Coss Ear2
lakbima.lk
COSS Ear 1

දිසාපතිවරුන් 95කට සෙවන දුන් දිසාපති මැදුර

ප්‍රෞඪ අතීතයකට උරුමකම් කියන කෑගල්ල නගරයේ 1824 දී ඉදිකර ඇති කෑගල්ල මහා දිසාපති මැදුර ඉතා සොඳුරු දසුනකි. 
ආණ්ඩුවේ උප ඒජන්තවරයාට නිල නිවසක් කෑගල්‍ලේ ඉදිකිරීමට ගත් තීරණයක් අනුව 1824 දී කෑගල්ල මහා දිසාපති මැඳුර ඉදි කොට තිබේ. පසු කලෙක මෙය මහ රැජින විසින් කෑගල්ලට පත් කර තිබු ඒජන්තවරුන්ගේ නිල නිවස්න බවට පත්විය. 
කොළඹ - නුවර මහා මාර්ගය ඉදිකළ සමයේදී එහි නියමුවා වූ කැප්ටන් ඩෝසන් ද සිය රාජකාරි අතරතුර මෙම නිල නිවාසයේ නතර වී ඇත. පසු කලෙක පත්ව ආ දිසාපතිවරුන් අනූපස් දෙනකුගේ (95) නිල නිවහන වන්්නේ්ද මෙම මැඳුරයි. 
එහි මුල්ම දිසාපතිවරයා ලෙස 1845 දී ඉංග්‍රීසි උප දිසාපතිවරයකු වූ විලියම් බරිටන් තම නිවහන ලෙස භාවිත කොට ඇති අතර එතැන් සිට 1937 දක්වා ඉංග්‍රීසි ජාතික උපදිසාපතිවරුන් මෙම මැඳුර භාවිත කර ඇත. මෙම මැඳුර තම නිවහන ලෙස භාවිත කළ මුල්ම සිංහල උප දිසාපතිවරයා ලෙස 1937 දී ආර්. අලුවිහාරේ මහතා කටයුතු කොට ඇත. 
මෙම නිල  මැඳුර භාවිත කළද උප දිසාපතිවරුන් අතර 1946 දී ප්‍රථම ද්‍රවිඩ ජාතික උපදිසාපතිවරයා වූයේ කේ. කේ. කනක සුන්දරම් මහතායි. එසේම කාන්තා උප දිසාපතිවරිය ලෙස රන් මැණිකේ ගුණතිලක මහත්මිය 1991 දී මෙම මැඳුර නිල නිවහන ලෙස භාවිත කළාය. 
එම මැඳුර බ්‍රිතාන්‍ය ගෘහ නිර්මාණ ශිල්පයට ආවේණික ලක්ෂණ සහිතව ඉදිකර ඇති අතර මැඳුරේ ඉදිරිපස උසින්  අඩි විස්සක් පමණ වන කුළුණු දෙළහක් ද හරස් අතට කුළුණු පහ බැගින්ද පිහිටුවා ඇත. විශාල සාලයක් හා නිදන කාමර බ්‍රිතාන්‍ය ගෘහ නිර්මාණ ශිල්පයේ අනන්‍යතාවය සුරැකෙන පරිදි ඉදිකොට තිබේ. එසේම දර්ශනීය ලෑලි සිවිලිම වහළය අලංකාර කොට ඇත. තවද විදුලි පංකා නිර්මාණයන් ආරම්භ ආරම්භ කළ අවධියේ යැයි සැලකිය හැකි විදුලි පංකාවන්ද මෙහි දක්නට ලැබේ. ප්‍රධාන මන්දිරය හා මුළුතැන්ගෙය සම්බන්ධ වන ආකාරයට අඩි හයක් පමණ උස විශාල කුලුනුු සම්බන්ධ කොට ඇති අතර  එම මුළුතැන්ගෙයම ගඩබා කාමර  ආදියද සතුවෙයි. 
එකල ඒජන්තවරුන් ගමන් බිමන් යාමට යොදාගත් අශ්වයන් බැඳ තබන මුදුව හා පාවහන්වල මඩ පිසින්නට ඉදිකළ ආධාරකයද මැඳුර ඉදිරිපස තවමත් දකින්නට ලැබෙයි. මෙහි තවමත් බ්‍රිතාන්‍ය උප ඒජන්තවරුන් කිහිපදෙනකුගේ ඉපැරණි ඡායාරූප මැඳුරේ පෞරාණික පෙනුම වඩාත් ඉස්මතු කරවන අතර එහි වටිනාකම ඉතා ඉහළ වෙයි. වත්මනෙහි මෙම නිල මැඳුර භාවිත කරනු ලබන්නේ කෑගල්ල මහ දිසාපති චන්ද්‍රසිරි බණ්ඩාර මහතාය. 
කෑගල්ල නගරයට ආසන්නයේම පිහිටා ඇති මෙම නිල මැඳුර වසර දෙසීයකට ආසන්න කාලයක් ආයු වළඳා තවත් වසර දෙසීයක් නිසලව විරාජමාන වීමට ශක්තියක් තිබිම එහි පේ‍රෟඪ බව කියාපාන්නකි. 
 
නයනාංග සෙනෙවිරත්න,උදුගොඩ 
IMAGE

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 1592

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 2384

කසාද බැඳලා දරුවොත් ඉන්න ඇය මේ කතාව කාටවත් කියන එකක් නැහැ

IMAGE 2018 Feb 18 12:57
අද වන තුරු කාටවත් නොකී රස රහසක් මගේ ජීවිතය තුළත් තියෙනවා. ඇත්තටම ඒ රහස මම ඇර තව එක්කෙනයි දන්නේ....
Views - 5449

ලංකාවේ සුපිරි ධනවතාගේ කෝටි 16 මෝටර් රිය

IMAGE 2018 Feb 18 12:00
2015 ජනාධිපතිවරණ සමයේ දේශපාලන වේදිකාවේ බොහෝ දේ කතාබහ කෙරුණි. මිල අධික ලැම්බ්‍රෝගිනි මෝටර් රථද ඒ...
Views - 5175

මට දැන් තාත්තා ගැන තියෙන්නේ අනුකම්පාවක් විතරයි

IMAGE 2018 Feb 18 10:28
ආචාර්ය  වික්ටර් රත්නායකයන්ගේ පුතුන් දෙදෙනා වන ජයන්ත සහ ලෙලුම් ගැන අද වෙද්දී මුළු රටම...
Views - 5883

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 10044

Please publish modules in offcanvas position.