැක්ම වේදිකා ගත වෙනවා. ඉදිරියේදී මේ නිර්මාණය දෙස් විදෙස් රසිකයන්ට දැකබලා ගන්නට පුළුවන්කම ලැබේවි.
 පසුගිය කා‍ලේ ඔබ රියැලිටි තරග විනිසුරුවරයෙක් විදියට දකින්නට ලැබුණා. නමුත් මෑත කාලයේ ඔබේ රුව දුටුවේ නැහැ
මින් මතු කිසිමදාක ජනප්‍රිය තරු තරගවදින රියැලිටි තරගවල විනිසුරු මඬුල්ලට නොයන තීරණයකට මම එළඹිලයි ඉන්නේ. අඳ බාලයන් තරගවදින තරගවල් විනිශ්චය කරන්න ගිහින් කාලය නාස්ති කරගන්න මම කැමති නැහැ. අනුන්ගේ ගීත ගයමින් ගායකයන් යැයි කියා ගන්නා අයයි, කරන්න වැඩ නැතිව වේළෙන නිළියොයි තමයි ඒවායෙදී අපි විනිසුරු පුටුවට සුදුසුද නැද්ද කියලා තීරණය කරන්නේ. එය අපි උගත් ශිල්පයටත් මදිකමක්. හැබැයි මම මේ චෝදනාව කරන්නේ එවැනි තරග සඳහා තරගවදින සමස්ත තරගකරුවන්ට නොවෙයි. සුළු පිරිසකට.

ආරියවංශ කුලතිලක
ඡායාරූප - මංජුල පෙරේරා

“කෝටිපතියෝ” ටෙලි නාට්‍ය හරහා ඔබ හමුවට එන අංජලීගේ සැබෑ නම තමයි තුෂිනි ප්‍රනාන්දු කියන්නේ. ඇය පිළිබඳ මීට පෙර කිසිදු පුවත්පතක ලිපියක්වත් පළ වෙලා නැහැ. ඒ කියන්නේ මේ තමයි තුෂිනි සමග සිදු කෙරුණු පළමු පුවත්පත් සාකච්ඡාව. ඉතාලියේ පදිංචියත් අතහැරලා නිළි හීනය සැබෑ කරගන්න ලංකාවට ආ හේතුව ඈ මුලින්ම කිව්වෙත් ‘රිද්ම’ අපිටයි. 
 
කොහොමද ඔබට කෝටිපතිනියක් වෙන්න අවස්ථාව ලැබුණේ ?
මාව කෝටිපතිනියක් කළේ හාරකෝටියයි. මොකද මට කෝටිපතියෝ ටෙලි නාට්‍යයේ අංජලී කියන ප්‍රධාන චරිතයට අවස්ථාව ලැබෙන්නේ හාරකෝටියේ රසිකාවක් විදිහට මං ඒ ටෙලි නාට්‍යයට ඒ තරමටම ළෙන්ගතු වූ නිසා. මම හිටියේ ඉතාලියේ. ඉතාලියේ සැලෝන් එකක් කරපු මගේ යාළුවෙක් හිටියා. ඒ යාළුවා මාර්ගයෙන් මට උදිත් අබේරත්නව හඳුනා ගන්න ලැබුණා. උදිත් අයියා හරහා ‘‘කෝටිපතියෝ’’ පිටපත් රචක සද්ධා අයියාව වගේම, එහි නිෂ්පාදක චාමර අයියාව හඳුනගන්න ලැබුණා. පස්සේ මම ඉතාලියේ ඉඳලම ඒ දෙන්නට කතා කළා. පස්සේ සද්ධා අයියා මට කිව්වා වීඩියෝ කිලිෆ් එකක් එවන්න කියලා. පස්සේ මම හාරකෝටිය ටෙලි නාට්‍යයේ දෙබස් කිහිපයක් ඇක්ට් කරලා වීඩියෝ එකක් එව්වා. ඒ එවපු වීඩියෝ ක්ලිප් බලලා තමයි නිෂ්පාදක කණ්ඩායම ‘‘කෝටිපතියෝ’’ ටෙලි නාට්‍යයේ ප්‍රධානම චරිතයකට මාව තෝරා ගත්තේ.
 
එතකෙට තුෂිනි ලංකාවට එන්නේම කෝටිපතියා් හින්දා...?
ඇත්තටම ඔව්. රංගන ශිල්පිනියක් වෙන්න හීන දැක්ක මට පළවෙනි නිර්මාණයෙන්ම ප්‍රධාන නිළිය වෙන්න පුළුවන් වෙයි කියලා මම කවදාවත් හිතුවේ නැහැ. ඉතාලියේ ප්‍රධාන පෙළේ හෝටලයක උපදේශිකාවක් කියන තනතුර පවා මම අතහැරලා ලංකාවට ආවේ රංගනයට ඒ තරම් ආදරේ කරන නිසයි.
 
ඔබ ප්‍රතිනිර්මාණය කරන අංජලීගේ චරිතේ ගැන කතා කළොත්...
දඟකාර, ක්‍රියාශීලී යුවතියක් තමා අංජලී කියන්නේ. අංජලීගේ පෙම්වතා විදිහට රඟපාන්නේ සංකේත් වික්‍රමගේ. ඔහු ජනමාධ්‍යවේදියෙක්. නමුත් අංජලීට වඩා තුෂිනිට නම් හොඳ සංයමයක් තිබෙන බව කියන්නම ඕනේ.
 
ලොකු කාලයක් ලංකාවේ හිටපු නැති තුෂිනිට ලංකාවට ආපු ගමන්ම ලැබෙන්නේ බොහෝ දෙනා ආදරයෙන් වැළඳගත්ත හාරකෝටිය ටෙලි නාට්‍යයේ දෙවන කොටසේ ප්‍රධාන නිළියගේ චරිතය රඟපාන්න. මේ ලැබුණු වගකීම මහ බරක් කියලා හිතුණේ නැද්ද?
ඇත්තටම ඉතාලියේ ඉඳලා නිළියක් වෙන්න කියලා හිතාගෙන ලංකාවට එනකොට මට කිසිම අදහසක් තිබුණේ නැහැ. මම පිටපත ආපු දවසේම කියෙව්වා. ඒත් මුකුත් ඔළුවට ආවේ නැහැ. පස්සේ ටිකක් ගැඹුරින් කියවනකොට කරන්න තියෙන්නේ මොකක්ද කියලා තේරුම් ගියා. පළවෙනි රූගත කිරීම් කරනකොට තිබ්බ හැම අඩුපාඩුවක්ම හදාගන්න මට “කෝටිපතියෝ”    නිෂ්පාදන කණ්ඩායමෙන් විශාල සහයෝගයක් ලැබුණා. ඒ වෙලාවේ මට හිතුණා මම තනිවෙලා නැහැ කියලා. දැන් මට ඉතාලියේ ඉන්නවාට වඩා ලංකාවට වෙලා රඟපපා ඉන්න ආසයි. රට ඉන්න අම්මා මට කෝල් කරලා අහනවා ඔයාට දැන් අපිව මතක් වෙන්නේ නැද්ද කියලා. 
 
මේ වෙනකොට කෝටිපතියෝ කොටස් දහයක් විතර විකාශය වෙලා තියෙනවා. ඔබේ චරිතයට ලැබෙන ප්‍රතිචාර එහෙම කොහොමද?
මේ මගේ පළවෙනිම ඇක්ට් එක. ඒ හින්දා මට ලැබෙන ප්‍රතිචාර අනිවාර්යයෙන්ම වැදගත්. කෝටිපතියෝ හතරවෙනි කොටසේ ඉඳලා තමා මං අංජලී විදිහට ජනතාව අතරට එන්නේ. ඇත්තටම කියන්න සතුටුයි... මට ඉතාමත් හොඳ ප්‍රතිචාර ලැබෙනවා. මං ලංකාවට එනකොට මගේ ෆේස් බුක් එකේ යාළුවෝ ‍පොඩ්ඩයි හිටියේ. මම ‘අංජලී’ වුණාට පස්සේ මට ඇක්සෙෆ්ට් කරන්න වේලාවක් නැති තරමට රික්වෙස්ට් එනවා.
 
අපි කැමතියි ඔබේ පෞද්ගලික තොරතුරු ගැනත් දැන ගන්න?
මගේ වයස අවුරුදු 23යි. මගේ අම්මායි, නංගිලා තුන්දෙනයි ඉන්නේ ඉතාලියේ. මගේ තාත්තාත් මගේ රංගන හීනේ සැබෑ කරවන්න ඉතාලියේ කරපු හොඳ රැකියාවක් කැප කරලා ලංකාවට ආවා. ඉතින් රංගනය දැන් මගේ ජීවිතේ කොටසක් කියලා කිව්වොත් හරියටම හරි. 
 
සමන්මලී නැලිගම

මුලින්ම අපි කැමැතියි රොෂාන්ගේ මනාලිය ගැන විස්තර දැන ගන්න? 
ඇය රිද්මා දිසානායක. අපි දෙන්නා කාලෙක ඉඳන් හඳුනනවා. හිත මිතුරෝ විදියට ඇසුරු කරලා පස්සේ තමයි ආදරයක් ඇති වුණේ. ඇයත් නුවර මමත් නුවර. අපේ අදහස් හොඳින් ගැළපෙනවා. දෙන්නට දෙන්නා ගැන හොඳ වැටහීමක් තියෙනවා ඒ හින්දා අපි තීරණය කළා විවාහ වෙන්න. 
 
රිද්මා කලාවට උනන්දුද? 
ඇයට හොඳ රසඥතාවක් තියෙනවා. ඒත් කලාවට සම්බන්ධ වෙන්න නම් අදහසක් නැහැ. 
 
ඒත් රිද්මා නිළියක් වගේ ලස්සනයි?
ලස්සන කියන්නේ නිළියක් වෙන්න එක සුදුසුකමක් විතරයි. රඟපෑම කියන්නේ බොහොම ගැඹුරු විෂයක්. ඒ හින්දා එයා ඒකට සුදුසු නැහැ කියලයි මම හිතන්නේ. 
ඔබ දෙදෙනාගේ මංගල ඡායාරූප පෙළක් දුටුවාට මංගල උත්සවයක් දකින්න ලැබුණේ නැහැ? 
මංගල උත්සවයක් පස්සේ ගන්නවා. මේ ඡායාරූප පෙළ සඳහා මාවත් උනන්දු කළේ රිද්මා. නිලක්ෂි පෙරේරා හා කුසුම් පෙරේරා (නිශ්) ඇඳුම් නිර්මාණයෙන්, දර්ශන ගොහාගොඩ (රේ-මෑන්) ඡායාරූපවලින් සිසිර හේමකුමාර (මල් බොකේ) මිරුෂක චතුරංග (ෆොටෝ) මේ සඳහා දුන් අනුග්‍රහකත්වය අමතක කරන්නම බැහැ.
 
අලුත් ජීවිතේ ගැන රිද්ම පාඨකයන්ට මොනවාද කියන්න තියෙන්නේ? 
අපි කොළඹ වගේම නුවරත් ඉන්න බලා‍පොරොත්තු වෙනවා. මගේ කලා කටයුතු සුපුරුදු විදියට කෙරෙනවා.  කරදරයක් නැතුව සරල විදියට අපේ ජීවිත ගෙවිලා යයි. 
රොෂාන්ගේ විවාහයත් සමග අන්තර්ජාලය තුළ ආන්දෝලනාත්මක කතා රැසක් පැතිර ගියා. ඔබගේ හිටපු පෙම්වතියක් කියන තැනැත්තියක් තමයි ඊට මුල් වෙලා තිබුණේ. ඇය ඔබට චෝදනා රැසක් එල්ල කර තිබුණා? 
ඔය ගැන කතා කරන්නවත් මම කැමැති නැහැ. කාට හරි මට චෝදනා කරන්න තියෙනවා නම් මම විවාහ වන තුරු සිටියේ ඇයි ඔය චෝදනා කරන්න. ඒ වගේම මගෙන් කාට හෝ ප්‍රශ්නයක් වුණා නම් කරන්න තියෙන්නේ නීතිය ඉදිරියට යන එකනේ. මම ඒ දේවල්වලට මුහුණ දෙන්න සූදානම්. 
 
ආරියවංශ කුලතිලක 
 
ඡායා - දර්ශන ගොහාගොඩ 
ඇඳුම් - නිලක්ෂි පෙරේරා
කුසුම් පෙරේරා (නිෂ්)

Page 1 of 10

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1223

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 698

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4080

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2344

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4377

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5525

Please publish modules in offcanvas position.